Gulte Telugu Telugu Political and Movie News Updates
వరుస హిట్లతో దర్శకుడిగా ఒక స్థాయికి చేరుకున్న అనిల్‍ రావిపూడి అనుకోకుండా ఇప్పుడు హీరో కూడా దొరకని సిట్యువేషన్‍లో పడ్డాడు. కరోనా బ్రేక్‍ రాకపోయినట్టయితే ఈపాటికి హ్యాపీగా ఎఫ్‍ 3 షూటింగ్‍తో బిజీగా వుండేవాడు. కానీ ఆ సినిమా మొదలు పెట్టడానికి మరి కొన్నాళ్లు పడుతుంది కనుక ఈలోగా వేరే చిత్రం చేయాలని ప్లాన్ చేసుకున్నాడు. కానీ తను కాంటాక్ట్ చేసిన హీరోల్లో అందరూ కూడా పెండింగ్‍ ప్రాజెక్టులతో బిజీగా వున్నారట. దీంతో ఇప్పుడు ఎవరితో సినిమా చేయాలనే డైలెమాలో రావిపూడి వున్నాడని భోగట్టా.
ప్రస్తుతానికి అయితే రామ్‍ ఒక్కడే తదుపరి చిత్రం ఏదీ ఖాయం చేసుకోలేదు. ఈ కాంబినేషన్‍లో సినిమా రావచ్చుననే టాక్‍ అయితే వుంది. కాకపోతే రావిపూడి దగ్గర ఒక సీనియర్‍ హీరోకి సరిపోయే కథ సిద్ధంగా వుందట. అందుకోసం నాగార్జునను సంప్రదిస్తున్నాడనే టాక్‍ వినిపిస్తోంది. కానీ నాగార్జున ఇప్పటికే తదుపరి చిత్రాలు యువ దర్శకులతో ఖాయం చేసి పెట్టుకున్నారు.
అనిల్‍ రావిపూడి ట్రాక్‍ రికార్డ్ తెలుసు కనుక నాగ్‍ అవి వాయిదా వేసుకునే అవకాశమయితే లేకపోలేదు. అనిల్‍ రావిపూడి మాత్రం ఇలాంటి వార్తలెన్నో తన గురించి మీడియాలో వస్తున్నా కానీ ఇంతవరకు తదుపరి చిత్రం గురించిన అధికారిక ప్రకటన చేయలేదు.
