సౌత్ ఇండియాలో ఆన్ లైన్ ఫ్యాన్ వార్స్ అత్యధికంగా జరిగేది తెలుగు సినీ అభిమానుల మధ్యే అంటే ఆశ్చర్యపడాల్సిన పనేమీ లేదు. తమిళంలో, కన్నడలో కూడా మన వాళ్లకు దీటుగా అక్కడి అభిమానులు సోషల్ మీడియాలో యుద్ధాలు చేస్తుంటారు. వీళ్లకు పెద్ద కారణం ఏమీ అక్కర్లేదు. ఒక హీరో అభిమాని.. ఇంకో హీరో అభిమానులను కవ్వించేలా ఒక పోస్టు పెడతాడు. వాళ్లు రెచ్చిపోతారు.
చిన్న చిన్న టాపిక్స్ మీద రోజుల తరబడి ముష్టియుద్ధాలు చేసుకుంటూ ఉంటారు. వాళ్ల మధ్య ఈ వార్స్కు దారి తీసే కారణాలు చూస్తే ఇలాంటి వాటి మీద కూడా గొడవపడతారా అని ఆశ్చర్యం కలుగుతుంది. కొన్ని సందర్భాల్లో రాష్ట్రాలు దాటిపోయి.. వేరే ఇండస్ట్రీకి చెందిన హీరోల అభిమానులతో కూడా గొడవలు పడుతుంటారు. తమ హీరోలు గొప్ప అంటే తమ హీరోలు గొప్ప అంటూ ఈ గొడవలు సాగుతుంటాయి.
టాలీవుడ్ అభిమానులతో వేరే ఇండస్ట్రీల వాళ్లకు తరచుగా ఒక టాపిక్ మీద గొడవ జరుగుతుంటుంది. తెలుగు నుంచి వేరే భాషల్లోకి రిలీజైన బ్లాక్బస్టర్ చిత్రాలను పట్టుకుని.. బెటర్ దన్ ద ఒరిజినల్ అంటూ టెంప్లేట్స్ వేస్తుంటారు అక్కడి ఫ్యాన్స్. గత కొన్ని రోజులుగా ఈ టాపిక్కే సోషల్ మీడియాలో చర్చనీయాంశం అవుతోంది. రోజుల తరబడి దీని మీద ఇంటర్ స్టేట్ ఫ్యాన్ వార్స్ జరుగుతున్నాయి. ముఖ్యంగా కోలీవుడ్కు చెందిన విజయ్ అభిమానులు ఈ విషయంలో చేసే అతి అంతా ఇంతా కాదు.
మహేష్ బాబు ఒక్కడు, పోకిరి చిత్రాల కంటే విజయ్ నటించిన వాటి రీమేక్స్ గిల్లి, పోకిరి చిత్రాలు సూపర్ అంటూ కొట్లాటకు వస్తుంటారు అక్కడి ఫ్యాన్స్. కానీ పక్కపక్కన రెండు సినిమాల్లోని సన్నివేశాలను పెట్టి చూస్తే.. విజయ్ లుక్స్, తన పెర్ఫామెన్స్ తేలిపోతుంటాయి. రీమేక్ల్లోని కొన్ని సీన్లు మరీ కామెడీగా అనిపిస్తాయి కూడా. అయినా అతను, తన సినిమాలే గొప్ప అని అడ్డంగా వాదిస్తుంటారు తమిళ అభిమానులు. మరీ విడ్డూరం ఏంటంటే.. ‘3 ఇడియట్స్’ లాంటి క్లాసిక్ కంటే కూడా విజయ్ చేసిన ‘నన్బన్’ బెటర్ అనడం. ఆమిర్ ముందు విజయ్ పెర్ఫామెన్స్ వెలవెలబోతుందని తమిళనాడు అవతల ఎవ్వరిని అడిగినా చెబుతారు. కానీ విజయ్ ఫ్యాన్స్ మాత్రం ‘నన్బన్’ గ్రేట్ అంటారు.
అంతే కాక రవితేజ ‘విక్రమార్కుడు’ కంటే కార్తి ‘సిరుత్తై’ సూపర్ అని కూడా తమిళ అభిమానులు వాదిస్తుంటారు. ఎన్టీఆర్ ‘బృందావనం’ కంటే కన్నడ స్టార్ ‘బృందావనం’ గ్రేట్ అంట. రామ్ చరణ్ ‘మగధీర’ కంటే యశ్ ‘గజకేసరి’ బెటరంట. కానీ ఆయా చిత్రాల్లోని కీలక సన్నివేశాలను పక్కపక్కన పెట్టి చూస్తే తెలుగు సినిమాల ఇంపాక్ట్ ముందు.. అవి తుస్సుమనిపిస్తుంటాయి. అయినా సరే అవే సూపర్ అని అక్కడి వాళ్లు చంకలు గుద్దుకోవడం విడ్డూరం.
This post was last modified on October 16, 2025 5:04 pm
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…