Movie News

సైకో క్యారెక్టర్ పడిందా.. చెలరేగిపోతాడు

ఎస్.జె.సూర్య అంటే ఒకప్పుడు వాలి, ఖుషి లాంటి బ్లాక్‌బస్టర్స్ తీసిన దర్శకుడే గుర్తుకు వచ్చేవాడు. కానీ గత దశాబ్ద కాలంలో అతడిలోని ఫిలిం మేకర్ వెనక్కి వెళ్లిపోయి.. నటుడు హైలైట్ అయ్యాడు. ‘నాని’ సినిమాను తమిళంలో తీయాలనుకున్నపుడు అజిత్ నిరాకరించడంతో అనుకోకుండా తనే లీడ్ రోల్ చేశాడు సూర్య.

తెలుగులో డిజాస్టర్ అయిన ఆ చిత్రం.. తమిళంలో మాత్రం సూపర్ హిట్ అయిపోయింది. నటుడిగా సూర్యకు మంచి పేరొచ్చింది. ఆ తర్వాత వేరే దర్శకుల కళ్లు అతడిపై పడ్డాయి. ఈ క్రమంలో అతడి నుంచి కొన్ని సెన్సేషనల్ పెర్ఫామెన్సెస్ వచ్చాయి.

అందులో ‘ఇరైవి’లో చేసిన దర్శకుడి పాత్ర ఒకటి. ఆ తర్వాత విలన్ పాత్రలతో అతను చెలరేగిపోయాడు. ‘స్పైడర్’ డిజాస్టర్ అయినా.. అందులో సూర్య చేసిన సైకో విలన్ పాత్ర ఎంత పాపులర్ అయిందో తెలిసిందే.

తమిళంలో సూర్యకు సైకో క్యారెక్టర్ పడిన ప్రతిసారీ అతను చెలరేగిపోయాడు. నెంజం మరప్పదిల్లై, మానాడు లాంటి సినిమాల్లో సూర్య నటన గురించి ఎంత చెప్పినా తక్కువే. ఒకప్పుడు ప్రకాష్ రాజ్ కెరీర్ ఆరంభంలో ఆయన సైకో విలన్ పాత్రలు వేస్తే భలే అనిపించేది.

ఇప్పుడు సూర్య విషయంలోనూ ప్రేక్షకులు అలాగే ఫీలవుతున్నారు. కొంచెం తేడాగా ప్రవర్తించే పాత్ర పడితే.. సూర్య శైలికి బాగా నప్పుతోంది. ‘సరిపోదా శనివారం’లోనూ సైకో తరహా పాత్రే చేశాడు సూర్య. తన అన్న ఆస్తి విషయంలో చేసిన మోసానికి కోపం వచ్చినపుడల్లా సోకుల పాలెం అనే ఊర్లోకి వెళ్లి అమాయకులను తీసుకొచ్చి చిత్రహింసలు పెట్టే పాత్ర చేశాడు సూర్య.

తన పైశాచికత్వం చూపించే సన్నివేశాల్లో సూర్య చెలరేగిపోయాడు. సినిమాలో సూర్య కనిపించిన ప్రతిసారీ ప్రేక్షకులు అలెర్టవుతారు. ఆసక్తిగా ఆ సన్నివేశాలను ఫాలో అవుతారు. ఆరంభం నుంచి చివరి వరకు అదిరే పెర్ఫామెన్స్‌తో నాని లాంటి పెర్ఫామర్‌ను కూడా డామినేట్ చేయగలిగాడు సూర్య. ఈ సినిమా తర్వాత సూర్య కోసం మరిన్ని సైకో క్యారెక్టర్లు తయారైతే ఆశ్చర్యం లేదు.

This post was last modified on August 29, 2024 10:40 pm

Share
Show comments
Published by
Satya
Tags: Sj Surya

Recent Posts

సప్తగిరి పక్కన హీరోయిన్ గా ఒప్పుకోలేదా…

ఈ రోజుల్లో స్టార్ హీరోల పక్కన సరైన హీరోయిన్లను సెట్ చేయడమే కష్టమవుతోంది. మన దగ్గర బోలెడంతమంది హీరోలున్నారు. కానీ…

6 hours ago

18న ఢిల్లీకి బాబు… అజెండా ఏంటంటే?

టీడీపీ అధినేత, ఏపీ సీఎం నారా చంద్రబాబునాయుడు ఈ నెల 18న (మంగళవారం) దేశ రాజధాని ఢిల్లీ పర్యటనకు వెళ్లనున్నారు.…

7 hours ago

మహిళలకు కూటమి అదిరే గిఫ్ట్!… అగ్రి ప్రోడక్ట్స్ కూ బూస్టే!

ఏపీ మహిళలకు రాష్ట్రంలోని కూటమి సర్కారు ఓ అదిరిపోయే బహుమానాన్ని అందించింది. రాష్ట్రంలోని డ్వాక్రా మహిళలు పండించిన వ్యవసాయ, వ్యవసాయేతర…

8 hours ago

షాకింగ్‌: ద‌స్త‌గిరి భార్య‌పై దాడి.. చంపుతామ‌ని బెదిరింపు!

వైసీపీ అధినేత జ‌గ‌న్ చిన్నాన్న వైఎస్ వివేకానంద‌రెడ్డి దారుణ హ‌త్య‌లో అభియోగాలు ఎదుర్కొంటూ..అప్రూవ‌ర్‌గా మారిన షేక్ ద‌స్త‌గిరి భార్య షాబానాపై…

9 hours ago

విజయ్ దేవరకొండ అన్నయ్యగా సత్యదేవ్ ?

రౌడీ బాయ్ విజయ్ దేవరకొండ కెరీర్ లో అత్యంత భారీ బడ్జెట్ తో రూపొందుతున్న ప్యాన్ ఇండియా మూవీ కింగ్…

9 hours ago

ఎంపీ డీకే ఇంట్లోకి ఆగంతకుడు… కానీ చోరీ జరగలేదు

బీజేపీ జాతీయ ఉపాధ్యక్షురాలు, మహబూబ్ నగర్ ఎంపీ డీకే అరుణ ఇంటిలోకి ఓ ఆగంతకుడు ప్రవేశించిన విషయం ఆదివారం హైదరాబాద్…

10 hours ago