Political News

ఏపీలో ప్ర‌జాస్వామ్యం ఉందా

రాష్ట్రంలో జ‌రుగుతున్న స్థానిక సంస్థ‌ల ఎన్నిక‌ల పోలింగ్ పై వైసీపీ అధినేత‌, మాజీ సీఎం జ‌గ‌న్ తీవ్ర ఆగ్ర‌హం వ్య‌క్తం చేశారు. పులివెందుల స‌హా రాష్ట్రంలోని మునిసిపాలిటీల‌లో అధికార పార్టీ నేత‌ల అరాచ‌కం య‌ధేచ్ఛ‌గా సాగుతోంద‌ని ఆరోపించారు. పులివెందుల‌లో కేవ‌లం 7 వార్డుల్లోనే వైసీపీ పోలింగ్ ఏజెంట్ల‌ను అనుమ‌తించార‌ని.. మిగిలిన వార్డుల్లో వైసీపీ ఏజెంట్ల‌ను త‌రిమేశార‌ని.. ఇదేం ప్ర‌జాస్వామ్య‌మ‌ని.. ఇదేనా పోలింగ్ నిర్వ‌హించే తీరు అని మండిప‌డ్డారు.

ఆదివారం ఉద‌యం తాడేప‌ల్లి నుంచి పులివెందుల‌కు చేరుకున్న జ‌గ‌న్‌.. తొలుత మీడియాతో మాట్లాడారు. తాను వ‌స్తుండ‌గా .. త‌న హెలికాప్ట‌ర్‌ను కూడా అడ్డుకునే ప్ర‌య‌త్నం చేశార‌ని ఆరోపించారు. అతిక‌ష్టం మీద త‌న‌ను అనుమ‌తించార‌ని.. ఇదేనా ప్ర‌జా పాల‌న అని ప్ర‌శ్నించారు. ఎక్క‌డిక‌క్క‌డ వైసీపీ నాయ‌కుల‌ను అడ్డుకుని టీడీపీ నేత‌లు ఓటర్ల‌ను భ‌య‌భ్రాంతుల‌కు గురి చేస్తున్నార‌ని పేర్కొన్నారు. ఎక్క‌డా ఏ పోలింగ్ బూతులోనూ సీసీ టీవీ కెమెరాల‌ను పెట్ట‌లేద‌ని జ‌గ‌న్ ఆరోపించారు.

సుప్రీంకోర్టు ఆదేశాల‌ను, ఉత్త‌ర్వుల‌ను కూడా ఇక్క‌డ పాటించ‌డం లేద‌ని జ‌గ‌న్ చెప్పారు. దీనిపై మ‌రోసారి తాము సుప్రీంకోర్టును ఆశ్ర‌యించ‌నున్న‌ట్టు తెలిపారు. ప్ర‌భుత్వం స‌రిగా పాలించి ఉంటే.. ఇంత‌గా భ‌య‌ప‌డేది కాద‌ని అన్నారు. భ‌య‌ప‌డుతున్నారు కాబ‌ట్టే.. వైసీపీ నేత‌ల‌ను అడ్డుకుని పోలింగ్‌కు అడ్డంకులు సృష్టిస్తున్నార‌ని అన్నారు. ప్ర‌జ‌లు ఎక్క‌డా ఓటు వేయ‌డం లేద‌ని.. వారి ఓట్ల‌ను కూడా టీడీపీ నాయ‌కులే వేస్తున్నార‌ని ఆరోపించారు పులివెందుల‌లో తెల్ల‌వారు జామున 4 గంట‌ల నుంచే పోలింగ్ బూత్‌ల‌ను క్యాప్చ‌ర్ చేశార‌ని అన్నారు.

ఎన్నిక‌లు ర‌ద్దు చేయాలి..

ఈ సందర్భంగా జ‌గ‌న్ .. ఎన్నిక‌ల‌ను ర‌ద్దు చేయాల‌ని డిమాండ్ చేశారు. ఇలాంటి ప‌రిస్థితిలో జ‌రుగుతున్న ఈ పోలింగ్‌ను ఎందుకు ర‌ద్దు చేయ‌కూడ‌దు? అని నిల‌దీశారు. పోలింగ్‌ను ర‌ద్దు చేసి.. తిరిగి ఎన్నిక‌లు నిర్వ‌హించాల‌ని ఆయ‌న డిమాండ్ చేశారు. ప్ర‌జాస్వామ్యం లేకుండా.. నియంతృత్వ ధోర‌ణితో వ్య‌వ‌హ‌రిస్తున్నార‌ని జ‌గ‌న్ ఆరోపించారు. త‌మ చైర్ ప‌ర్స‌న్ అభ్య‌ర్థి వైఎస్ ప్ర‌మీల‌పైనా దాడి చేశార‌ని ఆరోపించారు. ఈ ఘ‌ట‌న‌ల‌పై సుప్రీంకోర్టుకు ఫిర్యాదు చేయ‌నున్న‌ట్టు జ‌గ‌న్ తెలిపారు.

This post was last modified on November 1, 2026 2:53 pm

Share

Recent Posts

అవకాశాల వర్షంలో అదృష్ట తార

ఇవాళ విడుదలైన ఆకాశంలో ఒక తార హీరోయిన్ సాత్విక వీరవల్లి ఇండస్ట్రీ దృష్టిలో బలంగా పడటం హాట్ టాపిక్ గా…

2 minutes ago

ఈ కమెడియన్ని వాడుకోండయ్యా

తెలుగు సినిమాల్లో ఒకప్పుడున్న కామెడీ వైభవం.. ఇండియాలోని ఇతర భాషల్లోనే కాదు, ప్రపంచంలోనే మరే సినీ పరిశ్రమలోనూ లేదు అంటే అతిశయోక్తి…

27 minutes ago

ఎట్టకేలకు ఇద్దరు మిత్రుల సినిమా?

టాలీవుడ్లో అడివి శేష్.. రాహుల్ రవీంద్రన్.. వెన్నెల కిషోర్.. సుజీత్.. ఈ నలుగురూ చాలా క్లోజ్ ఫ్రెండ్స్ అన్న సంగతి ఇండస్ట్రీలో…

1 hour ago

బొత్స గారూ… ఏమిటండీ ఇది!

వైసీపీ సీనియ‌ర్ నాయ‌కుడు, మాజీ మంత్రి, శాస‌న మండ‌లిలో విప‌క్ష నేత బొత్స స‌త్య‌నారాయ‌ణ హ‌వా భారీగా త‌గ్గిపోయిందా? ఆయ‌న…

2 hours ago

‘బీజేపీతో హ‌రీష్ రావు మంత‌నాలు’

బీఆర్ ఎస్ అగ్ర‌నాయ‌కుడు, మాజీ మంత్రి, సిద్దిపేట ఎమ్మెల్యే త‌న్నీరు హ‌రీష్‌రావుపై సీఎం రేవంత్ రెడ్డి తీవ్ర‌వ్యాఖ్య‌లు చేశారు. ఆయ‌న…

3 hours ago

అంచ‌నాలు పెంచుకోమంటున్న అక్కినేని హీరో

ఒక సినిమాలో భాగ‌మైన ప్ర‌తి వ్య‌క్తీ.. త‌మ చిత్రం అద్భుతం అనే చెబుతాడు. ఇలాంటి సినిమా ఇంత వ‌ర‌కు రాలేదంటాడు.…

3 hours ago