ఎమ్మెల్యేగా ఆ రాష్ట్ర సీఎం ఓటమి

తమిళనాడు అసెంబ్లీ ఎన్నికల ఫలితాల్లో అధికార పార్టీ డీఎంకే, ప్రతిపక్ష పార్టీ ఏఐడీఎంకేలకు టీవీకే పెద్ద షాకిచ్చిన సంగతి తెలిసిందే. 110కు పైగా స్థానాల్లో లీడ్ లో ఉన్న టీవీకే తమిళనాట ప్రభుత్వం ఏర్పాటు చేయడం దాదాపు లాంఛనమే.

అదే సమయంలో సీఎం స్టాలిన్ కు తమిళ ప్రజలు భారీ షాకిచ్చారు. కొళత్తూరు అసెంబ్లీ నియోజకవర్గం నుంచి పోటీ చేసిన స్టాలిన్ ఓడిపోయారు. టీవీకే అభ్యర్ధి వీ.ఎస్ బాబు చేతిలో స్టాలిన్ పరాజయం పాలయ్యారు.

దీంతో, స్టాలిన్ కు భారీ షాక్ తగిలినట్లయింది. మరోవైపు, స్టాలిన్ తనయుడు, మంత్రి ఉదయనిధి స్టాలిన్ చెపాక్ నియోజకవర్గంలో ఆధిక్యంలో కొనసాగుతున్నారు. అయితే, మిగతా రౌండ్ల ఫలితాన్ని బట్టి ఉదయనిధి విజయం డిసైడ్ కానుంది. అక్కడ ఉదయనిధి స్టాలిన్ కు టీవీకే అభ్యర్థి డీ.సెల్వం గట్టి పోటీనిస్తున్నారు.