తమిళనాడు బై ఎలక్షన్లలో అధికార టీవీకే పార్టీ తన ఆధిపత్యాన్ని చాటుకుంది. శుక్రవారం ఉదయం కౌంటింగ్ మొదలైన తర్వాత తొలి రెండు రౌండ్లలో ఫలితాల్లో ఒక అసెంబ్లీలో అన్నా డీఎంకే ముందంజలో వున్నట్లు వార్తలు వచ్చాయి. టీవీకే, అన్నాడీఎంకే మధ్య హోరాహోరి పరిస్థితి వున్నట్లు మీడియా ఊదరగొట్టింది. అంతా ఇంకేముంది… టీవీకే ప్రభుత్వం ముచ్చట అప్పుడే తీరిందనిపించింది. అయితే కొద్ది సేపటికే టీవీకే పైచేయి సాధించింది. చివరికి ఎన్నికలు జరిగిన రెండు స్థానాల్లోనూ టీవీకే విజయడంఖా మోగించింది.
తమిళనాడులో అక్టోబరు 6న జరిగిన రెండు అసెంబ్లీ నియోజకవర్గాల ఉప ఎన్నికల్లో అధికార టీవీకే పార్టీ ఘన విజయం సాధించింది. ముఖ్యమంత్రి సి. జోసెఫ్ విజయ్ నేతృత్వంలోని టీవీకే, విపక్ష డీఎంకే అన్నాడీఎంకే లను ఓడించింది. ఎన్నికలకు ముందు దారాపురం అసెంబ్లీ నియోజకవర్గం నుంచి పోటీ చేసిన సత్యభామ గురించి డీఎంకే అధినేత స్థాలిన్ చేసిన అనుచిత వ్యాఖ్యలు వివాదస్పదం అయ్యాయి. దాంతో దారాపురం నియోజకవర్గం ఫలితంపై ప్రజలు చాలా ఆసక్తి చూపించారు. చివరికి ఇక్కడ నుంచి టీవీకే తరుపున పోటీ చేసిన సత్యభామ 9, 471 ఓట్ల మెజారిటీతో గెలిచారు. మధురాంతకం నుంచి మరగతం కుమారవేల్ ఏకంగా 17,554 ఓట్ల మెజారిటీ సాధించి దుమ్ము లేపారు.
అయితే ఉదయం దారాపురంలో అధిక్యంలో వున్న అన్నా డీఎంకే సాయంత్రానికల్లా మూడో స్థానానికి పడి పోయింది. నిజానికి ఈ రెండు స్థానాలు అన్నాడీఎంకేవే కావడం గమనార్హం. 2026 సాధారణ ఎన్నికల్లో ఇక్కడ నుంచి గెలిచిన అన్నా డీఎంకే అభ్యర్థులు ఆ తర్వాత టీవీకేలో చేరడంతో ఉప ఎన్నికలు వచ్చాయి. అంటే అన్నా డీఎంకే రెండు స్థానాలు కోల్పోయింది. డీఎంకే గట్టి పోటీ ఇచ్చి రెండో స్థానంలో నిలిచి టీవీకేకు ఏకైక ప్రత్యేర్దిగా నిరూపించుకుంది.
ముఖ్యంగా ముఖ్యమంత్రి జోసెఫ్ విజయ్ ఈ రెండు స్థానాలను గెలిపించుకొని తన సత్తా చాటుకున్నారు. అసెంబ్లీలో స్వల్పంగా బలాన్ని పెంచుకున్నారు. సాధారణ ఎన్నికల్లో రెండు స్థానాల నుంచి విజయ్ పోటీ చేయడం తెల్సిందే. అందులో తిరుచిరాపల్లి ఈస్ట్ రాజీనామా చేయడంతో ఖాళీ అయ్యింది. దాంతో పాటు మరో నాలుగు స్థానాలు ఖాళీగా వున్నాయి. న్యాయపరమైన చిక్కులు పూర్తయ్యాక అక్కడ ఉప ఎన్నికలు జరుగుతాయి. అంటే సీఎం విజయ్ కు ఇంకో పరీక్ష ఉందన్న మాట. మొత్తం మీద ఈ ఎన్నికల్లో తడబడతాడనుకున్న విజయ్ నిలబడ్డాడు. తొలి పరీక్షలో పాస్ అయ్యాడు.
This post was last modified on October 9, 2026 7:24 pm
స్థానిక ఎన్నికల్లో రాష్ట్రం మొత్తం కూటమి హవా కనిపించింది. మున్సిపల్ ఎన్నికలు, ఎంపీటీసీ, జడ్పీటీసీ ఎన్నికల్లో సైతం అదే ఊపు…
రెండు వారాల క్రితం విడుదలైన సీన్ తెలుగులోనూ మంచి విజయం సాధించిన సంగతి తెలిసిందే. రిలీజ్ కు ముందు పెద్దగా…
ముంబైలో పరిశుభ్రత విషయంలో అధికారుల ప్రాధాన్యతలపై బాంబే హైకోర్టు తీవ్ర అసంతృప్తి వ్యక్తం చేసింది. ప్రముఖులు నగరానికి వచ్చినప్పుడు రోడ్లను…
ఏపీ సీఎం చంద్రబాబుపై వైసీపీ హయాంలో పలు కేసులు నమోదైన విషయం తెలిసిందే. లిక్కర్ విక్రయాలు సహా ఇసుక, గనులు,…
దర్శకుడు అంటే తెర వెనుక ఉండి మొత్తం వ్యవహారాన్ని నడిపించేవాడు. చాలామంది గొప్ప గొప్ప దర్శకులు కూడా చాలా వరకు…
స్టార్ డైరెక్టర్ అనిల్ రావిపూడి తన సినిమాలను సూపర్ సక్సెస్ చేయడం ఒకెత్తయితే.. ఆ సినిమాలు మొదలైన దగ్గర్నుంచి వాటిని…