నిన్న చెన్నైలో విశ్వనాథ్ అండ్ సన్స్ ఈవెంట్ ఘనంగా జరిగింది. దీన్ని తమిళ సినిమాగానే చెబుతూ వస్తున్నారు కాబట్టి దానికి అనుగుణంగా ప్రమోషన్లు తమిళనాడు నుంచి మొదలుపెట్టారు. సూర్య హీరోగా వెంకీ అట్లూరి దర్శకత్వంలో సితార ఎంటర్ టైన్మెంట్స్ నిర్మించిన ఈ ఫ్యామిలీ కం లవ్ ఎంటర్ టైనర్ ఆగస్ట్ 14 థియేటర్లలో అడుగు పెట్టనుంది. డబ్బింగ్ వెర్షన్ అయినప్పటికీ సూర్యకున్న ఇమేజ్ దృష్ట్యా ఇక్కడా మంచి బిజినెస్ జరుపుకోనుంది.
నిర్మాత నాగవంశీ ఈ సందర్భంగా మాట్లాడుతూ తెలుగులో తామే తీసిన అల వైకుంఠపురములో ఏ స్థాయిలో అయితే గొప్ప విజయం సాధించిందో అదే తరహాలో విశ్వనాథ్ అండ్ సన్స్ కూడా కోలీవుడ్ కు అలా నిలిచిపోతుందని పెద్ద స్టేట్ మెంట్ ఇచ్చారు. అంటే వినోదం, సంగీతం, ఎమోషన్ అన్నీ పోటాపోటీగా బన్నీ మూవీని తలపించేలా ఉంటాయని హామీ గుప్పించారు. వినడానికి బాగుంది కానీ నిజంగా అలా అయితే సూర్యకు కరుప్పుని మించిన విజయం దగ్గరలో ఉన్నట్టే.
ఇక్కడ రిస్క్ కూడా లేకపోలేదు. అల వైకుంఠపురములోతో పోల్చడం ఆషామాషీ కాదు. ఎందుకంటే స్వయంగా త్రివిక్రమ్ శ్రీనివాసే ఆ స్థాయి మేజిక్ ని మళ్ళీ రిపీట్ చేయలేకపోయారు. గుంటూరు కారం ఏమయ్యిందో తెలిసిందే. బాహుబలిని టచ్ చేస్తుందనుకుంటే సరిలేరు నీకెవ్వరు రేంజ్ లో కూడా అంతగా ఆడలేదు. ఏదో మహేష్ ఇమేజ్, గురూజీ మాటల వల్ల డీసెంట్ గా గట్టెక్కింది. మరి వెంకీ అట్లూరి లాంటి సెన్సిబుల్ దర్శకుడు అది రిపీట్ చేయడం సవాలే.
టీమ్ మాత్రం చాలా కాన్ఫిడెంట్ గా ఉంది. ష్యుర్ షాట్ బ్లాక్ బస్టర్ రేంజ్ లో నమ్మకాన్ని వ్యక్తం చేస్తోంది. తెలుగులోనూ ఒక ఈవెంట్ ప్లాన్ చేయబోతున్నారు. దానికి సంబంధించిన వివరాలు ఈ వారంలోనే రాబోతున్నాయి. మమిత బైజు హీరోయిన్ గా నటించిన విశ్వనాథ్ అండ్ సన్స్ ని మధ్యవయసు వ్యక్తి, పాతికేళ్ల యువతికి మధ్య ప్రేమకథగా తెరకెక్కించారు. ఇంత సున్నితమైన పాయింట్ ని అన్ని వర్గాలు ముఖ్యంగా ఫ్యామిలీ జనాలను మెప్పించేలా ఎలా తీశారో చూడాలి.
This post was last modified on August 3, 2026 10:12 am
తెలుగు ప్రేక్షకులు ఈ నగరానికి ఏమైంది రిపీట్, ఆకాశంలో ఒక తార, ఓమ్ అంటూ కొత్త సినిమాల హడావిడిలో పడిపోయారు…
నిన్నటి వరకు భయపెట్టిన అక్వాన్ తుఫాన్ ఒడిశా వైపు మెల్లగా జారుకుంది. ఆంధ్ర ప్రదేశ్ కు తుఫాన్ ముప్పు తప్పింది.…
టోల్ ప్లాజా దాటితే చాలు.. మీ వాహనానికి ఇన్సూరెన్స్ ఉందో లేదో ప్రభుత్వానికి తెలిసిపోతుంది. ఇప్పటివరకు టోల్ చెల్లింపులకే పరిమితమైన…
ఈ మధ్యకాలంలో భారతీయులపై పాశ్చాత్య సంస్కృతి ప్రభావం బాగా ఎక్కువైంది. విలాసవంతమైన జీవితం, మద్యపానం, ఖరీదైన భోజనం వంటి వాటిని…
తమిళనాడు రాజకీయాల్లో మరో కీలక పరిణామం చోటుచేసుకుంది. మాజీ ముఖ్యమంత్రి ఎంకే స్టాలిన్ను ఆయన సొంత నియోజకవర్గం కొళత్తూరులో ఓడించిన…
నిన్న రాత్రి ప్రీమియర్లతో ఈ నగరానికి ఏమైంది రిపీట్ విడుదలయ్యింది. ముఖ్యంగా ఒక్క రాత్రిలో హైదరాబాద్ నుంచి కోటి రూపాయల…