సినిమాలు రిలీజయ్యాక పైరసీ అవ్వడం.. ఆన్ లైన్లో లీక్ కావడం దశాబ్దాలుగా జరుగుతున్నదే. ఎంత ఆపాలని ప్రయత్నించినా.. ఈ విష సంస్కృతి ఆగడం లేదు. దీని వల్ల సినీ పరిశ్రమకు వందలు, వేల కోట్ల నష్టం వాటిల్లుతోంది. ఐతే ఇప్పుడు తమిళంలో ‘జననాయగన్’ సినిమా థియేటర్లలో మూవీ రిలీజ్ కావడానికి ముందే ఆన్ లైన్లో లీక్ అయిపోవడం పట్ల అందరూ షాకైపోతున్నారు.
ఫుల్ హెచ్డీ ప్రింటును ఎవరో ఆన్ లైన్లోకి వదిలేశారు. దాన్ని లక్షల మంది డౌన్ లోడ్ చేసుకుని చూసేయడం టీంను తీవ్ర మనోవేదనకు గురి చేసేదే. ఏకంగా రూ.400 కోట్ల ఖర్చుతో తీసిన సినిమాకు ఇలా కావడం ఎంతో బాధాకరం. చిత్ర బృందంలోని వారే ఈ దారుణానికి ఒడిగట్టారన్నది స్పష్టం. ఐతే ఇలా విడుదలకు ముందే సినిమా లీక్ అయిపోయిన ఉదంతం పూర్తిగా కొత్తేమీ కాదు.
గతంలో తెలుగులో పవన్ కళ్యాణ్ సినిమా ‘అత్తారింటికి దారేది’ ఇలాగే లీక్ అయింది. కానీ ఆ సినిమా సగం వరకే ఆన్ లైన్లోకి వచ్చింది. ఆలస్యం చేయకుండా చిత్ర బృందం సినిమాను థియేటర్లలో రిలీజ్ చేసేయడం, సినిమాకు బాక్సాఫీస్ దగ్గర అద్భుత ఫలితం రావడంతో పెద్దగా నష్టం వాటిల్లలేదు.
కానీ ‘జననాగయన్’ పరిస్థితి వేరు. పూర్తి సినిమా, హెచ్డీ ప్రింట్ ఆన్ లైన్లోకి వచ్చేసింది. పైగా ఈ సినిమా ఇప్పుడిప్పుడే థియేటర్లలో విడుదలయ్యే అవకాశాలు కనిపించడం లేదు. కాబట్టి భారీ నష్టం వాటిల్లినట్లే. ఇలా రిలీజ్కు ముందు పూర్తి సినిమా ఆన్ లైన్లోకి వచ్చేయడం వల్ల నాశనం అయిన ఇంకో సినిమా తమిళంలో ఉంది. అదే.. జగ్గూభాయ్.
అది శరత్ కుమార్ హీరోగా సీనియర్ దర్శకుడు కె.ఎస్.రవికుమార్ ఈ చిత్రాన్ని రూపొందించాడు. శరత్ సొంత సంస్థలో ఈ సినిమా తెరకెక్కింది. ఐతే ఈ సినిమా చిత్రీకరణ పూర్తయి పోస్ట్ ప్రొడక్షన్ జరుగుతున్న సమయంలో.. ఆన్ లైన్లోకి వచ్చేసింది. ఎవరో యూనిట్ నుంచే అన్ ఫినిష్డ్ వెర్షన్ను ఆన్ లైన్లో లీక్ చేసేశారు.
దీంతో శరత్ కుమార్, ఆయన భార్య రాధిక కలిసి ప్రెస్ మీట్ పెట్టి బోరుమన్నారు. ఇద్దరూ కన్నీళ్లు పెట్టుకోగా.. రాధిక అయితే గట్టిగా ఏడ్చేశారు. నష్ట నివారణ కోసం తర్వాత చిత్ర బృందం క్లైమాక్స్ మార్చి షూట్ చేసి, పోస్ట్ ప్రొడక్షన్ పూర్తి చేసి రిలీజ్ చేసింది. కానీ అప్పటికే జరగాల్సిన నష్టం జరిగిపోయింది. థియేటర్లలో జనం పెద్దగా ఈ సినిమా చూడలేదు. ఈ చిత్రం వల్ల రాధిక, శరత్ భారీ నష్టాన్ని ఎదుర్కొన్నారు.
ఉప ముఖ్యమంత్రి పవన్ కల్యాణ్ తన పేరు వెనుక ఉన్న ఆసక్తికరమైన కథను వెల్లడించారు. జాతీయ మీడియాకు ఇచ్చిన ఇంటర్వ్యూలో…
ఏపీ ప్రభుత్వ పాఠశాలల్లో ప్రముఖ ప్రవచ కర్త చాగంటి కోటేశ్వరరావు ప్రసంగాలను పాఠ్యాంశాలుగా ప్రవేశ పెడుతున్నట్టు ప్రకటించింది. దీనికి సంబంధించి…
ఏపీలో కూటమిగా ఏర్పడిన టిడిపి, జనసేన, బిజెపిలు అధికారంలోకి వచ్చి రెండు సంవత్సరాలు పూర్తయింది. ఈ క్రమంలో కూటమికి నేతృత్వం…
ఓ రాజకీయ పార్టీ తనను వేధించిన విషయంపై అలుపెరగని పోరాటం చేసి తీరుతుంది. అలా చేయకుంటే… అది రాజకీయ పార్టీ…
భారత దేశ ప్రధాన మంత్రి నరేంద్ర మోదీ బుధవారం ఓ అరుదైన రికార్డును సొంతం చేసుకున్నారు. దేశానికి అత్యధిక కాలం…
జనసేన అధినేత, ఏపీ డిప్యూటీ సీఎం పవన్ కల్యాణ్ మరోమారు తెలంగాణ అంశం మీద నోరు విప్పారు. భారత దేశంలో…