Political News

అసలే కిమ్… ఎన్నికల్లో ఓట్లు వేయకపోతే…

ప్రపంచంలోని మూర్ఖ పాలకుల జాబితాను తీస్తే.. అందులో మొదటి ముగ్గురు పాలకుల్లో ఒకరుగా నిలుస్తారు కింగ్ జోంగ్ ఉన్. తన దేశంలోని ప్రజల్ని మరబొమ్ములుగా చేసి.. వారిని తన కబంధ హస్తాల్లో బంధించి.. నోరెత్తితే ప్రాణాలు తీసేందుకు ఏ మాత్రం వెనుకాడని కర్కశత్వం కిమ్ సొంతం. అలాంటి ఆయన రాజ్యంలో తాజాగా ఎన్నికలు జరగటం.. వాటి ఫలితాలు వెల్లడయ్యాయి. అసలే కిమ్ రాజ్యం. అందులో ఎన్నికలు. ఫలితాల గురించి మరింత ఎక్కువ అంచనాలకు పోవటం అత్యాశే అవుతుంది.

ఈ వాదనకు తగ్గట్లే.. అక్కడి ఎన్నికల ఫలితాలు ఉన్నాయి. కిమ్ నాయకత్వంలోని అధికార వర్కర్స్ పార్టీ ఆఫ్ కొరియా పార్టీ ప్రభంజనాన్ని క్రియేట్ చేసింది. ఏకంగా 99.93 శాతం ఓట్లతో పోటీ చేసిన 687 స్థానాల్లో గెలిచి.. తిరుగులేని విజయాన్ని సొంతం చేసుకుంది. కిమ్ పార్టీకి కేవలం 0.07 శాతం మాత్రమే వ్యతిరేక ఓట్లు పోల్ కావటం విశేషం. ఇదంతా చూస్తే.. ఉత్తరకొరియా ప్రజలు ఎలాంటి పరిస్థితుల్లో ఉన్నారో అర్థం చేసుకోవచ్చు. ఎన్నికల్లో కిమ్ పార్టీ తరఫున పోటీ చేసిన అభ్యర్థుల్లో 70 శాతం కొత్త వారే.

గెలిచిన నేతల్లో కిమ్ సోదరి కిమ్ యో జోంగ్ కూడా ఉన్నారు. కిమ్ కు అత్యంత నమ్మకస్తుడు.. సన్నిహితుడైన జో యోంగ్ వోన్ కు కీలక పార్లమెంటరీ పదవి దక్కే వీలుందని చెబుతున్నారు. ఈ గెలుపు నేపథ్యంలో దక్షిణ కొరియాతో సంబంధాలను శత్రుత్వంగా నిర్వచించే రాజ్యాంగ సవరణ చేస్తారన్న అంచనా వ్యక్తమవుతోంది.

ఉత్తర కొరియాలో ఎన్నికల ప్రక్రియ మొత్తం కిమ్ కనుసన్నల్లో నడుస్తుంది. ప్రతి నియోజకవర్గంలో బరిలో ఉండే అభ్యర్థి ఒక్కరే ఉండటం.. ఎవరూ పోటీకి ముందుకు రావటం.. పోలింగ్ జరిగినప్పుడు ఓటు వేసే ఓటరు రిస్కు తీసుకోడు కదా? అందుకే.. అభ్యర్థిని తిరస్కరించే అవకాశం ఉండదు.

దీనికి తోడు ఓటింగ్ బహిరంగంగా ఉంటుంది కాబట్టి వ్యతిరేకంగా ఓటు వేసే ధైర్యం ఎవరికి ఉండదు. ఒకవేళ.. వేసినా ఆ తర్వాతి ఫలితాలు ప్రమాదకంగా మారతాయి. అందుకే.. ఎవరికి వారు ఎలా ఓటు వేస్తే.. తమ బతుకులు ప్రమాదానికి గురి కాకుండా ఉంటాయో.. అందుకు తగ్గట్లే ఓటేయటం ఆ దేశ ప్రజలకు అలవాటు. తాజా ఎన్నికల పలితాలు కిమ్ ఏ స్థాయి నియంత..తన వ్యతిరేకుల విషయంలో అతడెంత కర్కశంగా వ్యవహరిస్తారన్న దానికి నిదర్శనంగా తాజా ఎన్నికల ఫలితాలు చెప్పేస్తాయని చెప్పాలి.  

This post was last modified on March 19, 2026 10:55 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

3 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

4 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

5 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

5 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

6 hours ago