Political News

మస్క్ అంబానీ మధ్య శాటిలైట్ ఫైట్

భారత దేశంలో శాటిలైట్ ఇంటర్నెట్ యుద్దానికి తెర లేచింది. మొట్టమొదటిసారిగా అంబానీ ఆధిపత్యానికి సవాల్ ఎదురైంది. ఈ క్రమంలో ప్రపంచ కోటీశ్వరుడు ఎలాన్ మస్క్ నుండి మాటల తుటాలు పేలుతున్నాయి. మస్క్ కు చెందిన స్టార్లింక్ సేవలను ఇండియాలో ప్రారంభించేందుకు ప్రయత్నం చేస్తున్నారు. దీనికి అంబానీ అండ్ కో అడ్డుకుంటుందని భావిస్తున్న ఆయన విమర్శలకు దిగారు. దీంతో మస్క్, అంబానీ మధ్య శాటిలైట్ ఫైట్ స్టార్ట్ అయ్యింది.

స్టార్‌లింక్ ఇంటర్నెట్ సేవలను భారతదేశంలో ప్రారంభించకుండా కొందరు ఒలిగార్చ్‌లు అడ్డుకుంటున్నారని ఆరోపించిన మస్క్ ఇది భారత ప్రజలకు వ్యతిరేకంగా జరుగుతున్న కుట్రగా అభివర్ణించారు. అంతటితో ఆగకుండా భారతదేశానికి అంబానీనే అసలైన బాసా… అంటూ ఎక్స్ వేదికగా ప్రశ్నించడం సంచలనం సృష్టిస్తోంది. రిలయన్స్ జియో ఏకఛత్రాధిపత్యాన్ని కాపాడుకోవడానికే దొడ్డిదారిన స్టార్‌లింక్‌ను అడ్డుకుంటున్నారని మస్క్ భావిస్తున్నారు. అదే ఉద్దేశ్యంతో ఆరోపణలు గుప్పిస్తున్నారు.

ప్రభుత్వం నేరుగా లైసెన్స్ ఫీజు ద్వారా శాటిలైట్ కంపెనీలకు ఇంటర్నెట్ సేవలకు అనుమతించాలని మస్క్ ప్రతిపాదిస్తున్నాడు. అంతర్జాతీయ నిబంధనల ప్రకారం శాటిలైట్ స్పెక్ట్రమ్‌ను వేలం వేయకూడదని వాదిస్తున్నాడు. తనకు లైసెన్స్ మంజూరు చేయాలని కోరుతున్నాడు. ఇందుకు భారత ప్రభుత్వం సరైన సమాధానమే ఇచ్చింది. జాతీయ భద్రతా కారణాల వల్లే స్టార్‌లింక్ కు ఇంకా లైసెన్స్ మంజూరు చేయలేదని, ఈ ప్రక్రియ అధికారుల పరిశీలనలో ఉందని స్పష్టం చేసింది. అయితే రిలయన్స్ జియో ఎండీ ఆకాష్ అంబానీ మాత్రం మస్క్ కామెంట్స్ పై స్పందించడానికి తిరస్కరించారు.

విదేశీ కంపెనీలకు నేరుగా స్పెక్ట్రమ్ కేటాయించే ప్రతిపాదనలను ముఖేష్ అంబానీ తప్పు పడుతున్నారు. దీనివల్ల స్థానిక టెలికమ్ కంపెనీలు తీవ్రంగా నష్టపోతాయని తన వాదన వినిపిస్తున్నారు. ఇప్పటికే భారత కంపెనీలు నష్టాల్లో ఉన్నాయని, విదేశీ కంపెనీలు వస్తే ఇక కోలుకోవడం కష్టమని చెబుతున్నాడు. అసలు విషయం ఏమిటంటే… 2030 నాటికి భారత దేశంలో శాటిలైట్ ఇంటర్నెట్ మార్కెట్ విలువ 1.9 బిలియన్ డాలర్లకు చేరుకుంటుందని అంచనా. అందుకే ఎలాగైనా సరే ఇండియాలో ప్రవేశ్నించాలని మస్క్ ప్రయత్నం చేస్తున్నాడు. మస్క్ వస్తే తనకు మస్కా తప్పదని అంబానీ కిందా మీదా పడుతున్నాడు. మరి కేంద్రం ఏమి చేస్తుందో చూడాలి…..

This post was last modified on October 9, 2026 6:34 am

Share

Recent Posts

అలియాస్ రుక్మిణీ.. తొలి టికెట్ నుంచే లాభాలు

సినిమా రిలీజ్ తర్వాత పెట్టే సక్సెస్ మీట్‌ల గురించి నిన్న ఇద్దరు హీరోలు క్రేజీ కామెంట్స్ చేశారు. రిజల్ట్ ఎలా…

26 minutes ago

ఫౌజీ వదిలేసిన డేటు… పోటీ చాలా హాటు

ఎప్పుడైతే ఫౌజీ డిసెంబర్ 4 వదిలేసుకుందో అప్పటి నుంచి దాని మీద పోటీ పెరిగి ఇప్పుడు ఏకంగా అరడజను సినిమాలు…

1 hour ago

నెమ్మదిగా నిచ్చెన ఎక్కుతున్న తార

మొన్న విడుదలైన అన్ని సినిమాల్లో ఎక్కువ పాజిటివ్ టాక్ వచ్చింది ఆకాశంలో ఒక తారకే. దుల్కర్ సల్మాన్ హీరోగా సాత్విక…

2 hours ago

మండ‌ల స్థాయిలోనూ 94 శాతం స్ట్ర‌యిక్ రేట్‌!

ఏపీ మండలాధ్యక్ష ఎన్నికల్లో కూటమి ఆధిపత్యం.. క‌న‌బ‌రిచింది. 2024లో వ‌చ్చిన స్ట్ర‌యిక్ రేట్‌ను ఇప్పుడు కూడా కొన‌సాగించింది. ఏపీలోని మొత్తం…

3 hours ago

చిరు, వెంకీ, చరణ్, తారక్… ఎప్పుడూ అడిగినా సల్మాన్ రెడీ

బాలీవుడ్ సూపర్ స్టార్ సల్మాన్ ఖాన్ కు.. టాలీవుడ్ స్టార్ హీరోలు చాలామంది మంచి అనుబంధం ఉన్న సంగతి తెలిసిందే.…

3 hours ago

‘కేసీఆర్ కూతురు’ మాత్రమే నా గుర్తింపు కాదు

కల్వకుంట్ల కవిత...ఈ పేరు వినగానే ఠక్కున గుర్తుకు వచ్చే మరో పేరు తెలంగాణ మాజీ సీఎం కేసీఆర్. తెలంగాణ సాధనలో…

3 hours ago