మోడీ చేత పేరు పెట్టించుకున్న చిన్నారి

మోడీ చేత పేరు పెట్టించుకున్న చిన్నారి

ప్ర‌ధాని న‌రేంద్ర మోడీ ఓ పాప‌కు పేరుపెట్టారు. అదేంటి ఈ వ‌య‌సులో ఆయ‌న‌కి పిల్ల‌లేంటి? అని ఆశ్చ‌ర్య‌పోతున్నారా?

అయితే షాక్ అవ్వొద్దు. దేశ వ్యాప్తంగా మోడీ ప్ర‌భంజ‌నం కొన‌సాగుతోంది. ఆయ‌న ప్ర‌వేశ పెట్టిన వివిధ ప‌థ‌కాలు కానీ, స్వ‌చ్ఛ‌భార‌త్ కానీ, వ్య‌క్తిగ‌త మ‌రుగుదొడ్డి కానీ ఇలా.. ప‌లు విష‌యాల్లో ఆయ‌న రోల్ మోడ‌ల్‌! అందుకే ఆయ‌న అన్ని రాష్ట్రాల్లోనూ రాజ‌కీయేత‌ర అభిమానులు ఉన్నారు. ఈ క్ర‌మంలోనే ఓ జంట త‌మ‌కు పుట్టిన శిశువుకు మోడీతో పేరు పెట్టించుకోవాల‌ని త‌పించిపోయింది. అనుకున్న‌దే త‌డువుగా ప్ర‌ధాని కార్యాల‌యానికి లేఖ రాసి.. స్వ‌ప్నాన్ని సాకారం చేసుకుంది.

గుజరాత్ లోని ఓ మిర్జాపూర్ కు చెందిన విభ సింగ్, భ‌ర‌త్‌లు దంప‌తులు. వీరికి ఆగ‌స్టు 13న ఓ పాప పుట్టింది. అయితే, ఈ దంప‌తులు ఇద్ద‌రికీ మోడీ అంటే వీరాభిమానం. దీంతో త‌మ పాప‌కు మోడీతో పేరు పెట్టించాల‌ని డిసైడ్ అయ్యారు. ఈ క్ర‌మంలో త‌మ‌  అభిలాషను ఓ లేఖ ద్వారా ప్రధానికి తెలియజేశారు. లేఖ‌ను స్పీడ్ పోస్టులో పంపారు. దీనికి  ప్ర‌ధాని కార్యాల‌యం స్పందించింది.  విష‌యాన్ని మోడీకి వివ‌రించింది. దీంతో మోడీ ఆ దంప‌తుల కోరిక తీర్చాల‌ని భావించారు. ఓ ఫైన్‌డే "హలో, నేను నరేంద్రమోడీని, మీ భార్య విభ సింగ్ రాసిన ఉత్తరం నాకు అందింది. పాపు పుట్టినందుకు శుభాకాంక్షలు. నా ఆశీస్సులు ఎల్లవేళలా మీ పాప తోడుంటాయి. పాప పేరు వైభవిగా నామకరణం చేస్తున్నా. ఈ పేరు తల్లిదండ్రుల ఇద్దరి పేర్ల కలయిక" అని భరత్ కు ఫోన్ చేసిమ‌రీ పేరు పెట్టారు.  

దీంతో ఆ దంప‌తులు త‌మ భాగ్యానికి మురిసిపోయారు. దేశాన్ని పాలించే రాజే త‌మ బిడ్డ‌కుపేరుపెట్ట‌డం ఎంత అదృష్ట‌మ‌ని పొంగిపోయారు.  ఇదే విష‌యాన్ని చుట్ట‌ప‌క్క‌వాళ్ల‌కి చెప్పి స్వీట్టు పంచి మ‌రీ ఆనంద ప‌డ్డారు. అయితే, మ‌నోళ్ల‌కి ప్రూఫ్‌లు కావాలి క‌దా? అందుకే ఏది ప్రూఫ్ అని అడిగార‌ట‌. దీంతో భ‌ర‌త్ మ‌రోసారి ప్ర‌ధానికి లేఖ‌రాసి.. ప్రూఫ్ తెప్పించుకున్నాడు. సో.. ఇలా ఆ బేబీకి మోడీ వైభ‌వి అని పేరు పెట్టార‌న్న మాట‌.

 

రాజకీయ వార్తలు

 

సినిమా వార్తలు