ట్విటర్లో 8 డాలర్లు చెల్లించి ఎవరైనా ఇకపై వెరిఫైడ్ అకౌంట్లకు ఇచ్చే బ్లూ టిక్ను సొంతం చేసుకునేలా ఇటీవలే సంస్థ అధినేత అయిన ఎలాన్ మస్క్ కొత్త సదుపాయాన్ని ప్రవేశ పెట్టిన సంగతి తెలిసిందే. దీని పట్ల ట్విట్టర్ యూజర్లు చాలామంది హర్షం వ్యక్తం చేస్తున్నారు. కొందరు దీని పట్ల వ్యతిరేకత ప్రదర్శిస్తున్నారు. ఐతే మున్ముందు స్పందన ఎలా ఉంటుందో కానీ.. ఈ కొత్త సదుపాయం వల్ల ఒక ఫార్మా సంస్థ ఏకంగా ఒక్క రోజు వ్యవధిలో రూ.1.22 లక్షల కోట్ల నష్టం చవిచూడడం చర్చనీయాంశంగా మారింది.
నెలకు 8 డాలర్లు చెల్లించి బ్టూటిక్ పొందే సదుపాయాన్ని ఉపయోగించుకుంటూ తాజాగా ఎలి లిల్లీ అండ్ కంపెనీ పేరుతో ఒకరు తమ ట్విటర్ ఖాతాకు బ్లూ టిక్ కొనుక్కున్నారు. నిజానికి ఇదే పేరుతో సదరు ఫార్మా కంపెనీకి చెందిన ట్విట్టర్ అకౌంట్ ఉంది. కానీ ఎవరో ఆ సంస్థ పేరుతో నకిలీ ఖాతా తెరిచి.. దానికి బ్లూటిక్ కూడా సంపాదించారు. ఆ ఖాతా నుంచి వేసిన ట్వీట్ భారీ నష్టానికి దారి తీసింది.
ఎలి లిల్లీ అండ్ కంపెనీ మధుమేమ రోగులకు అవసరమైన ఇన్సులిన్ వంటి ఉత్పత్తులను అమ్ముతూ ఉంటుంది ఐతే డూప్లికేట్ అకౌంట్ నుంచి తాజాగా.. ఇకపై మేం అందరికీ ఉచితంగా ఇన్సులిన్ ఇస్తాం.. అంటూ ట్వీట్ వేశారు. ఇలా ఉచితంగా ఇన్సులిన్ మందులు అమ్మితే కంపెనీ దివాళా తీస్తుందనే ప్రచారం జరగడంతో ఆ కంపెనీ షేర్లను అందరూ అమ్మేయడం మొదలుపెట్టారు. శుక్రవారం షేరు ధర సుమారు 4.37శాతం పడిపోయింది. 15 బిలియన్ డాలర్లకు పైగా మార్కెట్ విలువను ఆ సంస్థ కోల్పోయింది.
ఈ మొత్తం మన రూపాయల్లో రూ.1.22 లక్షల కోట్లు కావడం గమనార్హం. ఎలి లిల్లీ అండ్ కంపెనీ ఎక్కడ తప్పు జరిగిందో గుర్తించి తమ అధికారిక ఖాతా నుంచి క్లారిటీ ఇచ్చినా అప్పటికే జరగాల్సిన నష్టం జరిగిపోయింది. మొత్తానికి మస్క్ ట్విట్టర్లో తీసుకొచ్చిన కొత్త సదుపాయం పుణ్యమా అని ఒక కంపెనీకి ఒక్క రోజు రూ.1.22 లక్లల కోట్ల నష్టం వాటిల్లిందన్నమాట.
This post was last modified on November 12, 2022 10:49 pm
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…