Movie News

అపార్థాలకు దారి తీసిన నాని మాటలు

ఒక్కోసారి హీరోలకు తమకు తెలియకుండా ఒక ఉద్దేశంతో అన్న మాటలు ఇంకో కోణంలో వెళ్ళిపోయి సోషల్ మీడియాలో రచ్చకు అవకాశాన్ని ఇస్తాయి. నిన్న చెన్నైలో జరిగిన ప్యారడైజ్ ప్రెస్ మీట్ లో నాని తమిళ సినిమాను బైబిల్ తో పోలుస్తూ కోలీవుడ్ ని ఆకాశానికి ఎత్తేయడం వివిధ చర్చలకు దారి తీస్తోంది. మణిరత్నం, భారతీరాజా, భాగ్య రాజ్ లాంటి లెజెండరీల ప్రస్తావన మంచిదే కానీ అంతా అక్కడి నుంచే నేర్చుకున్నాననే స్థాయిలో ఎలివేషన్ ఇవ్వడం నెటిజెన్లకు అంతగా నచ్చడం లేదు.

మాములుగా మల్టీ లాంగ్వేజ్ ప్రమోషన్లకు వెళ్ళినప్పుడు ఆయా పరిశ్రమల గొప్పదనం గురించి మనోళ్లు కొంచెం చెప్పడం ఎన్నోసార్లు చూశాం. వాళ్ళు ఇక్కడికి వచ్చినప్పుడు కూడా అదే జరుగుతుంది. విశ్వనాథ్ అండ్ సన్స్ ఈవెంట్ లో సూర్య అన్న మాటలు మర్చిపోలేంగా. కానీ ఇక్కడ చిక్కల్లా ఎలాంటి పదాలు వాడుతున్నాం అనే దగ్గర వస్తుంది. బైబిల్ అనడం, చెన్నై వస్తే ఇంటికి వచ్చిన ఫీలింగ్ కలుగుతుందని చెప్పడం సగటు సినీ ప్రియులు అంగీకరించలేకపోతున్నారు.

అయితే నాని మాటలను మరీ భూతద్దంలో చూస్తున్నారని అభిమానులు డిఫెండ్ చేస్తున్నారు. వెళ్ళింది చెన్నై కాబట్టి కమల్ హాసన్ లాంటి వాళ్ళ ప్రస్తావన తీసుకురావడంలో తప్పేముందని కౌంటర్ ఇస్తున్నారు. రాజమౌళి కన్నా చాలా ముందు సౌత్ స్టాండర్డ్స్ ని శంకర్, మణిరత్నం లాంటి వాళ్ళు పెద్ద స్థాయికి తీసుకెళ్లారని, అలాంటప్పుడు అనవసరంగా లేనిపోని విశ్లేషణలతో ఎందుకు మన హీరోని చిన్నబుచ్చే ప్రయత్నం చేస్తున్నారని వివరిస్తున్నారు.

ఇదంతా ఎలా ఉన్నా నానికి టాలీవుడ్ మీద ఉన్న అపారమైన గౌరవం గురించి కొత్తగా సర్టిఫికెట్లు అవసరం లేదనేది ఫ్యాన్స్ వాదన. అసిస్టెంట్ డైరెక్టర్ గా క్లాప్ కొట్టే స్టేజి నుంచి వంద కోట్ల మార్కెట్ సాధించిన స్టార్ హీరోగా నాని ప్రతి అడుగు తెలుగులోనే పడిందనేది నిజం. తమిళంలో రెండు స్ట్రెయిట్ సినిమాలు చేసినా అవి డిజాస్టరయ్యాయి. ఇదే ప్రెస్ మీట్ లో నానినే దీన్ని ఒప్పుకున్నాడు. డబ్బింగ్ అయితేనే వర్కౌటవుతాయని అన్నాడు. చూడాలి మరి ఈ డిబేట్లు ఎక్కడి దాకా వెళ్తాయో.

This post was last modified on September 18, 2026 2:27 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

6 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

7 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

7 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

7 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

7 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

7 hours ago