Political News

ఆయ‌నే రాజు.. ఆయ‌నే మంత్రి

యాట్టిట్యూడ్‌.. ఇటీవ‌ల కాలంలో త‌ర‌చుగా వినిపిస్తున్న మాట‌. మ‌రీ ముఖ్యంగా వైసీపీ అధినేత జ‌గ‌న్ విష‌యంలో ఆ పార్టీ నేత‌లు ఏ ఇద్ద‌రు క‌లిసినా.. “ఆయన యాట్టిట్యూడ్ ఏంటో నాకస్స‌లు అర్ధం కావ‌ట్లేదు” అనే మాటే వినిపిస్తోంది.

ఇదే మాట అధికార పార్టీ నాయ‌కులు జ‌గ‌న్ గురించి చ‌ర్చించిన ప్ర‌తిసారీ చెబుతున్నారు. జ‌గ‌న్ యాట్టిట్యూడే అంత‌! అనే మాట వీరి మ‌ధ్య కూడా వినిపిస్తోంది. ఇంత‌కీ అస‌లు ఏంటీ జ‌గ‌న్ యాట్టిట్యూడ్‌? ఎందుకింత‌గా చ‌ర్చకు వ‌చ్చింది?

జ‌గ‌న్ ఆది నుంచి కూడా త‌న పార్టీని కార్పొరేట్ సంస్థ‌గానే భావిస్తారు. త‌ను పెట్టుకున్న పార్టీ.. త‌న మాటే శాస‌నం.. అనే మాటే ఉంటుంది త‌ప్ప‌.. వేరే మాటే ఉండ‌దు. ఇది వాస్త‌వం కూడా. కాంగ్రెస్ నుంచి విడి వ‌డి.. సొంత‌గా జ‌గ‌న్ పార్టీ పెట్టుకున్నారు. దీనిలో ఆయ‌నే రాజు.. ఆయ‌నే మంత్రి. అప్పుడ‌ప్పుడు… ఏవైనా న‌చ్చితే మాత్ర‌మే ఇత‌రుల అభిప్రాయాల‌ను ఆయ‌న తీసుకుంటారు. లేక‌పోతే.. త‌ను పెట్టుకున్న సంస్థ‌ల నుంచిత‌న‌కు న‌చ్చిన విధంగానే ముందుకు సాగుతారు.

ఈ ఏడాది ఎన్నిక‌ల‌కు ముందు చంద్ర‌బాబు పింఛ‌న్‌ను రూ.4000ల‌కు పెంచుతాన‌ని చెప్పారు. దీనిపై కొంద‌రు కీల‌క వైసీపీ నాయ‌కులు జ‌గ‌న్‌కు చెప్పారు మ‌నం కూడా పెంచుదామ‌న్నారు. కానీ, ఆయ‌న త‌న వైఖ‌రినే ప్ర‌ద‌ర్శించారు.

ఇక‌, నాయ‌కుల‌ను మార్చే విష‌యంలోనూ కొంద‌రు వ‌ద్ద‌న్నారు. గెలిచే గుర్రా లేన‌ని చెప్పారు. కానీ.. జ‌గ‌న్ త‌న వైఖ‌రినే అమ‌లు చేశారు. ఫలితం ఎలా వ‌చ్చిందో అంద‌రికీ తెలిసిందే. అయినా.. ఆయ‌న త‌న యాట్టిట్యూడ్‌ను మార్చుకోలేక పోయారు.

తాము మంచి చేసి ఓడామ‌ని ఒక నినాదం ఇచ్చారు. ఇది అంద‌రికీ న‌చ్చ‌లేదు. ఇక‌, పార్టీ నుంచి వెళ్లిపోయే నేత‌ల‌ను క‌నీసం పిలిచి మాట్లాడాల‌ని.. కొంద‌రు నాయ‌కులు సూచించారు. కానీ, ఇది జ‌గ‌న్ యాటిట్యూడ్‌కు వ్య‌తిరేకం. నేను పెట్టుకున్న పార్టీ.. వాళ్లు వ‌చ్చారు అవ‌కాశం ఇచ్చాను. వారు వెళ్తే పోనీ.. వేరేవారికి అవ‌కాశం ఇస్తాను.. అన్న ధోర‌ణిలోనే ఉన్నారు. మ‌రోవైపు.. గ‌త ప్ర‌భుత్వం త‌ప్పులు అంటూ.. ఏం జ‌రిగినా చంద్ర‌బాబు జ‌గ‌న్‌పై నెట్టేస్తున్నారు.

దీనిని బ‌లంగా ఎదిరించాల‌ని అన్నా.. నాయ‌కుల మాట జ‌గ‌న్ వినిపించుకోవ‌డం లేదు. ఇదీ ఆయ‌న యాట్టిట్యూడేన‌ని అంటున్నారు. అంతా ప్ర‌జ‌లే తెలుసుకుంటార‌ని ఆయ‌న చెబుతున్నారు. దీంతో అస‌లు జ‌గ‌న్ యాట్టిట్యూడ్ ఏంటో అర్థం కాక‌.. వైసీపీ నేత‌లు జుట్టు పీక్కుంటున్నారు.

This post was last modified on September 10, 2024 5:18 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

9 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

10 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

10 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

10 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

10 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

10 hours ago