Political News

బాబు మార్కు… చేతికే 3 గ్యాస్ బండల డబ్బు

టీడీపీ అధినేత, ఏపీ సీఎం నారా చంద్రబాబు నాయుడు బుధవారం నాడు సంక్షేమంలో తనదైన మార్కు నిర్ణయాన్ని ప్రకటించారు. బుధవారం సాయంత్రం మంగళగిరి పరిధిలోని టీడీపీ కేంద్ర కార్యాలయంలో చంద్రబాబు అధ్యక్షతన టీడీపీ పోలిట్ బ్యూరో సమావేశం జరిగింది. ఈ సమావేశంలో మహానాడుతో పాటు కూటమి సర్కారు అమలు చేస్తున్న, అమలు చేయబోతున్న సంక్షేమ పథకాలకు సంబంధించి చంద్రబాబు కీలక నిర్ణయాలను ప్రకటించారు.

2024 సార్వత్రిక ఎన్నికల్లో భాగంగా సూపర్ సిక్స్ పేరిట కూటమి పార్టీలు రాష్ట్ర ప్రజలకు పలు హామీలు ఇచ్చిన సంగతి తెలిసిందే. వీటిలో ఏడాదికి 3 గ్యాస్ సిలిండర్లను ఉచితంగా అందించనున్నట్లు ప్రకటించిన కూటమి సర్కారు… దానిని ఇప్పటికే అమలులో పెట్టేసిన సంగతి తెలిసిందే. తాజాగా ఈ పథకాన్ని లబ్ధిదారులకు మరింత సౌకర్యంవంతంగా మారుస్తూ చంద్రబాబు కీలక నిర్ణయం తీసుకున్నారు. ఏడాదికి మూడు సిలిండర్ల డబ్బును ముందుగానే ఆయా లబ్ధిదారుల చేతికే అందించనున్నారు. ఆ సొమ్ముతో ఉచిత సిలిండర్లు తీసుకుంటారా? లేదంటే.. ఆ డబ్బును ఇతరత్రా అవసరాలకు వాడుకుని.. సిలిండర్లను డబ్బు పెట్టి కొంటారా? అన్నది లబ్ధిదారుల ఇష్టానికే వదిలేయాలని తేల్చింది.

ఇక వచ్చే నెలలో పాఠశాలలు తెరిచే లోగానే తల్లికి వందనం పథకానికి సంబంధించిన సొమ్ములను లబ్ధిదారులకు అందజేస్తామని చంద్రబాబు తెలిపారు. ఈ నిధులను పిల్లల తల్లిదండ్రుల ఖాతాల్లో నేరుగా జమ చేయనున్నట్లుగా నిర్ణయం తీసుకున్నారు. ఇక మరో కీలక పథకం అయిన అన్నదాతా సుఖీభవ పథకాన్ని కూడా వచ్చే నెలలోనే ప్రారంభించాలని బాబు తీర్మానించారు. కేంద్రం విడుదల చేసే నిధులతో కలిపి రాష్ట్ర వాటాలను రైతుల ఖాతాల్లో జమ చేయాలని నిర్ణయించారు.

ఇక ఏటా నిర్వహించే పార్టీ పండుగ మహానాడుపై సుదీర్ఘ చర్చ జరిగింది. కడప నగర సమీపంలో సీకే దిన్నెలో ఈ ఏడాది మహానాడు నిర్వహిస్తున్న సంగతి తెలిసిందే. 3 రోజుల పాటు వేడుకగా జరగనున్న ఈ కార్యక్రమానికి సంబంధించిన ఏర్పాట్లపై పొలిట్ బ్యూరో చర్చించింది. అంతేకాకుండా ఆపరేషన్ సిందూర్ ను విజయవంతంగా చేపట్టిన భారత సైన్యానికి ప్రత్యేక అభినందనలు తెలిపింది. ఆపరేషన్ సిందూర్ దిగ్విజయమైన తీరుపై ఈ నెల 15,16,17 తేదీల్లో రాష్ట్రవ్యాప్తంగా తిరంగా ర్యాలీలు నిర్వహించాలని తీర్మానించింది. ఇక టాలీవుడ్ అగ్ర నటుడు, టీడీపీ సీనియర్ నేత, హిందూపురం ఎమ్మెల్యే నందమూరి బాలకృష్ణకు ఇటీవలే పద్మ భూషణ్ అవార్డు రాగా… ఆయనను పొలిట్ బ్యూరో ప్రత్యేకంగా అభినందించింది.

This post was last modified on May 15, 2025 11:06 am

Share

Recent Posts

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

6 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

7 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

8 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

9 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

9 hours ago

న్యాయ వ్యవస్థకు సవాలుగా మారిన ఖాళీ కుర్చీలు

న్యాయం కోసం కోర్టు మెట్లు ఎక్కిన సామాన్యుడికి తీర్పు ఎప్పుడు వస్తుందో తెలియని పరిస్థితి నెలకొంది. కేసు నమోదు చేసినప్పటి…

10 hours ago