Political News

పంచాయతీ ఎన్నికల్లో ఓడిపోతే అంతకంటే అవమానం లేదు

స్థానిక ఎన్నికల్లో రాష్ట్రం మొత్తం కూటమి హవా కనిపించింది. మున్సిపల్ ఎన్నికలు, ఎంపీటీసీ, జడ్పీటీసీ ఎన్నికల్లో సైతం అదే ఊపు కొనసాగించింది. చిత్తూరు జిల్లాలో కూడా టీడీపీ క్లీన్ స్వీప్ చేసింది. అయితే గంగాధర నెల్లూరు లో మాత్రం వైసీపీ గెలిచింది. ఇదిప్పుడు టీడీపీలో చర్చనీయాంశంగా మారింది. టీడీపీ ఎమ్మెల్యే ప్రతినిధ్యం వహిస్తున్న నియోజకవర్గంలో వైసీపీ గెలుపు జెండా ఎగరేయడంతో ఎమ్మెల్యే థామస్ జీర్ణించుకోలేకపోతున్నారు. అవమానంగా ఫీల్ అవుతున్నారు. ఆయన ప్రభుత్వ విప్ గా కూడా వ్యవహారిస్తుండటంతో పార్టీకూడా సీరియస్ గానే తీసుకుంది. 

జడ్పీటీసీ ఎన్నికల్లో ఓటమిపై నియోజకవర్గ ముఖ్య నాయకులు, క్రియాశీల కార్యకర్తలతో సమావేశం ఏర్పాటు చేశారు. ఈ సందర్బంగా ఎమ్మెల్యే థామస్ మాట్లాడుతూ… ఈ ఓటమిని అవమానంగా భావిస్తున్నానని స్పష్టం చేశారు. సహచర ఎమ్మెల్యేలతో మాట్లాడాలంటే గిల్టీగా ఉంటుందని ఆవేదన వ్యక్తం చేశారు. నియోజకవర్గంలో కొందరు నాయకులు మేము జిల్లా స్థాయి నాయకులమని, మేము స్టేట్ లెవెల్ లీడర్లమని గొప్పలు చెప్పుకుంటూ తీరుతుంటారని, కనీసం సొంత సెగ్మెంట్లో ఎంపీటీసీని గెలిపించుకోలేని మీకు ఆ పదవులెందుకని ప్రశ్నించడంతో సమావేశంలో పాల్గొన్న నాయకులు ఒకరి ముఖాలు మరొకరు చూసుకున్నట్టు సమాచారం. 

ఈ నియోజకవర్గంలో కొంతమంది టీడీపీ నాయకులు వైసీపీతో మిలాఖత్ అయినట్లు ప్రచారం జరుగుతుంది. అందుకే టీడీపీ ఓటమి చవిచూడాల్సి వచ్చిందన్న అభిప్రాయాలు వ్యక్తం అవుతున్నాయి. ఎమ్మెల్యే థామస్ కూడా అదే మాట కుండ బద్దలు కొట్టారు.

స్థానిక ఎన్నికల్లో టీడీపీని ఓడించేందుకు కొంతమంది వైసీపీతో చేతులు కలిపారని, వారి జాతకం తన వద్ద వుందని హెచ్చరించారు. పార్టీకోసం పనిచేసే ఉద్దేశం ఉంటేనే మన పార్టీలో ఉండండి, లేదంటే  తెరవెనక మీరు పనిచేస్తున్న వైసీపీ లోకే వెళ్ళిపోండి. అంతేకాని ఇక్కడ పదవులు అనుభవిస్తూ అక్కడ పనిచేయడమంటే కుదరదని స్పష్టం చేశారు. 

ఇప్పుడు పంచాయతీ ఎన్నికలు జరుగుతున్నాయి. పరిషత్ ఎన్నికల్లో గెలుపు సాధించిన వైసీపీ ఊపు లో వుంది. ఈ క్రమంలో ఎమ్మెల్యే థామస్ పార్టీ నాయకులకు దిశా నిర్దేశం చేశారు. కనీసం పంచాయతీ ఎన్నికల్లో అయినా గెలుపు కోసం శ్రమించాలని సూచించారు. ఒకవేళ పంచాయతీ ఎన్నికల్లో కూడా ఓటమి పాలైతే 2029 ఎన్నికల్లో తాను అసెంబ్లీకి పోటీ చేయనని తేల్చి చెప్పేశారు. ఇదిప్పుడు సోషల్ మీడియాలో వైరల్ అవుతోంది.

This post was last modified on November 19, 2026 3:55 pm

Share

Recent Posts

హమ్మయ్య… తుఫాన్ ముప్పు తప్పినట్టేనా?

నిన్నటి వరకు భయపెట్టిన అక్వాన్ తుఫాన్ ఒడిశా వైపు మెల్లగా జారుకుంది. ఆంధ్ర ప్రదేశ్ కు తుఫాన్ ముప్పు తప్పింది.…

26 minutes ago

ఇన్సూరెన్స్ లేకుండా టోల్ దాటే ముందు జర భద్రం

టోల్ ప్లాజా దాటితే చాలు.. మీ వాహనానికి ఇన్సూరెన్స్ ఉందో లేదో ప్రభుత్వానికి తెలిసిపోతుంది. ఇప్పటివరకు టోల్ చెల్లింపులకే పరిమితమైన…

1 hour ago

మోదీ నోట ‘సేవింగ్స్’ మంత్రం

ఈ మధ్యకాలంలో భారతీయులపై పాశ్చాత్య సంస్కృతి ప్రభావం బాగా ఎక్కువైంది. విలాసవంతమైన జీవితం, మద్యపానం, ఖరీదైన భోజనం వంటి వాటిని…

2 hours ago

స్టాలిన్‌ను ఓడించిన టీవీకే ఎమ్మెల్యే కన్నుమూత

తమిళనాడు రాజకీయాల్లో మరో కీలక పరిణామం చోటుచేసుకుంది. మాజీ ముఖ్యమంత్రి ఎంకే స్టాలిన్‌ను ఆయన సొంత నియోజకవర్గం కొళత్తూరులో ఓడించిన…

2 hours ago

యువత సపోర్ట్ చేస్తున్న కొత్త నగరం

నిన్న రాత్రి ప్రీమియర్లతో ఈ నగరానికి ఏమైంది రిపీట్ విడుదలయ్యింది. ముఖ్యంగా ఒక్క రాత్రిలో హైదరాబాద్ నుంచి కోటి రూపాయల…

2 hours ago

సీన్ విలన్ కొత్త సినిమాకి ఇలాంటి రెస్పాన్సా

రెండు వారాల క్రితం విడుదలైన సీన్ తెలుగులోనూ మంచి విజయం సాధించిన సంగతి తెలిసిందే. రిలీజ్ కు ముందు పెద్దగా…

3 hours ago