Political News

రాజుగారిపై అవిశ్వాసం.. జనసేన అడ్డు చెప్పిందా?

శాసన మండలి చైర్మన్ మోషన్ రాజు పై అవిశ్వాస తీర్మానం ప్రవేశపెడతామని, ఆయనకు ఆ పదవిలో ఉండేందుకు అర్హత లేదని వైసీపీకి రాజీనామా చేసి బయటకు వచ్చిన పలువురు ఎమ్మెల్సీలు వ్యాఖ్యానించిన విషయం తెలిసిందే. ఈ క్రమంలోనే ప్రస్తుతం ఎమ్మెల్సీగా ఉన్న బల్లి కళ్యాణ్ చక్రవర్తి మోషన్ రాజు పై అవిశ్వాస తీర్మానానికి సంబంధించిన నోటీసు కూడా ఇస్తామని ప్రకటించారు. దీనికి సంబంధించి శుక్రవారం పెద్ద ఎత్తున చర్చ కూడా నడిచింది.

నోటీసులకు సంబంధించిన కాపీని సిద్ధం చేయడం, దీనిపై వైసీపీ నుంచి బయటకు వచ్చిన ఐదుగురు ఎమ్మెల్సీలు సంతకాలు చేయడం, చివరకు ఇది సెక్రటరీ వరకు కూడా వెళ్లడం వంటివి వేగంగా జరిగిపోయాయి. కానీ అనూహ్యంగా చివరి నిమిషంలో ఈ నోటీసుకి సంబంధించిన వ్యవహారం ఆగిపోయింది. దీనికి ప్రధాన కారణం ప్రస్తుతమున్న పరిస్థితుల్లో మోషన్ రాజు పై అవిశ్వాస తీర్మానం ప్రవేశపెట్టడం దీనికి సంబంధించిన నోటీసు ఇవ్వడంపై జనసేన పార్టీ తీవ్రంగా విభేదించినట్టు తెలుస్తోంది.

మరో ఏడాది కాలంలో మోషన్ రాజు పదవీ విరమణ చేయనున్నారు. వచ్చే ఎడాది జూలై నాటికి ఆయన పదవీకాలం పూర్తవుతుంది. ఈ మధ్యకాలంలో మహా అయితే మరో మూడుసార్లు లేదా నాలుగు సార్లు మాత్రమే సమావేశం జరుగుతుంది. ఈ మాత్రం దానికి ఇప్పుడు మోషన్ రాజు పై అవిశ్వాస తీర్మానం ప్రవేశపెట్టడం ద్వారా ఎస్సీ సామాజిక వర్గంలో వ్యతిరేకతను ఎదుర్కునే అవకాశం ఉంటుందని పలువురు జనసేన పార్టీకి చెందిన నాయకులు వ్యాఖ్యానించారు.

అనవసరమైన విషయాల్లో తొందరపడటం వల్ల ప్రయోజనం కన్నా వ్యతిరేకత వచ్చే అవకాశం ఉందని వారు భావిస్తున్నారు. అవిశ్వాస తీర్మానానికి సంబంధించిన నోటీసు ఇవ్వాలని భావించినప్పటికీ వైసీపీ నుంచి బయటకు వచ్చిన ఎమ్మెల్సీలు వెనక్కి తగ్గినట్టు తెలుస్తోంది. ఎస్సీ సామాజిక వర్గానికి చెందిన మోషన్ రాజుకు రాజకీయ వర్గాల్లో మంచి పేరుంది. అదేవిధంగా ఎస్సీ సామాజిక వర్గంలో కూడా మంచి పేరుంది. ఇప్పుడు ఆయనను తొలగించడం ద్వారా లేదా ఆయనపై చర్చించడం ద్వారా సరైన సంకేతాలు ఇచ్చినట్టు ఉండదని జనసేన పార్టీ నాయకులు భావిస్తున్నట్టు సమాచారం.

ఇప్పటికే కొన్ని అంశాల‌పై ఎస్సీ సామాజిక వర్గంలో చర్చ నడుస్తోందని, ఇప్పుడు మోషన్ రాజు విషయం కూడా తెర‌ మీదకు వస్తే అది మరింత ఇబ్బందికర పరిణామానికి దారితీస్తుందని కొందరు ఎమ్మెల్సీలు అంచనా వేస్తున్నారు.

అందుకే ప్రస్తుతానికి మోషన్ రాజు పై అవిశ్వాస తీర్మానం వెనక్కి తీసుకున్నట్టు తెలుస్తోంది. వచ్చే అసెంబ్లీ సమావేశాల నాటికి దీనిపై కీలక నిర్ణయం తీసుకుంటారా లేకపోతే ఆయన పదవీకాలం వరకు అలానే వదిలేస్తారా అనేది చూడాలి. మరోవైపు కావాలంటే తనను తొలగించుకోవచ్చని తనకు అభ్యంతరం లేదని మోషన్ రాజు సభలోనే వెల్లడించడం గ‌మ‌నార్హం.

This post was last modified on March 8, 2026 10:43 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

3 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

4 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

5 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

6 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

6 hours ago