జ‌గ‌న్ `పాస్ పోర్టు`పై హైకోర్టు కీల‌క ఆదేశం

ఈ నెల‌లో త‌న కుమార్తె పుట్టిన రోజు వేడుక‌ల నిమిత్తం లండ‌న్ వెళ్లాల‌ని భావించిన వైసీపీ అధినేత‌, మాజీ సీఎం జ‌గ‌న్‌కు కొంత ఊర‌ట ల‌భించింది. ఆయ‌న పాస్ పోర్టు విష‌యంలో నెల‌కొన్న వివాదానికి రాష్ట్ర హైకోర్టు ఫుల్ స్టాప్ పెట్టింది. అయితే.. ఈ విష‌యంలో జ‌గ‌న్ కోరుకున్న‌ట్టుగా అయితే ఆదేశాలు రాక‌పోవ డం గ‌మ‌నార్హం. కేవలం ఒకే ఒక్క విష‌యంలో ఆయ‌న‌కు ఊర‌ట ల‌భించింది.

జ‌గ‌న్ కోరిక‌-1:  త‌న పాస్ పోర్టును ఒక ఏడాదికే ప‌రిమితం చేస్తూ.. విజ‌య‌వాడ‌లోని ప్ర‌జాప్ర‌తినిధుల కోర్టు ఇచ్చిన ఆదేశాల‌ను ర‌ద్దు చేసి.. త‌న‌కు ఐదేళ్ల‌కు పాస్ పోర్టు ఇప్పించాల‌ని. ఈ విష‌యంపైనే హైకోర్టు కు వెళ్లారు.

హైకోర్టు ఆదేశం:  జ‌గ‌న్ కోరుకున్న‌ట్టుగానే హైకోర్టు ఆదేశాలు వ‌చ్చాయి. ఏడాది కాదు.. మొత్తం ఐదేళ్ల‌కు స‌రిపోయేలా పాస్ పోర్టును ఇవ్వాల‌ని కోర్టు ఆదేశించింది.

జ‌గ‌న్ కోరిక‌-2:  పాస్ పోర్టు మంజూరు చేసేందుకు విజ‌య‌వాడ‌లోని ప్ర‌జాప్ర‌తినిధుల కోర్టు విధించిన ష‌ర‌తుల‌ను తొల‌గించాల‌ని. ఎలాంటి ష‌ర‌తులు లేకుండా పాస్ పోర్టు మంజూరు చేయాలని.

హైకోర్టు ఆదేశం:  ప్ర‌జాప్ర‌తినిధుల కోర్టు విధించిన అన్ని ష‌ర‌తులూ.. కొన‌సాగుతాయి. ఆ మేర‌కు పిటిష‌నర్‌(జ‌గ‌న్‌) ష‌ర‌తులు పాటించాలి.

ఏంటా ష‌ర‌తులు?

+  జ‌గ‌న్‌పై న‌మోదైన ప‌రువు న‌ష్టం కేసు(ప్ర‌స్తుత మంత్రినారాయ‌ణ 2021లో దాఖ‌లు చేశారు. ఇది విచార‌ణ ద‌శ‌లోనే ఉంది)కు సంబంధించి రూ.20 వేల పూచీక‌త్తు స‌మ‌ర్పించాలి.

+ ఈ పూచీక‌త్తును జ‌గ‌న్ స్వ‌యంగా కోర్టుకు వ‌చ్చి స‌మ‌ర్పించాలి.

+  ప‌రువు న‌ష్టం కేసులో స‌మ‌న్లు అంద‌లేదా?  అందినా తీసుకోలేదా..? అనే విష‌యంపై స్వ‌యంగా వివ‌ర‌ణ ఇవ్వాలి.

ఫైన‌ల్‌గా:  జ‌గ‌న్‌కు ఊర‌ట ల‌భించింది. కానీ, ష‌ర‌తులు మాత్రం వ‌ర్తిస్తాయి. దీంతో ఆయ‌న సుమారు 6 సంవ‌త్స‌రాల త‌ర్వాత‌.. కోర్టు మెట్లు ఎక్కాల్సిన ప‌రిస్థితి ఏర్ప‌డింది.