ఇండస్ట్రీని ఎప్పటి నుంచో పట్టి పీడిస్తున్న పైరసీ గురించి కొత్తగా చెప్పేందుకు ఏమి లేదు కానీ నిన్నా మొన్నటిదాకా ఇవి థియేటర్ ప్రింట్లకు పరిమితమైన సంగతి తెలిసిందే. అందుకే దీని ప్రభావం మరీ తీవ్రంగా ఉండదని భావించిన నిర్మాతలు సమస్యని అంత సీరియస్ గా తీసుకోలేదు. సౌండ్ సరిగా లేకపోవడం, మసక మసక స్పష్టత వల్ల వీటికి ఆదరణ తక్కువగానే ఉండేది. కానీ ఇప్పుడిది హెచ్డి రూపం సంతరించుకుంటోంది. కొత్త ప్రమాద ఘంటికలను మ్రోగిస్తోంది. రెండు మూడు వారాలు కాకుండానే లేటెస్ట్ రిలీజులను మంచి స్టీరియో సౌండ్, హెచ్డి క్వాలిటీతో బయటికి రావడం ఆందోళన రేకెత్తిస్తోంది.
ముఖ్యంగా తమిళ స్ట్రెయిట్ – డబ్బింగ్, హిందీ సినిమాలకు ఈ ముప్పు ఎక్కువగా కనిపిస్తోంది. వీటి బారిన పడిన లిస్టులో బేబీ జాన్, వన వాస్, తో పాటు విడుతలై పార్ట్ 2, బరోజ్, సూక్ష్మ దర్శిని, ఈడి ఎక్స్ ట్రా డీసెంట్, మార్కో, కంగువ లాంటివి ఉన్నాయి. ఇవి విస్తృతంగా అందుబాటులో లేకపోయినా పైరసీ సైట్లతో పరిచయమున్న వాళ్ళ ద్వారా వివిధ మార్గాల్లో త్వరగా బయటికి వెళ్లిపోతున్నాయి. పుష్ప 2 సైతం వీటి బారిన పడిందనే టాక్ ఉంది. ఏది ఏమైనా వీలైనంత త్వరగా నిర్మాతలు మేల్కొని కట్టడి చేయాల్సిన అవసరం చాలా ఉంది. ప్రభుత్వాల సహకారం కూడా ఈ విషయంలో చాలా అవసరం.
పరిశ్రమ వైపు నుంచి ఎన్ని విన్నపాలు వెళ్తున్నా దశాబ్దాల తరబడి ఇది పరిష్కారం కాని వలయంగా మారిపోయింది. ఆ మధ్య ఈటీవీ విన్ పైరసీని కట్టడి చేయడానికి కొత్త తరహా మార్గాలను వెతికింది. దాని ఫలితంగానే కిరణ్ అబ్బవరం క తమ ప్లాట్ ఫార్మ్ మీద ఒకటి రెండు రోజులు పైరసీ కాకుండా ఆపగలిగింది. కానీ ఇలాంటివి శాశ్వత పరిష్కారాలు కాకపోయినా కనీసం ఒకరంటూ మొదలుపెట్టారు కాబట్టి మరింత మెరుగుపరిచే విధంగా ఇతరులు కూడా చొరవ తీసుకోవాలి. లేకపోతే ఈ మహమ్మారి వేరే భాషలకు పాకే ప్రమాదముంది. ఇప్పటికే పైరసీ భూతం వల్ల సినీ పరిశ్రమ నష్టపోతున్న మొత్తం వేల కోట్లలో ఉంది.
This post was last modified on January 3, 2025 12:46 pm
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…