గాసిప్‍: సీరత్‍ని సిఫార్సు చేస్తోన్న సిద్ధు!

కృష్ణ అండ్‍ హిజ్‍ లీల సినిమాతో సడన్‍గా తెలుగు సినిమా పెద్దల దృష్టిలో పడ్డాడు సిద్ధు. యూత్‍కి నచ్చే ఫీచర్స్తో పాటు యూత్‍కి ఏమి కావాలో అవి సినిమాలో వుండేట్టు చూసుకునే టాలెంట్‍ కూడా వుండడంతో మూడు కోట్ల లోపు బడ్జెట్‍లో మినిమమ్‍ గ్యారెంటీ సినిమాలు తీయాలనే నిర్మాతలకు ఇతనే కనిపిస్తున్నాడు.

ఇప్పుడతని చేతిలో నాలుగైదు సినిమాలున్నాయి. తనకే బడ్జెట్‍ ఇచ్చేసి సినిమా తీసిపెట్టమని అడిగే నిర్మాతలున్నారు. ఇదిలావుంటే ఈ సిద్ధు జొన్నలగడ్డ వరుసగా రెండు సినిమాలలో సీరత్‍ కపూర్‍తో నటించాడు. ముద్దు సీన్లకు, హాట్‍ సన్నివేశాలకు ఎలాంటి అభ్యంతరం చెప్పని సీరత్‍ ఓటిటి కంటెంట్‍కి తగ్గ ప్రదర్శన ఇవ్వగలదు. దీంతో తన సినిమాలకు సీరత్‍నే సిద్ధు సిఫార్సు చేస్తున్నాడనే గుసగుసలు వినిపిస్తున్నాయి.

‘మా వింత గాధ వినుమా’ చూసి సీరత్‍ వద్దని నిర్మాతలు చెబుతున్నా కానీ సిద్ధు ఆమె వుంటే బాగుంటుందని పట్టు పడుతున్నాడనే ప్రచారం జరుగుతోంది. ఆ బడ్జెట్‍లో వేరే హీరోయిన్లు ఈజీగా దొరుకుతారని తెలిసినా కానీ సిద్ధు ఆమె పట్లే ఆసక్తి చూపించడం పలు గాసిప్‍లకు తావిస్తోంది. అయితే ఒక జంట రెండు సినిమాల్లో రిపీట్‍ అయితే వచ్చే రెగ్యులర్‍ గాసిప్సా లేక నిజంగానే వీరిమధ్య నిప్పు రాజుకోవడం వల్ల ఈ పొగ వస్తోందా అనేది ఇన్‍సైడర్స్ కే తెలియాలి.