మనలో చాలామందికి పొద్దున నిద్రలేచిందే టీ లేక కాఫీ ఏదో ఒకటి తాగకపోతే రోజు ప్రారంభమైనట్లు ఉండదు. అయితే చాలాకాలంగా ఇలాంటి అలవాట్లు ఆరోగ్యానికి మంచిది కాదు అన్న వాదన వింటూ వస్తున్నాం. ఆరోగ్యం కోసం ఈ అలవాట్లు మానుకోలేక.. అలాగని తాగాలనిపించినప్పుడు కాఫీ, టీ తాగలేక మనలో చాలామంది సతమతమవుతున్నారు. అలాంటి వారికి తాజాగా అమెరికన్ క్యాన్సర్ సొసైటీ ఓ శుభవార్త అందించింది.. మీకు టి, కాఫీ తాగే అలవాటు ఉంటే ఇక నిరభ్యంతరంగా తాగొచ్చు.
తాజాగా, అమెరికన్ క్యాన్సర్ సొసైటీ నిర్వహించిన అధ్యయనంలో టీ, కాఫీ తాగడం వల్ల తల, మెడ క్యాన్సర్ ముప్పు తగ్గే అవకాశం ఉందని నిర్ధారించారు. ఇంటర్నేషనల్ హెడ్ అండ్ నెక్ క్యాన్సర్ ఎపిడెమియాలజీ కన్సార్టియం ఆధ్వర్యంలో నిర్వహించిన ఈ అధ్యయనంలో 14 వివిధ రీసెర్చ్లకు సంబంధించిన డేటాను పరిశీలించారు. ఇందులో 9,500 క్యాన్సర్ బాధితులు, 15,700 మందికిపైగా ఆరోగ్యకరమైన వ్యక్తుల డేటాను పరిశీలించారు.
ఈ పరిశోధనలో, ప్రతి రోజూ కాఫీ తాగేవారిలో తల, మెడ క్యాన్సర్ ముప్పు గణనీయంగా తగ్గుతుందని వెల్లడైంది. ముఖ్యంగా నోరు, గొంతు, స్వరపేటికకు సంబంధించిన క్యాన్సర్ల ముప్పు తగ్గుదల కనిపించిందని అధ్యయనంలో పేర్కొన్నారు. ప్రస్తుతం ఎక్కడ చూసినా క్యాన్సర్ వ్యాధిన పడే వారి సంఖ్య పెరిగిపోతున్న నేపథ్యంలో ఇలా మనం తీసుకునే కాఫీ టీ కాన్సర్ని తగ్గిస్తుంది అనడం నిజంగా శుభవార్త కాక మరేమిటి.
రోజూ నాలుగు కప్పుల కంటే ఎక్కువ కాఫీ తాగేవారిలో తల, మెడ క్యాన్సర్ వచ్చే ప్రమాదం 17 శాతం తగ్గడంతో పాటు ప్రతి రోజూ కాఫీ తాగేవారిలో ఓరల్ కేవిటీ క్యాన్సర్ ముప్పు 30 శాతం తగ్గుతుందని, గొంతు క్యాన్సర్ ముప్పు 22 శాతం తగ్గుతుందని తేలింది. అంతేకాదు, రోజుకు 3-4 కప్పుల కాఫీ తాగడం ద్వారా హైపోఫారింజియల్ క్యాన్సర్ ముప్పు 41 శాతం తగ్గుతుందట.
ఇక టీ తాగడం కూడా క్యాన్సర్ రిస్క్ తగ్గించడంలో ప్రభావవంతమని ఈ అధ్యయనంలో తేలింది. ప్రతిరోజూ ఒక కప్పు టీ తాగడం వల్ల తల, మెడ క్యాన్సర్ వచ్చే ప్రమాదం 9 శాతం తగ్గుతుందని వెల్లడించారు. ముఖ్యంగా హైపోఫారింజియల్ క్యాన్సర్ ముప్పు 27 శాతం తగ్గుతుందని అధ్యయన ఫలితాలు స్పష్టం చేశాయి.
ఇలా టీ, కాఫీతో క్యాన్సర్ ముప్పును కొంతమేర తగ్గించుకోవచ్చని పరిశోధకులు సూచించారు. అయితే, మితంగా తాగడమే మేలని నిపుణులు చెబుతున్నారు. అంతేకాదు కేవలం టీ లేక కాఫీ తాగడం వల్ల క్యాన్సర్ ముప్పు తగ్గిపోదు.. మనం ఆరోగ్యకరమైన ఆహారాన్ని తీసుకోవడంతో పాటు మంచి జీవన శైలిని కూడా అలవాటు చేసుకోవాలి.
గమనిక:
పైన ఇచ్చిన సమాచారం కేవలం మీ అవగాహన కోసం మాత్రమే. ఏదైనా కొత్తది ప్రయత్నించే ముందు ఒకసారి మీ డాక్టర్ను సంప్రదించడం మంచిది.
This post was last modified on January 4, 2025 8:18 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…