Trends

హమ్మయ్య… ఎట్టకేలకు దొరికిన పెద్దపులి

తూర్పుగోదావరి జిల్లా రాయవరం మండలంలోని కూర్మాపురం, కడియంవాసులకు 6 రోజులుగా కంటి మీద కునుకు లేదు. ఆ ప్రాంతంలో తిరుగుతున్న పెద్ద పులి ఎప్పుడు ఎటు నుంచి వస్తుందో…దాడి చేస్తుందో అని చుట్టుపక్కల గ్రామాల వారు కూడా హడలిపోయారు. ఆ పెద్దపులిని దాని పాదముద్రల ఆధారంగా పట్టుకునేందుకు ఆరు రోజులుగా అటవీ సిబ్బంది నానా తిప్పలు పడ్డారు.

పులి జాడ, పాదముద్రలు కనిపించిన ప్రాంతాలను బట్టి ట్రాప్ లను, నైట్ విజన్ కెమెరాలను ఏర్పాటు చేశారు. ఈ క్రమంలోనే 6 రోజులుగా వారందరినీ ముప్పుతిప్పలు పెట్టిన పెద్దపులి ఎట్టకేలకు చిక్కింది. చివరకు కూర్మాపురంలోని పాడుబడిన ఇంట్లో ఉన్న పులికి మత్తు మందు ఇచ్చి అటవీ శాఖ అధికారులు బంధించారు.

ఆ ఇంట్లో నుంచి పులి గాండ్రింపులు వినిపిస్తున్నాయని అటవీ శాఖ అధికారులకు స్థానికులు సమాచారమిచ్చారు. దీంతో, తుపాకీతో మత్తు ఇంజక్షన్ షూట్ చేసి పులిని పట్టుకోవాలని వారు ప్రయత్నించారు. అయితే, జనం అలజడికి అదిరిబెదిరిన పులి ఆ ఇంట్లో నుంచి సమీపంలోని పొలాల్లోకి పారిపోయింది. అయితే, పులిని వెంటాడిన అటవీ శాఖ సిబ్బంది ఎట్టకేలకు సాయంత్రం కొత్త చెరువు వద్ద మత్తు ఇంజక్షన్ తో షూట్ చేసి పులిని బంధించారు.

అంతకుముందు, తూ.గో జిల్లాలోని రఘునాథపురం, రాజానగరం, జి.యర్రంపాలెంలో 3 ఆవులు, ఒక దూడను చంపింది. అదృష్టవశాత్తూ మనుషులు పులి కంట పడలేదు. అయినా సరే జిల్లా వాసులు భయాందోళనకు గురయ్యారు.

ఈ క్రమంలోనే ఆరు రోజుల పాటు పులిని బంధించేందుకు అటవీ శాఖ అధికారులు తీవ్రంగా శ్రమించారు. పుణె, ఢిల్లీ నుంచి వచ్చిన నిపుణుల బృందం పులి జాడ గుర్తించేందుకు ట్రాప్ కెమెరాలు, థర్మల్ డ్రోన్లు, ఆధునిక పరికరాలను ఉపయోగించింది. తమను దాదాపు వారం రోజుల పాటు ముప్పుతిప్పలు పెట్టిన పులి చివరకు చిక్కడంతో తూ.గో జిల్లా వాసులు ఊపిరి పీల్చుకున్నారు.

This post was last modified on February 7, 2026 8:17 am

Share

Recent Posts

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

31 minutes ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

7 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

8 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

9 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

9 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

10 hours ago