జనవరిలో జన నాయగన్ కు సెన్సార్ అడ్డంకులు తలెత్తినప్పుడు విజయ్ కేవలం ఒక స్టార్ హీరో. రాజకీయంగా ఇంకా తొలి అడుగుల్లోనే ఉన్నాడు. అందుకే ఏమి చేయలేని పరిస్థితి. అయిదు నెలల తర్వాత సీన్ మారిపోయింది. విజయ్ ముఖ్యమంత్రి అయ్యాడు. మొదటి విడతలోనే పదవి చేపట్టిన అరుదైన ఘనత అందుకున్నాడు. సింగల్ గా పోటీ చేసి ఎవరితో ముందస్తు పొత్తు లేకుండా విజయం సాధించడం చరిత్ర అంత సులభంగా మర్చిపోదు. ఇక్కడిదాకా బాగానే ఉంది.
జన నాయకుడుని గతంలో నియమించిన రివైజింగ్ కమిటీ చూసి రిపోర్ట్ ఇవ్వాలి. అది కోర్టు పరిశీలనకు వచ్చిన తర్వాత సెన్సార్ అధికారులు చర్యలు తీసుకుని సర్టిఫికెట్ ఇస్తారు. కానీ ఆ దిశగా ఎలాంటి మూమెంట్ లేకపోవడం విజయ్ అభిమానులను కలవరపెడుతోంది. ఎందుకంటే జూన్ 19 ఈ సినిమా రిలీజ్ అవుతుందనే ప్రచారం తమిళనాడు బయ్యర్ వర్గాల్లో బలంగా ఉంది. కానీ ఇప్పటిదాకా అప్డేట్ లేకపోవడం వాళ్ళను కలవరపెడుతోంది.
ఇటీవలే జరిగిన ఒక ఈవెంట్ లో దర్శకుడు హెచ్ వినోత్ మాట్లాడుతూ ఈ సినిమా వెనుక ఏం జరిగిందో చెప్పే ధైర్యం తనకు లేదని, ఒకవేళ చెప్పినా దాన్ని టెలికాస్ట్ చేసే ధైర్యం మీకు లేదని ఛానల్ ని ఉద్దేశించి చెప్పడం కోలీవుడ్ లో హాట్ టాపిక్ గా మారింది. పవర్ లో ఉన్న హీరోని పెట్టుకుని కూడా అతను ఓపెన్ గా ఏదీ బయట పెట్టలేకపోవడం చూస్తే ఏదో పెద్ద రహస్యమే ఉందని సినీ రాజకీయ వర్గాలు చెవులు కొరుక్కుంటున్నాయి.
ఇదో కొత్త చర్చకు దారి తీస్తోంది. వీలైనంత త్వరగా ఇష్యూస్ క్లియర్ చేయమని ఫ్యాన్స్ డిమాండ్ చేస్తున్నారు. విజయ్ చివరి సినిమాగా దీన్ని గ్రాండ్ గా సెలెబ్రేట్ చేసుకోవడానికి వాళ్ళు ఎదురు చూస్తున్నారు. పూజా హెగ్డే హీరోయిన్ గా నటించిన ఈ యాక్షన్ డ్రామాలో మమిత బైజు మరో ముఖ్యపాత్రలో కనిపించనుంది. భగవంత్ కేసరి రీమేక్ గా రూపొందిన జన నాయగన్ కు అనిరుధ్ రవిచందర్ సంగీతం సమకూర్చారు. జూన్ రిలీజ్ మిస్ అయితే ఇంకో నెల అదనంగా ఎదురు చూడాల్సి రావొచ్చు.
This post was last modified on May 31, 2026 2:05 pm
పరివర్తన రాజనీతి పార్టీ(పీఆర్ పీ) పేరుతో సొంత పార్టీని స్థాపించుకున్న వైసీపీ మాజీ నేత, రాజ్యసభ మాజీ ఎంపీ వేణుంబాకం…
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…