Trends

మ‌రోసారి పుతిన్‌.. క‌నీ వినీ ఎరుగ‌ని ఓట్లు

ఉక్రెయిన్‌తో యుద్ధం.. ప్ర‌పంచం మాట విన‌ని తెంప‌రిత‌నం.. నా ఇష్టం నాదే అనే గ‌డుసు త‌నం.. వెర‌సి అప్ర‌క‌టిత నియంతృత్వానికి పోత‌పోసిన‌ట్టు ఉండే ర‌ష్యా అధ్య‌క్షుడు పుతిన్‌కే అక్క‌డి ప్ర‌జ‌లు మ‌రోసారి ప‌ట్టం క‌ట్టారు. క‌నీవినీ ఎరుగ‌ని రీతిలో ఆయ‌న‌కు ఓట్ల వ‌ర్షంకురిసింది. తాజాగా మూడు రోజుల పాటు సాగిన అధ్య‌క్ష ఎన్నిక‌ల్లో పుతిన్‌కు దాదాపు 88శాతం ఓట్లు లభించినట్లు రష్యా ఎన్నికల సంఘం తెలిపిం ది.

మూడు రోజుల పాటు ప్ర‌తిష్టాత్మ‌కంగా జ‌రిగిన ర‌ష్యా ఎన్నిక‌ల్లో మొత్తం 74.22 శాతం పోలింగ్ నమోదైంది. అందులో పుతిన్కు అత్యధికంగా 88శాతం ఓట్లను లభించినట్లు ఎన్నిక‌ల సంఘం పేర్కొంది. పుతిన్కు పోటీగా బరిలో ఉన్న న్యూ పీపుల్‌ పార్టీ వ్లాదిస్లవ్‌ డవాంకోవ్‌ 4.8 శాతం, మ‌రో అభ్యర్థి కమ్యూనిస్ట్‌ పార్టీకి చెందిన నికోలోయ్‌ ఖరితోనోవ్‌ 4.1 శాతం, లిబరల్‌ డెమొక్రటిక్‌ పార్టీకి చెందిన లియోనిడ్‌ స్లట్‌స్కీకి 3.15 శాతం ఓట్లు వచ్చాయి. దీంతో పుతిన్ విజ‌యం ఏక‌ప‌క్షంగా సాగిపోయింది.

ఇటీవ‌ల అనుమానాస్ప‌ద రీతిలో జైలులోనే మృతి చెందిన ప్ర‌తిప‌క్ష నాయ‌కుడు నావ‌ల్నీ మ‌ద్ద‌తు దారులు పుతిన్‌కు వ్య‌తిరేకంగా.. నావ‌ల్నీకి సానుభూతిగా విస్తృతంగా ప్ర‌చారం చేశారు. వీరికితోడు దీంతో ఉక్రెయిన్ యుద్ధం, పుతిన్ వ్యతిరేకులు, దివంగత విపక్ష నేత మద్దతుదారులంతా పోలింగ్ కేంద్రాలకు తరలివచ్చారు. పుతిన్‌కు వ్యతిరేకంగా నినాదాలు చేశారు. అయితే.. ఈ సింప‌తీ పెద్ద‌గా వ‌ర్క‌వుట్ కాలేదు. ఎన్నిక‌ల‌కు ముందు వ‌ర‌కు కూడా పుతిన్ అంటే.. ర‌ష్యా నియంత అనే మాట విస్తృతంగా ప్ర‌చారంలోకి వ‌చ్చింది.

కానీ, పుతిన్‌తో పోల‌స్తే.. బ‌ల‌మైన నాయ‌కుడు ఎన్నిక‌ల్లో క‌నిపించ‌క‌పోవ‌డం, దేశాన్ని కొన్ని విష‌యాలు మిన‌హా అన్నింటా ముందుకు తీసుకువెళ్ల‌డంలో పుతిన్ బ‌ల‌మైన నేత‌గా ఎద‌గ‌డంతో ఆయ‌న విజ‌యం ఏక‌ప‌క్షంగా మారిపోయింది. రష్యా సెంట్రల్ ఎలక్షన్ కమిషన్ ప్రకారం పుతిన్‌ దాదాపు 88 శాతం ఓట్లను కైవ‌సం చేసుకున్నారు. మొత్తం 60 ద‌శ‌ల్లో ఓట్ల లెక్కింపు చేపట్టారు. 71 ఏళ్ల‌ పుతిన్ అధ్య‌క్ష పీఠాన్ని కైవ‌సం చేసుకున్నారు.

This post was last modified on March 18, 2024 2:12 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

3 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

4 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

5 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

5 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

6 hours ago