ముందు లీకైనట్టే ఘట్టమనేని జయకృష్ణ డెబ్యూ మూవీ శ్రీనివాస మంగాపురం వాయిదా పడింది. జూలై 30 విడుదల చేయబోతున్నట్టు నిర్మాతలు అధికారికంగా ప్రకటించారు. అయితే కాకతాళీయంగా ఇక్కడో విశేషం ఉంది. 1999 జయకృష్ణ బాబాయ్ మహేష్ బాబు సోలో హీరోగా తెరకు పరిచయమైన రాజకుమారుడు సరిగ్గా ఇదే తేదీకి వచ్చింది. రాఘవేంద్రరావు దర్శకత్వంలో కె అశ్వినీదత్ నిర్మించిన ఈ సినిమా ఘనవిజయం సాధించి సూపర్ స్టార్ బిరుదు అందుకోవడానికి తొలి పునాది వేసింది.
అక్కడి నుంచి మహేష్ వెనుదిరిగి చూడాల్సిన అవసరం రాలేదు. అందులో కృష్ణగారు క్యామియో చేయడం బాగా ప్లస్ అయ్యింది. ఇక జయకృష్ణ విషయానికి వస్తే ఘట్టమనేని మూడో తరం హీరోగా గౌతమ్ కన్నా ముందు తొలి ఎంట్రీ ఇస్తున్నాడు. ఆరెక్స్ 100 ఫేమ్ అజయ్ భూపతి దర్శకత్వం వహించిన ఈ వయొలెంట్ యాక్షన్ డ్రామాలో మోహన్ బాబు ప్రధాన పాత్ర పోషిస్తున్నారు. హీరోయిన్ గా రవీనాటాండన్ కూతురు రశ తదానిని తెలుగు తెరకు పరిచయం చేస్తున్నారు.
జయకృష్ణ తండ్రి రమేష్ బాబుని హీరోగా సెటిల్ చేయడానికి కృష్ణ చాలా కష్టపడ్డారు. సామ్రాట్, ముగ్గురు కొడుకులు, బజారు రౌడీ లాంటి కమర్షియల్ హిట్స్ ఉన్నప్పటికీ ఎక్కువ కాలం కథానాయకుడిగా కొనసాగలేకపోయారు. తర్వాత వ్యాపారాల్లో స్థిరపడ్డారు. అర్జున్ తో ప్రొడ్యూసర్ గా ఎంట్రీ ఇచ్చారు కానీ ఆశించిన ఫలితం దక్కలేదు. తండ్రి సక్సెస్ కాలేకపోయిన చోట కొడుకుగా గెలిచి చూపించాల్సిన బాధ్యత ఘట్టమనేని జయకృష్ణ మీద ఉంది.
మరో విశేషం ఏంటంటే రాజకుమారుడు నిర్మాత అశ్వినిదత్ గారే ఇప్పుడీ శ్రీనివాస మంగాపురంకు సమర్పకులుగా వ్యవహరిస్తున్నారు. ప్రీ రిలీజ్ ఈవెంట్ కు మహేష్ బాబుని తీసుకొచ్చే ప్రయత్నాలు దాదాపు ఓకే అయ్యేలా ఉన్నాయి. అన్నయ్య కొడుకు గురించి మహేష్ ఏం చెబుతాడనే దాని మీద అంచనాల మోతాదు ఆధారపడి ఉంటుంది. వారణాసికి ఇంకా చాలా టైం ఉంది కాబట్టి మహేష్ ఫ్యాన్స్ నుంచి శ్రీనివాస మంగాపురంకు మద్దతు ఉంటుందని టీమ్ భావిస్తోంది.
This post was last modified on July 3, 2026 5:54 pm
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…
లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…