Movie News

రవిబాబు చెప్పిన దాంట్లో లాజిక్ ఉంది కానీ

మే 8 రవిబాబు కొత్త సినిమా రేజర్ విడుదల కానుంది. హీరో దర్శకుడు రెండూ ఆయనే. దీంతో సహజంగా ప్రమోషన్ల భారం కూడా ఒక్కరే మోస్తున్నారు. అల్లరితో హీరో నరేష్ కో ఇంటి పేరు ఇచ్చిన రవిబాబు ఆ తర్వాత అనసూయ, అమరావతి లాంటి థ్రిల్లర్ మూవీస్ ద్వారా మంచి ఫాలోయింగ్ సంపాదించుకున్నారు. ముఖ్యంగా పూర్ణ లీడ్ రోల్ చేసిన అవును చాలా పాపులారిటీ తెచ్చింది. తర్వాత వరస ఫ్లాపులు రవిబాబుకి కొంత గ్యాప్ వచ్చేలా చేశాయి. ఇప్పుడు రేజర్ తో కంబ్యాక్ అవుతున్నారు.

ఈ సందర్భంగా ఆయన అన్న మాటలు కొన్ని హాట్ టాపిక్ గా మారాయి. మనకున్న హీరోల్లో తొంభై శాతం మంది డూపులతోనే మేనేజ్ చేశారని, అందుకే తన రేజర్ లో మధ్య వయసు ఉన్న పర్ఫెక్ట్ ఛాయస్ కోసం వెతికితే తనలా ఫిజిక్, కష్టపడే తత్వం ఎవరిలో కనిపించకపోవడం వల్లే నేనే హీరోగా చేశానని అన్నారు. నాలా నటించే వాళ్ళు కూడా దొరకలేదు అన్నారు. సరే అందులో కొంత లాజిక్ ఉన్నా పూర్తిగా ఏకీభవించలేని పాయింట్స్ కొన్ని ఉన్నాయి.

హీరోలకు డూప్ వాడటం అనేది ఇప్పటిది కాదు. ఎన్టీఆర్ ఏఎన్ఆర్ జమానా నుంచి మహేష్ బాబు దాకా అందరూ చేసేదే. కాకపోతే సీన్ డిమాండ్ చేస్తే దాన్ని వద్దని మరీ రిస్క్ తీసుకునే వాళ్ళు కూడా టాలీవుడ్ లో చాలా మంది ఉన్నారు. గూండా ట్రైన్ ఎపిసోడ్ కోసం చిరంజీవి ఎంత రిస్క్ చేశారో ఇప్పటికీ కథలుగా చెబుతారు. రామ్ చరణ్, జూనియర్ ఎన్టీఆర్, అల్లు అర్జున్, మహెష్ బాబు వీళ్ళందరూ కూడా సందర్భానుసారం డూప్స్ అవసరం లేకుండా కష్టపడిన వాళ్లే.

కాకపోతే ప్రతిసారి డూప్స్ లేకుండా చేయలేరు. ముందైతే దర్శక నిర్మాతలే వద్దంటారు. వందల కోట్ల పెట్టుబడులతో సినిమా తీస్తున్నప్పుడు హీరో ప్రాణాలను రిస్క్ చేయలేరు. డూపులు ప్రొఫెషనల్ గా ట్రైనింగ్ తీసుకుని ఉంటారు కాబట్టి వాళ్ల ప్రాణాలకు ప్రమాదం కలగకుండా తగిన జాగ్రత్తలు తీసుకుంటారు. కానీ హీరోలు అంత అలవోకగా చేయలేరు కాబట్టి సహాయం అవసరం అవుతుంది. అన్ని చోట్ల టామ్ క్రూజ్ లు ఉండరు కదా. అడ్జస్ట్ అవ్వాల్సిందే.

This post was last modified on April 29, 2026 9:39 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

5 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

7 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

8 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

8 hours ago