Trends

ఇక రిటైర్మెంట్ మాటెత్తకండి… ఇది కింగ్ కోహ్లీ 2.0

రాయ్‌పూర్ వేదికగా మరోసారి విరాట్ కోహ్లీ బ్యాట్ గర్జించింది. “కోహ్లీ పని అయిపోయింది, వయసు మీద పడింది” అని విమర్శించే వారికి తన బ్యాట్‌తోనే దిమ్మతిరిగే సమాధానం చెప్పాడు. మూడు వన్డేల సిరీస్‌లో ఇది విరాట్‌కి రెండో సెంచరీ. కేవలం 93 బంతుల్లోనే 7 ఫోర్లు, 2 సిక్సర్లతో 102 పరుగులు చేసి, తానింకా రేసుగుర్రాన్నే అని ప్రపంచానికి చాటిచెప్పాడు.

టెస్టులు, టీ20లకు గుడ్ బై చెప్పాక, కోహ్లీ వన్డేల నుంచి కూడా తప్పుకుంటాడేమో అనే అనుమానాలు చాలామందిలో ఉండేవి. 2027 వరల్డ్ కప్ వరకు అతను ఫిట్‌గా ఉంటాడా? ఫామ్ కొనసాగిస్తాడా? అనే చర్చలు నడిచాయి. కానీ, ఈ సిరీస్‌లో వరుసగా రెండు సెంచరీలు బాది ఆ సందేహాలన్నింటినీ పటాపంచలు చేశాడు. ఫిట్‌నెస్, రన్నింగ్ బిట్వీన్ ది వికెట్స్, షాట్ సెలక్షన్ చూస్తుంటే.. మరో మూడేళ్లు కాదు, ఐదేళ్లయినా ఆడగల సత్తా తనలో ఉందని నిరూపించాడు.

ఈ మ్యాచ్‌లో కోహ్లీకి తోడుగా యంగ్ గన్ రుతురాజ్ గైక్వాడ్ (105 పరుగులు) కూడా చెలరేగిపోయాడు. వీరిద్దరూ కలిసి సఫారీ బౌలర్లను ఉతికారేశారు. ముఖ్యంగా సీనియర్, జూనియర్ కలిసి భారీ పార్ట్‌నర్‌షిప్ నెలకొల్పడం మ్యాచ్‌కే హైలైట్. గైక్వాడ్ దూకుడుగా ఆడుతుంటే, కోహ్లీ తన అనుభవంతో ఇన్నింగ్స్‌ను నడిపించిన తీరు అద్భుతం.

ఈ సెంచరీతో కోహ్లీ సచిన్ 100 సెంచరీల రికార్డుకు మరింత చేరువయ్యాడు. కేవలం వన్డేలే ఆడుతున్నా, ఇలా ప్రతి మ్యాచ్‌లో సెంచరీలు కొడితే ఆ మ్యాజికల్ ఫిగర్ చేరుకోవడం పెద్ద కష్టమేమీ కాదనిపిస్తోంది. కోహ్లీలో ఉన్న కసి చూస్తుంటే, రికార్డుల కోసం కాకపోయినా, టీమిండియాను గెలిపించడమే లక్ష్యంగా ఆడుతున్నట్లు అర్థమవుతోంది.

మొత్తానికి ఈ సిరీస్ కోహ్లీకి ఒక పర్ఫెక్ట్ కమ్‌బ్యాక్. విమర్శకులు తన కెరీర్‌కి ఫుల్ స్టాప్ పెట్టాలని చూసిన ప్రతిసారీ, కామాలు పెట్టి ముందుకు వెళ్లడం కింగ్ కోహ్లీ స్టైల్. ఈ ఫామ్ చూస్తుంటే 2027 వరల్డ్ కప్‌లోనూ టీమిండియాకు ఆయనే ప్రధాన అస్త్రం కాబోతున్నాడని, కప్పు కొట్టేదాకా తగ్గేదేలే అని స్పష్టంగా సంకేతాలు పంపాడు.

This post was last modified on December 3, 2025 5:33 pm

Share

Recent Posts

రావిపూడిని సైడ్ చేసిన లేడీస్

స్టార్ డైరెక్టర్ అనిల్ రావిపూడి తన సినిమాలను సూపర్ సక్సెస్ చేయడం ఒకెత్తయితే.. ఆ సినిమాలు మొదలైన దగ్గర్నుంచి వాటిని…

14 minutes ago

మూడు వారాలకే ఇంటికొస్తే ఎలాగయ్యా

విశ్వక్ సేన్ చాలా ఇష్టపడి కష్టపడి తీసిన సినిమా కల్ట్. టాలీవుడ్ తొలి స్లాషర్ మూవీగా ప్రమోషన్లు కూడా గట్టిగా…

1 hour ago

డ్రాగన్ మనసు మారే అవకాశం ఉందా

2027 ప్యాన్ ఇండియా సినిమాల విడుదల తేదీల రచ్చ చాలా అడ్వాన్స్ గా మొదలైపోయింది. వారణాసి ఏప్రిల్ 7 రాకపోవచ్చనే…

3 hours ago

లేట్ చేసిన నాయుడులో మ్యాటర్ ఉంది

సుదీర్ఘంగా నిర్మాణంలో ఉండి విడుదల కోసం నెలలు సంవత్సరాలు ఎదురు చూసిన టైసన్ నాయుడు ఎట్టకేలకు ప్రేక్షకుల ముందుకు వచ్చేందుకు…

4 hours ago

దుల్కర్ హీరోగా ప్రొడ్యూసర్ నాని సినిమా

న్యాచురల్ స్టార్ నాని తన వాల్ పోస్టర్ బ్యానర్ మీద సినిమాలను చాలా ప్రత్యేకంగా ప్లాన్ చేసుకున్న సంగతి తెలిసిందే.…

4 hours ago

7 కోట్ల మోసంపై మౌనం వీడిన పవన్ పీఏ రుక్మిణి

ప్రభుత్వ ఉద్యోగాలిప్పిస్తానంటూ జనసేన కార్యాలయం పేరుతో ఏడు కోట్ల రూపాయలు వసూలు చేసినట్లు వచ్చిన ఆరోపణలు ఏపీ రాజకీయాల్లో దుమారం రేపుతున్నాయి.…

5 hours ago