Gulte Telugu Telugu Political and Movie News Updates
ఎన్ని షోలు ఉన్నా.. మరెంత మంది ఎన్ని విమర్శలు చేసినా ఈటీవీలో ప్రసారమయ్యే జబర్దస్త్ కు ఉండే స్టార్ ఇమేజ్ అంతా ఇంతా కాదు. ఈ షోతో పాపులర్ అయిన నటుడు వివాదంలో చిక్కుకొని అరెస్టు అయ్యారు. జబర్దస్త్ కమెడియన్ నవ సందీప్ ను హైదరాబాద్ లోని మధురానగర్ పోలీసులు అరెస్టు చేశారు.
ప్రేమ పేరుతో యువతిని మోసం చేశారన్న ఫిర్యాదుతో అతను చిక్కుల్లో పడ్డారు. ఈ మధ్యనే సదరు యువతి నవ సందీప్ మీద కంప్లైంట్ చేశారు. దీంతో.. విచారణ చేపట్టిన పోలీసుల్ని ప్రాథమిక ఆధారాలతో అరెస్టు చేసి.. రిమాండ్ కు తరలించారు. పోలీసు వర్గాల నుంచి అందుతున్న సమాచారం ప్రకారం నవ సందీప్ 2018లో ఒక యువతికి ప్రేమ కబుర్లు చెప్పి దగ్గరైనట్లుగా ఆరోపణలు ఉన్నాయి.
ఆమెతో తరచూ వాట్సాప్ చాట్ చేస్తుండేవాడు. ఆమెను ఊరి నుంచి హైదరాబాద్ కు రప్పించి.. షేక్ పేటలోని ఒక హాస్టల్ లో నాలుగేళ్లుగా ఉంచారు. ఈ క్రమంలో ఆమెకు బోలెడన్ని మాటలు చెప్పాడని.. పెళ్లి చేసుకుంటానని నమ్మించి తన కోరిక తీర్చుకున్నట్లుగా ఆరోపణలు ఎదుర్కొంటున్నారు. అయితే.. ఆ యువతి పెళ్లి ప్రస్తావన తీసుకురాగానే.. ముఖం చాటేయటంతో తాను మోసపోయినట్లుగా గుర్తించిన సదరు యువతి పోలీసుల్ని ఆశ్రయించింది. దీంతో, పోలీసులకు కంప్లైంట్ ఇవ్వగా.. ప్రాథమిక విచారణ జరిపి నవదీప్ ను అరెస్టు చేశారు.
