ఒక సామాన్య ర్యాపిడో బైక్ డ్రైవర్.. రోజువారీ బతుకు బండి లాగడమే కష్టం. కానీ అతని బ్యాంక్ అకౌంట్లో మాత్రం కోటానుకోట్ల లావాదేవీలు జరిగాయి. అక్షరాలా రూ. 331 కోట్లు వచ్చి పడ్డాయి. ఈ విషయం బయటపడటంతో ఎన్ఫోర్స్మెంట్ డైరెక్టరేట్ (ED) అధికారుల మైండ్ బ్లాక్ అయ్యింది. ఆ డబ్బు ఎక్కడికి వెళ్లిందో ఆరా తీస్తే, రాజస్థాన్లోని ఉదయ్పూర్లో జరిగిన ఒక విలాసవంతమైన డెస్టినేషన్ వెడ్డింగ్కు లింక్ దొరికింది.
ఈ డబ్బంతా గుజరాత్కు చెందిన యువ రాజకీయ నాయకుడు ఆదిత్య జులాకు సంబంధించిన పెళ్లి ఖర్చుల కోసం వాడారని తేలింది. ఉదయ్పూర్లోని కాస్ట్లీ ‘తాజ్ ఆరావళి రిసార్ట్’లో గత ఏడాది నవంబర్లో ఈ పెళ్లి జరిగింది. డ్రైవర్ అకౌంట్ నుంచి ఏకంగా కోటి రూపాయలకు పైగా ఈ పెళ్లి కోసం ఖర్చు చేశారు. విచిత్రం ఏంటంటే.. ఆ ర్యాపిడో డ్రైవర్కు, పెళ్లి చేసుకున్న వధూవరులకు కనీసం పరిచయం కూడా లేదు. మరి అతని అకౌంట్ ఎలా వాడారనేదే ఇక్కడ అసలు ట్విస్ట్.
ఈడి దర్యాప్తులో అసలు గుట్టు బయటపడింది. ఇదంతా ‘1xBet’ అనే అక్రమ బెట్టింగ్ రాకెట్ దందా అని తేలింది. ఆగస్టు 2024 నుంచి ఏప్రిల్ 2025 మధ్యలో ఈ డ్రైవర్ అకౌంట్లోకి ఏకంగా రూ. 331.36 కోట్లు డిపాజిట్ అయ్యాయి. ఇదొక ‘మ్యూల్ అకౌంట్’ (Mule Account). అంటే, అసలు నేరస్థులు తమ మొహాలు బయటపడకుండా, అమాయకుల అకౌంట్లను అద్దెకు తీసుకుని, బ్లాక్ మనీని తరలించడానికి వాడే పద్ధతి ఇది.
దొంగతనం చేసిన డబ్బును నేరుగా వాడితే దొరికిపోతామని, ఇలా ఏ పాపం తెలియని డ్రైవర్ అకౌంట్ను అడ్డాగా మార్చుకున్నారు. డబ్బు ఎక్కడి నుంచి వచ్చిందో తెలియకుండా ఉండటానికే ఈ థర్డ్ పార్టీ అకౌంట్ స్కెచ్ వేశారు. వచ్చిన డబ్బును వచ్చినట్టే వెంటనే వేరే అకౌంట్లకు బదిలీ చేశారు. కేవలం కొద్ది మొత్తానికి ఆశపడి తన అకౌంట్ యాక్సెస్ ఇచ్చినందుకు, ఆ సామాన్య డ్రైవర్ ఇప్పుడు చట్టపరమైన చిక్కుల్లో పడ్డాడు.
ఈ ఘటనతో ఈడి అధికారులు ప్రజలకు గట్టి వార్నింగ్ ఇస్తున్నారు. కమిషన్ ఇస్తాం కదా అని, లేదా తెలిసినవాళ్లే కదా అని ఎవరికి పడితే వాళ్లకు మీ బ్యాంక్ అకౌంట్ వివరాలు, ఓటీపీలు, చెక్ బుక్కులు ఇవ్వొద్దని హెచ్చరిస్తున్నారు. మీకు తెలియకుండానే మీ అకౌంట్ ఇలాంటి పెద్ద స్కాముల కోసం వాడే ప్రమాదం ఉంది.
పెద్ది, మా ఇంటి బంగారం తర్వాత ఈ సీజన్ లో బాక్సాఫీస్ కు మళ్ళీ జోష్ వచ్చింది. థియేటర్లు కళకళలాడుతున్నాయి.…
తమిళ సినిమాల్లో చాలా ఏళ్ల నుంచి తిరుగులేని ఆధిపత్యం చలాయిస్తున్నాడు అనిరుధ్ రవిచందర్. అతడి హవా తమిళానికే పరిమితం కావట్లేదు…
బూత్ స్థాయిలో బలోపేతం అయ్యే దిశగా జనసేన కసరత్తు షురూ చేసింది. ప్రస్తుతం రాష్ట్ర వ్యాప్తంగా పార్టీ నాయకులు ఉన్నప్పటికీ..…
ఏపీ రాజధాని అమరావతిలో రైతుల భూములను వారి అనుమతి లేకుండానే కూటమి సర్కారు లాక్కుంటోందని శనివారం పెద్ద రచ్చే జరిగింది. రాజధాని నిర్మాణం కోసం తమ భూములను…
లెనిన్ సినిమా ప్రమోషన్లలో హీరో అఖిల్ అక్కినేని గురించి ఒక ఇంట్రెస్టింగ్ కామెంట్ చేశాడు నిర్మాతల్లో ఒకరైన నాగవంశీ. లెనిన్…
పిల్లలు సంపద అని సీఎం చంద్రబాబు మరోసారి స్పష్టం చేశారు. తాను చెప్పిన మాటకే కట్టుబడి ఉన్నానని తెలిపారు. దీనిని…