గత ఏడాది మలయాళ ఫిలిం ఇండస్ట్రీలో కలంకవల్ సినిమా ఒక సంచలనం. కలెక్షన్ల పరంగా చూస్తే అదేమీ బ్లాక్ బస్టర్ కాదు. ఫుల్ రన్లో రూ.85 కోట్ల వసూళ్లు రాబట్టింది. మమ్ముట్టి నటించిన సినిమాకు ఇవి మరీ భారీ వసూళ్లేమీ కావు. మరి ఈ సినిమా ఎందుకంత సంచలనం అయింది అంటే.. మమ్ముట్టి లాంటి అగ్ర కథానాయకుడు ఇందులో విలన్ పాత్ర చేయడం వల్ల.
పైగా ఆయన చేసింది మామూలు ప్రతినాయక పాత్ర కాదు. మహిళలను వలలో వేసుకుని వారిని అనుభవించి, చంపేసే సైకో కిల్లర్ క్యారెక్టర్ను ఆయన పోషించారు. ఈ సినిమా విడుదలయ్యే ముందు వరకు మమ్ముట్టి విలన్ అని, ఇలాంటి పాత్ర చేశారని జనాలకు పెద్దగా ఐడియా లేదు.
నేరుగా సినిమాలో ఆయన్ని అలా చూసి షాకైపోయారు. ఈ ప్రయోగానికి ప్రేక్షకుల నుంచి మంచి స్పందనే వచ్చింది. ఈ చిత్రం మంచి లాభాలనే అందించింది. కలంకవల్ సినిమాను మమ్ముట్టి తన సొంత బేనర్ మమ్ముట్టి కంపెనీలో నిర్మించడం విశేషం.
ఐతే ఈ సినిమాను తనే నిర్మించడానికి కారణం ఉందని ఒక ఇంటర్వ్యూలో మమ్ముట్టి తెలిపాడు. తాను విలన్ పాత్ర చేస్తా అంటే ఏ నిర్మాతా ఈ సినిమాను ప్రొడ్యూస్ చేయడానికి ముందుకు రాడని.. అందుకే దర్శకుడు జితిన్ జోస్ ఈ కథ, తన పాత్ర గురించి చెప్పగానే తనే నిర్మించాలని ముందుకు వచ్చానని మమ్ముట్టి తెలిపాడు.
ఈ సినిమా నటుడిగా తనకు ఎంతో సంతృప్తినిచ్చిందని ఆయన చెప్పారు. ఇక రజినీకాంత్, కమల్ హాసన్ కలిసి చేయబోయే సినిమాకు సంబంధించిన ప్రోమోలో తమ ఇద్దరిలో ఎవరు హీరో అంటూ దర్శకుడు నెల్సన్ దిలీప్ కుమార్ను అడగడం గురించి ప్రస్తావిస్తూ.. మోహన్ లాల్, మీరు కలిసి ,చేసిన ప్యాట్రియాట్ సినిమాలో ఎవరు హీరో అని దర్శకుడిని అడుగుతారా అని ఈ ఇంటర్వ్యూలో ప్రశ్నిస్తే.. మమ్ముట్టి ఆసక్తికర సమాధానం ఇచ్చాడు.
తనతో పాటు మోహన్ లాల్కూ ఈ సినిమాలో కథే హీరో అని స్పష్టంగా తెలుసని.. తామిద్దరం కథను మించిన స్టార్లు కామని ఆయన వ్యాఖ్యానించారు. తాను మోహన్ లాల్ సినిమాలు చాలా వాటిలో నటించానని.. అలాగే లాల్ కూడా తన సినిమాల్లో యాక్ట్ చేశాడని.. తమ మధ్య ఎలాంటి ఇగోలు ఉండవని.. ఎవరు ఎక్కువ, ఎవరు తక్కువ అనే భావన రానీయమని మమ్ముట్టి స్పష్టం చేశాడు.
This post was last modified on April 9, 2026 7:34 am
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…