ఆర్థిక వ్యవహారాలు రక్త సంబంధీకులు, తోడబుట్టిన వాళ్ల మధ్య కూడా చిచ్చు పెట్టే ఉదంతాలు ఎన్నో చూస్తుంటాం. సెలబ్రెటీల్లో కూడా ఇలాంటి ఎన్నో వివాదాలు అనుభవమే. ఇప్పుడు అలనాటి నటీమణులు రాధ, అంబికల మధ్య కూడా ఆస్తి వివాదం పోలీస్ స్టేషన్ వరకు వెళ్లింది. ఒకప్పుడు ఎంతో అన్యోన్యంగా కనిపించిన రాధ, అంబికల మధ్య ఇప్పుడు ఇంత పెద్ద వివాదం రాజుకోవడం సామాజిక మాధ్యమాల్లో చర్చనీయాంశంగా మారింది. ఇంతకీ ఏం జరిగిందంటే..?
తన సోదరి అంబికతో పాటు సోదరుడు మల్లికార్జున కుంజన్ నాయర్ కలిసి.. తన సంతకం ఉన్న బ్లాంకు చెక్కులను ఉపయోగించి 46 కోట్ల రూపాయలు కాజేయడానికి ప్రయత్నించారని ఆరోపిస్తూ రాధ చెన్నై పోలీస్ కమిషనర్కు ఫిర్యాదు చేశారు. ఆమె తన కంప్లైంట్లో పేర్కొన్న ప్రకారం.. వ్యాపార అవసరాల నిమిత్తం ఆమె ‘ఏఆర్ఎస్’ స్టూడియో పేరుతో ఉన్న ఒక కరెంట్ బ్యాంక్ అకౌంట్ను నిర్వహిస్తున్నారు. సిబ్బంది జీతాలు, పన్నులు, ఇతర ఖర్చుల కోసం కొన్ని చెక్కులపై ముందుగానే సంతకం చేసి చెన్నైలోని తన ఇంట్లో పెట్టేవారట.
2025 జనవరి నుంచి ఈ సంస్థ పేరు ‘ఆర్ఆర్ గార్డెన్స్’గా మార్చడంతోపాత చెక్కులను ఉపయోగించడం ఆపేశారు. ఐతే పాత చెక్ బుక్లోని ఐదు చెక్కులను అంబిక, మల్లికార్జున్ దొంగిలించారన్నది రాధ ఆరోపణ. సెప్టెంబర్ 17న అంబిక పేరుతో రూ. 46 కోట్ల మొత్తానికి ఐదు చెక్కులను బ్యాంకులో ఇచ్చినట్లు అధికారులు తనకు సమాచారం ఇచ్చారని రాధ కంప్లైంట్లో పేర్కొన్నారు.
వెంటనే అప్రమత్తమైన తాను ఆ చెక్కులు నిలిపివేయాలని బ్యాంకు అధికారులకు చెప్పానని.. అంబికకు తాను ఎలాంటి చెక్కులూ ఇవ్వలేదని, అంత పెద్ద మొత్తంలో నగదు చెల్లించాల్సిన ఒప్పందం ఏదీ తమ మధ్య లేదని ఆమె స్పష్టం చేశారు.
అంతే కాక అంబికతో తనకున్న ఆస్తి తగాదాల గురించి కూడా రాధ ఈ సందర్భంగా వెల్లడించారు. ఏడాదిన్నరగా తనను తన ఆస్తిలోకి అడుగుపెట్టనివ్వడం లేదని.. అక్కడ విలువైన వస్తువులు, నగలు, పత్రాలు ఉన్నాయని రాధ తన ఫిర్యాదులో వెల్లడించారు.
ఈ వ్యవహారంపై విచారణ జరిపి, చట్టపరమైన చర్యలు తీసుకోవాలని పోలీసులను కోరారు. రాధ ఒకప్పుడు తెలుగు, తమిళం సహా దక్షిణాదిన అన్ని భాషల్లోనూ అగ్ర కథానాయికగా వెలుగొందారు. అంబిక కూడా తమిళంలో పేరున్న నటే. ఈ ఇద్దరు అక్కాచెల్లెళ్ల మధ్య ఇప్పుడు ఇంత పెద్ద వివాదం రాజుకోవడం చర్చనీయాంశం అయింది.
This post was last modified on September 22, 2026 9:52 am
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…
టాలీవుడ్ బాక్సాఫీస్ వద్ద ఈ వారం విడుదలైన సినిమాల్లో అందరూ మాట్లాడుకుంటున్నవి ఆకాశంలో ఒక తార, ఈ నగరానికి ఏమైంది…
ప్రపంచంలోనే అత్యంత ధనవంతుడైన శ్రీ వెంకటేశ్వర స్వామికి ఓ అపరిచిత భక్తుడు భారీ కానుక సమర్పించడం దేశ వ్యాప్తంగా చర్చనీయాంశమైంది.…