మన దగ్గర క్రికెట్ కి ఉన్న క్రేజ్ గురించి ప్రత్యేకంగా చెప్పనవసరం లేదు. కానీ ఇప్పుడు నెమ్మదిగా మరో ఆట కూడా ఆ రేంజ్లో దూసుకెళ్తోంది. అదే పికిల్బాల్ (Pickleball). చూడటానికి టెన్నిస్లా అనిపించినా, ఇది ఆడటం చాలా ఈజీ. ఈ ఆటకున్న ‘గల్లీ క్రికెట్’ తరహా సౌలభ్యమే దీని విజయ రహస్యం అని అంటున్నారు ప్రముఖ టెన్నిస్ ప్లేయర్ విష్ణు వర్ధన్. ఒకప్పుడు టెన్నిస్లో మెడల్స్ సాధించిన విష్ణు, ఇప్పుడు తెలంగాణ పికిల్బాల్ అసోసియేషన్ ప్రెసిడెంట్గా ఈ కొత్త ఆటను ప్రమోట్ చేస్తున్నారు.
విష్ణు చెప్పినదాని ప్రకారం, టెన్నిస్ నేర్చుకోవడానికి చాలా టైమ్ పడుతుంది. కానీ పికిల్బాల్ అలా కాదు. బ్యాట్ పట్టుకున్న మొదటి రోజే ఆడటం మొదలుపెట్టొచ్చు. చిన్న పిల్లల నుంచి పెద్దవాళ్ళ వరకు ఎవరైనా, ఎక్కడైనా ఈజీగా ఆడేయొచ్చు. అందుకే ఇది ‘ఎవ్రీమ్యాన్స్ టెన్నిస్’ (సామాన్యుడి టెన్నిస్)గా మారిందని అంటున్నారు. ఎయిర్పోర్ట్ లాంజ్లలో కూడా కోర్టులు పెట్టి ఆడుతున్నారంటే దీని క్రేజ్ ఏ రేంజ్లో ఉందో అర్థం చేసుకోవచ్చు.
ఇండియాలో పికిల్బాల్ గ్రోత్ రేట్ చూస్తే అమెరికా, వియత్నాం కంటే వేగంగా ఉంది. భవిష్యత్తులో ఇది క్రికెట్కు గట్టి పోటీ ఇచ్చినా ఆశ్చర్యపోనక్కర్లేదు అని విష్ణు నమ్మకంగా చెబుతున్నారు. ఈ ఆటకు కేంద్ర క్రీడా శాఖ మద్దతు లభించడం, ‘ఇండియన్ పికిల్బాల్ లీగ్’ లాంటి మెగా టోర్నీలు మొదలవ్వడం దీనికి బూస్ట్ ఇస్తున్నాయి. లక్నో లెపార్డ్స్ టీమ్కి హెడ్ కోచ్గా వ్యవహరిస్తున్న విష్ణు, 2026 నాటికి 10,000 మంది స్టూడెంట్స్కి ఈ ఆటను నేర్పించాలని టార్గెట్ పెట్టుకున్నారు.
చాలా మంది టెన్నిస్, బ్యాడ్మింటన్ ప్లేయర్లు ఇప్పుడు పికిల్బాల్ వైపు మళ్లుతున్నారు. ఒక టెన్నిస్ కోర్టులో నాలుగు పికిల్బాల్ కోర్టులు పెట్టొచ్చు కాబట్టి, స్పేస్ కూడా కలిసొస్తోంది. అయితే ఇది టెన్నిస్కి ముప్పు కాదని, క్రీడలకు దూరమైన వారిని మళ్ళీ మైదానంలోకి తెస్తోందని విష్ణు క్లారిటీ ఇచ్చారు. పాత ప్లేయర్లు, కొత్త ఉత్సాహంతో ఇందులో రాణిస్తున్నారు.
ప్రస్తుతం ఈ ఆటకు కావాల్సింది ఒక సరైన నిర్మాణం. టోర్నమెంట్ల నిర్వహణ, అఫీషియల్స్ ట్రైనింగ్ వంటి విషయాల్లో స్టాండర్డ్స్ పెరగాలి. ఆసియా క్రీడల్లో, ఆ తర్వాత ఒలింపిక్స్లో పికిల్బాల్ను చూడటమే తమ లక్ష్యమని విష్ణు అంటున్నారు. ఎంటర్టైన్మెంట్, ఫిట్నెస్ కలగలిసిన పికిల్బాల్, రాబోయే రోజుల్లో భారత క్రీడా ముఖచిత్రాన్ని మార్చేయడం ఖాయంగా కనిపిస్తోంది.
This post was last modified on November 30, 2025 3:43 pm
నిన్న అరడజనుకు పైగా విడుదలైన సినిమాల్లో అంతో ఇంతో కొంచెం సౌండ్ చేసిన వాటిలో యూఫోరియాది మొదటి స్థానం. కారణం…
టీడీపీ అధికార ప్రతినిధి, SEEDAP ఛైర్మన్ దీపక్ రెడ్డి తన వ్యాఖ్యలతో నిత్యం వార్తల్లో నిలుస్తున్న సంగతి తెలిసిందే. మీడియా…
వైసీపీ అధినేత జగన్ పరామర్శల యాత్రలు.. కార్యకర్తల ప్రాణాల మీదకి తెస్తున్నాయి. గతంలో గుంటూరులో నిర్వహించిన పరామర్శ యాత్రలో ఒక…
ఏపీ రాజధాని అమరావతిలో అద్భుత ఘట్టానికి ముహూర్తం ఖరారైంది. శనివారం ఇక్కడ క్వాంటమ్ కంప్యూటింగ్ కేంద్రం ఏర్పాటుకు శ్రీకారం చుట్టనున్నారు.…
రాముడిని ఎవరైనా కామెంట్ చేసినా.. కృష్ణుడిపై ఎవరైనా వ్యంగ్య చిత్రాలు రూపొందించినా..విరుచుకుపడే ధార్మిక సంస్థలు.. ఇప్పుడు ఏమయ్యాయి? ఎక్కడున్నాయి. ఏపీ…
ఒక సినిమాకు హీరో ఎంత అవసరమో హీరోయిన్ కూడా అంతే అవసరం ఉంటుంది. కొన్ని సినిమాల్లో కథానాయిక ప్రాధాన్యత ఎక్కువ…