Political News

మిథున్ రెడ్డి ఎక్కడున్నారు?

ఉమ్మ‌డి క‌డ‌ప జిల్లా రాజంపేట వైసీపీ ఎంపీ పెద్దిరెడ్డి మిథున్‌రెడ్డి ఫోన్ స్విచ్ఛాఫ్ అయిందా? ఆయ‌న ఆచూకీ కూడా క‌నిపించ‌డం లేదా? అంటే.. ఔన‌నే స‌మాధాన‌మే వినిపిస్తోంది. స్థానిక సంస్థ‌ల ఎన్నిక‌ల‌కు ముందు ఇలా ఎంపీ మిథున్‌రెడ్డి ఆచూకీ క‌నిపించ‌క‌పోవ‌డంతో వైసీపీ నాయ‌కుల్లో క‌ల‌క‌లం రేగింది. ఆయ‌న ప‌రార‌య్యార‌ని టీడీపీ నాయ‌కులు వ్యాఖ్యానిస్తున్నారు. అయితే.. అలాంటిదేమీ లేద‌ని.. ఢిల్లీకి వెళ్లి ఉంటార‌ని వైసీపీ నేత‌లు చెబుతున్నారు. ఈ వ్య‌వ‌హారం శుక్ర‌వారం రాత్రి రాజ‌కీయ వ‌ర్గాల్లో ఆస‌క్తిక‌ర చ‌ర్చ‌కు దారితీసింది.

అరెస్టు భ‌య‌మేనా?

శుక్ర‌వారం సాయంత్రం వేళ ఏపీ హైకోర్టు కీల‌క ఉత్త‌ర్వులు ఇచ్చింది. మిథున్‌రెడ్డిని అరెస్టు చేయ‌కుండా ఆప‌లేమ‌ని.. ఈ విష‌యంలో తాము జోక్యం చేసుకునేది లేద‌ని తేల్చి చెప్పింది. అప్ప‌టి వ‌ర‌కు బాగానే ఉన్న ప‌రిస్థితి అనూహ్యంగా మారిపోయింది. మిథున్‌రెడ్డి న్యాయ‌వాదులు ఈ విష‌యాన్ని వెల్ల‌డించిన అనంత‌రం.. ఆయ‌న ఆచూకీలేకుండా పోవ‌డం గ‌మ‌నార్హం. మ‌రోవైపు ఉమ్మ‌డిచిత్తూరు జిల్లా పుంగ‌నూరు పోలీసులు కూడా మిథున్‌రెడ్డి కోసం ప్ర‌య‌త్నం చేసిన‌ట్టు వార్త‌లు వ‌చ్చాయి. అయిన‌ప్ప‌టికీ.. ఆయ‌న ఆచూకీ ల‌భించ‌లేద‌ని తెలుస్తోంది. హైకోర్టు ఉత్త‌ర్వుల నేప‌థ్యంలో త‌న‌ను ఏ క్ష‌ణ‌మైనా అరెస్టు చేసే అవ‌కాశం ఉంద‌ని మిథున్‌రెడ్డి భావిస్తున్న‌ట్టు స‌మాచారం.

ఏం జ‌రిగింది?

మునిసిపల్ ఎన్నిక‌ల నామినేష‌న్లు ప్రారంభ‌మైన తొలిరోజు.. గ‌త రెండు వారాల కింద‌ట పుంగ‌నూరులో పెద్ద ఎత్తున అల్ల‌ర్లు చోటు చేసుకున్నాయి. మిథున్‌రెడ్డి భారీ కాన్వాయ్‌తో రావ‌డంతోపాటు.. ప‌లువురు టీడీపీ కార్య‌క‌ర్త‌ల‌ వైపు ఆయ‌న కార్ల‌ను వేగంగా పోనివ్వ‌డం..ఇరు వ‌ర్గాలు రాళ్లు, క‌ర్ర‌ల‌తో దాడులు చేసుకున్న ఘ‌ట‌న‌లు రాష్ట్ర వ్యాప్తంగా సంచ‌ల‌నం సృష్టించాయి. దీంతో మిథున్‌రెడ్డిపై పోలీసులు హ‌త్యాయత్నం స‌హా అల్ల‌ర్లు, దోపిడీలు సెక్ష‌న్ల కింద కేసులు న‌మోదు చేశారు. మొత్తంగా నాలుగు కేసులు న‌మోద‌య్యాయి. అయితే.. ఈ కేసుల్లో ప్ర‌ధాన నిందితుడిగా.. మిథున్‌రెడ్డి ఉన్నారు.

దీంతో ఆయ‌న త‌న‌పై న‌మోదు చేసిన కేసుల‌ను కొట్టివేయాల‌ని.. ఇదేస‌మ‌యంలో త‌న‌ను అరెస్టు చేయ‌కుండా పోలీసుల నుంచి ర‌క్ష‌ణ క‌ల్పించాల‌ని కోర్టుకు విన్న‌వించారు. శుక్ర‌వారం సాయంత్రం హైకోర్టులో జ‌రిగిన విచార‌ణ‌లో న్యాయ‌మూర్తి.. మిథున్‌రెడ్డిని అరెస్టు చేయ‌కుండా పోలీసులను నిలువ‌రించ‌లేమ‌ని తేల్చి చెప్పారు. అయితే.. క్వాష్ పిటిష‌న్ల‌పై మాత్రం డిసెంబ‌రు 28న విచార‌ణ చేప‌డ‌తామ‌ని అన్నారు. దీంతో పోలీసులు ఏ క్ష‌ణ‌మైనా మిథున్‌రెడ్డిని అరెస్టు చేసే అవ‌కాశం ఏర్ప‌డింది. మ‌రోవైపు ఆదివారం స్థానిక సంస్థ‌ల పోలింగ్ జ‌ర‌గ‌నుంది. ఈ నేప‌థ్యంలో మిథున్ రెడ్డి ఆచూకీ గ‌ల్లంతు కావ‌డం.. ఆయ‌న ఫోన్ స్విచ్ఛాఫ్ రావ‌డం వంటివి రాజ‌కీయ వ‌ర్గాల్లో చ‌ర్చ‌కు దారితీశాయి.

This post was last modified on October 30, 2026 11:02 pm

Share

Recent Posts

ఈ కమెడియన్ని వాడుకోండయ్యా

తెలుగు సినిమాల్లో ఒకప్పుడున్న కామెడీ వైభవం.. ఇండియాలోని ఇతర భాషల్లోనే కాదు, ప్రపంచంలోనే మరే సినీ పరిశ్రమలోనూ లేదు అంటే అతిశయోక్తి…

4 minutes ago

ఎట్టకేలకు ఇద్దరు మిత్రుల సినిమా?

టాలీవుడ్లో అడివి శేష్.. రాహుల్ రవీంద్రన్.. వెన్నెల కిషోర్.. సుజీత్.. ఈ నలుగురూ చాలా క్లోజ్ ఫ్రెండ్స్ అన్న సంగతి ఇండస్ట్రీలో…

39 minutes ago

బొత్స గారూ… ఏమిటండీ ఇది!

వైసీపీ సీనియ‌ర్ నాయ‌కుడు, మాజీ మంత్రి, శాస‌న మండ‌లిలో విప‌క్ష నేత బొత్స స‌త్య‌నారాయ‌ణ హ‌వా భారీగా త‌గ్గిపోయిందా? ఆయ‌న…

2 hours ago

‘బీజేపీతో హ‌రీష్ రావు మంత‌నాలు’

బీఆర్ ఎస్ అగ్ర‌నాయ‌కుడు, మాజీ మంత్రి, సిద్దిపేట ఎమ్మెల్యే త‌న్నీరు హ‌రీష్‌రావుపై సీఎం రేవంత్ రెడ్డి తీవ్ర‌వ్యాఖ్య‌లు చేశారు. ఆయ‌న…

3 hours ago

అంచ‌నాలు పెంచుకోమంటున్న అక్కినేని హీరో

ఒక సినిమాలో భాగ‌మైన ప్ర‌తి వ్య‌క్తీ.. త‌మ చిత్రం అద్భుతం అనే చెబుతాడు. ఇలాంటి సినిమా ఇంత వ‌ర‌కు రాలేదంటాడు.…

3 hours ago

వయొలెంట్ క్లాష్… భోగి VS మైసా

నవంబర్ ఏదో డ్రై నెల అంటారు కానీ ఈసారి మటుకు ప్రతివారం బాక్సాఫీస్ వద్ద రసవత్తరమైన పోటీ నెలకొంటోంది. ఎన్ని…

4 hours ago