Movie News

చిరంజీవి చొరవ ఫలితమిస్తే చాలు

టాలీవుడ్ లో విపరీతమైన హాట్ టాపిక్ గా మారిన నైజామ్ సింగల్ స్క్రీన్ పర్సెంటెజ్ వివాదం ఇవాళ మెగాస్టార్ చిరంజీవి ఇంటికి చేరింది. ఆయన్ని పెద్దగా భావించి తమ సమస్యలు విన్నవించుకుంటామని ఎగ్జిబిటర్లు మొన్న ప్రెస్ మీట్లో స్వయంగా చెప్పిన తర్వాత ఈ పరిణామం చోటు చేసుకోవడం విశేషం. ఈ వివాదం మొదలైనప్పుడు, ఒకవేళ తెలంగాణ సింగల్ స్క్రీన్లలో పెద్ది వేయకపోతే చిరంజీవి, చరణ్ ని కలుస్తామని నిర్మాత నాగవంశీ చెప్పడాన్ని ఈ సందర్భంగా గుర్తు చేసుకోవాలి.

ఇక ఈ రోజు జరిగిన మీటింగ్ విషయానికి వస్తే దిల్ రాజు చెప్పిన సారాంశం చాలా సింపుల్ గా ఉంది. రెండు రోజుల్లో పరిష్కారం వస్తుందని, అంతా సవ్యంగా జరిగిందని, ప్రదర్శకుల ఇబ్బందులను సావధానంగా చిరంజీవి విన్నారని చెప్పుకొచ్చారు. ఇన్ సైడ్ టాక్ అయితే ఎగ్జిబిటర్ల దూకుడుని ప్రశ్నించిన చిరంజీవి ఇన్నేసి నెలలు, సంవత్సరాలు ఎందుకు మౌనంగా ఉన్నారనే పాయింట్ మీద ఎక్కువ డిస్కస్ చేశారట. గతంలో జరిగిన సమావేశాల వివరాలు తెలుసుకున్నారట.

చూస్తుంటే జూన్ 4 విడుదల కాబోతున్న పెద్దికి ఆటంకాలు లేకుండా ప్రస్తుతానికి రూట్ క్లియర్ చేసి వచ్చే నెల చివరిలోగా ఖచ్చితంగా పరిష్కారం చూపించే విధంగా చిరంజీవి నుంచి హామీ దక్కినట్టు అంతర్గతంగా వినిపిస్తోంది. ఇక్కడితో అయిపోలేదు. నిర్మాతలు కూడా చిరుని కలిసే ప్రయత్నాల్లో ఉన్నారట. రేపో ఎల్లుండో క్లారిటీ రావొచ్చు. ముందు ఏపీ డిప్యూటీ సిఎం పవన్ కళ్యాణ్ ని కలిసి ఆ తర్వాత ఏం చేయాలనే దాని మీద నిర్ణయం తీసుకుంటారని వినిపిస్తోంది.

అయితే అన్నయ్య మాటను కాదనని తమ్ముడు దానికి భిన్నంగా ఏదైనా సలహా ఇస్తారని అనుకోలేం కానీ ముందైతే ఎగ్జిబిటర్లు, ప్రొడ్యూసర్లు ఒక్కతాటి మీదకు రావాల్సిన అవసరం చాలా ఉంది. పెద్దికి టైం చాలా తక్కువగా ఉండటంతో, ఇటీవలే ఏర్పాటైన కమిటీ రిపోర్ట్ కు గడువు ఇచ్చి ఆపై రిలీజయ్యే సినిమాలకు మాత్రం పర్సెంటెజ్ అమలయ్యేలా నిర్ణయం తీసుకోవచ్చని అంటున్నారు. ఇప్పటికైతే వాతావరణం కొంత కూల్ అయ్యింది కానీ ఎగ్జిబిటర్లు, నిర్మాతలు ఇంకేం ప్రణాళికలు వేస్తారో వేచి చూడాలి.

This post was last modified on May 25, 2026 9:41 pm

Share

Recent Posts

ఫొటోలు: ఆధ్యాత్మిక గురువుతో సౌత్ హీరోయిన్

తెలుగు, తమిళ సినిమాల్లో నటించి గుర్తింపు తెచ్చుకున్న హీరోయిన్ మిర్నాళిని రవి పెళ్లి చేసుకుంది. మలేషియాకు చెందిన ఆధ్యాత్మిక గురువు…

36 minutes ago

ప్ర‌జ‌లు కోరుకున్నార‌ని `రిజ‌ర్వేష‌న్లు`  ఇవ్వ‌రు!

ప్ర‌జ‌లు కోరుకుంటున్నార‌న్న కార‌ణంగా ఒక ప్రాంతాన్ని ఒక వ‌ర్గానికి రిజ‌ర్వ్ చేయ‌డం సాధ్యం కాద‌ని సుప్రీంకోర్టు తేల్చి చెప్పింది. స్థానిక…

2 hours ago

నిఖిల్ ఎదురుచూపులకు బ్రేక్ ఎప్పుడు

అనుకుంటాం కానీ తమ సినిమాలకు సంబంధించిన అన్ని వ్యవహారాలు హీరోల చేతుల్లో ఉండవు. ఎవరిదాకో ఎందుకు మెగాస్టార్ అంతటి వారే…

2 hours ago

`నా ఓటును అమ్ముకోను`… బ్యాలెట్ బ్యాక్స్‌లో 500 నోట్లు-చీటీ!

ఎన్నిక‌లు ఏవైనా డ‌బ్బుల‌తోనే ముడి ప‌డి ఉంటున్నాయి. సొమ్ములు ఇచ్చి ఓట్లు వేయించుకునేందుకు నాయ‌కులు, తీసుకునేందుకు ఓట‌ర్లు కూడా ఎక్క‌డా…

3 hours ago

మెగా ఫ్యామిలీలో కొత్త ‘కుంపటి’

టాలీవుడ్లో చాలామంది హీరోలకు సొంత బేనర్లు ఉన్నాయి. తమ కుటుంబ సభ్యులనో, దగ్గరి మిత్రులనో పెట్టి ఆ బేనర్లను నడిపిస్తూ ఉంటారు. మెగా ఫ్యామిలీలో ఇప్పటికే…

3 hours ago

నాగార్జున రూటులో శివరాజ్ కుమార్

శాండల్ వుడ్ సీనియర్ స్టార్ శివరాజ్ కుమార్ గురించి పరిచయం అక్కర్లేదు. ఇంతకు ముందు మన ప్రేక్షకులకు అంతగా తెలియకపోవచ్చు…

4 hours ago