Political News

రంగంలోకి ప‌వ‌న్‌.. ఆ ఎమ్మెల్యేల‌కు ‘క్లాసే’?

డిప్యూటీ సీఎం ప‌వ‌న్ క‌ల్యాణ్‌.. ఏదైనా చెబితే అది జ‌రిగేలా ప‌క్కా ప్లాన్ చేసుకుంటున్నారు. కానీ, ఎందుకో కానీ.. ఆయ‌న చెప్పిన వాటిలో కొన్ని మాత్ర‌మే జ‌రుగుతున్నాయి. వీటిలో కీల‌క‌మైంది.. కాకినాడ సీపోర్టులో అప్ప‌ట్లో నిలిపి ఉంచిన విదేశీ షిప్పు. ‘సీజ్ ది షిప్‌’ అని ప‌వ‌న్ ఆదేశించినా.. సీజ్ చేయ‌లేక‌పోయారు. ఇది ఇప్ప‌టికీ సోష‌ల్ మీడియాలో చ‌ర్చ‌గానే ఉంది. ఇక‌, మ‌రో కీల‌క‌మైన ఆదేశం.. ర‌హ‌దారుల బాగుచేత‌. రాష్ట్ర వ్యాప్తంగా అన్ని ర‌హ‌దారుల‌ను ముఖ్యంగా పంచాయ‌తీ స్థాయిలో బాగు చేస్తామ‌న్నారు.

వైసీపీ హ‌యాంలో ర‌హ‌దారుల‌ను ప‌ట్టించుకోలేద‌ని.. సో.. ఇప్పుడు తాము బాగు చేస్తున్నామ‌ని కూడా ప‌వ న్ క‌ల్యాణ్ చెప్పుకొచ్చారు. ఈ క్ర‌మంలోనే గ్రామీణ , పంచాయ‌తీ, గిరిజ‌న ప్రాంతాల‌కు చెందిన ర‌హ‌దారులను తిరిగి నిర్మించ‌డం లేదా.. బాగు చేయ‌డం.. అస‌లు లేనిచోట కొత్త‌వాటిని నిర్మించ‌డం అనే కాన్సెప్టు ను పెట్టుకున్నారు. దీనికి సంబంధించి సంక్రాంతి పండుగను టార్గెట్‌గా పెట్టుకుని ఇదే ప్ర‌క‌ట‌న కూడా చేశారు. సంక్రాంతి నాటికి అన్ని ప‌నులు పూర్తి అవుతాయ‌ని కూడా ప్ర‌క‌టించారు.

కానీ, తాజాగా ప‌వ‌న్ క‌ల్యాణ్ చేసిన రివ్యూలో.. రాష్ట్ర వ్యాప్తంగా అన్ని గ్రామాలు, పంచాయ‌తీలు, గిరిజ‌న ఆవాసాలు ఉన్న ప్రాంతాల్లో 30 శాతం ప‌నులు మాత్ర‌మే పూర్త‌య్యాయి. వాస్త‌వానికి ఆయా ర‌హదారుల నిర్మాణానికి నిధులు కేటాయించారు. ఈ బాధ్య‌త‌ల‌ను స్థానిక ఎమ్మెల్యేల‌కు అప్ప‌గించారు. దీంతో ప‌నులు వేగంగా సాగుతాయ‌ని లెక్కలు కూడా వేసుకున్నారు. కానీ, ఇప్ప‌టి వ‌ర‌కు ప‌నులు ముందుకు సాగ‌లేదు. దీంతో పెట్టుకున్న సంక్రాంతి ల‌క్ష్యం ప‌క్క‌కు తొల‌గిపోయింది.

దీనిపైనే ప‌వ‌న్ దృష్టి పెట్టారు. ఇచ్చిన నిధులు 2672 కోట్లు.. స‌రిపోలాదా? లేక‌.. ప‌నులు ఆగిపోయాయా? ఎవ‌రైనా ఆపారా? అన్న‌ది ఆయ‌న చ‌ర్చించారు. ఈ క్ర‌మంలో కొంద‌రు ఎమ్మెల్యేల వ్య‌వ‌హార శైలిపై అధి కారులు ఫిర్యాదులు చేసిన‌ట్టు స‌మాచారం. కాంట్రాక్ట‌ర్ల విష‌యంలో వారు జోక్యం చేసుకోవ‌డం.. ప‌నుల నిలిపివేత‌.. సొంతానికి ర‌హ‌దారులు నిర్మించుకోవ‌డం వంటివి వెలుగు చూసిన‌ట్టు తెలిసింది. దీనిపై ఆర్ అండ్ బీ అధికారులు పెద్ద నివేదికే ఇచ్చార‌ని తెలిసింది. ఆ వెంట‌నే ఈ వ్య‌వ‌హారంపై సీరియ‌స్ అయిన‌.. ప‌వ‌న్‌.. సీఎం చంద్ర‌బాబు ముందు పెట్టి స‌ద‌రు ఎమ్మెల్యేల‌కు క్లాస్ తీసుకోవాల‌ని నిర్ణ‌యించిన‌ట్టు స‌మాచారం. మ‌రి ఏం జ‌రుగుతుందో చూడాలి.

This post was last modified on January 24, 2025 9:34 pm

Share

Recent Posts

`క‌రువు`లో ఉన్నాం.. 30 వేల కోట్లివ్వండి

తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేప‌థ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…

9 minutes ago

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

1 hour ago

వైసీపీ ట్రాప్‌.. చిక్కుకుపోయిన టీడీపీ..?

రాష్ట్ర వ్యాప్తంగా కాదుకానీ.. ప్ర‌స్తుతం జ‌రుగుతున్న గ్రామ పంచాయ‌తీ ఎన్నిక‌ల విష‌యంలో వైసీపీ స్థానిక నేత‌లు ప‌న్నిన వ్యూహానికి టీడీపీ…

4 hours ago

అస‌దుద్దీన్ నేతృత్వంలో కొత్త `కూట‌మి`

దేశంలో ప్ర‌స్తుతం జాతీయ స్థాయిలో రెండు కూట‌ములు కొన‌సాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూట‌ములు ఉన్నాయి.…

6 hours ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

8 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

9 hours ago