నాని కెరీర్ లోనే అత్యధిక అంచనాలు మోస్తున్న సినిమాగా సరిపోదా శనివారం థియేటర్లలో అడుగు పెట్టేసింది. కేవలం తన అభిమానులే కాకుండా సగటు సినీ ప్రియులు, ఇండస్ట్రీ వర్గాలు దీని గురించే ఆసక్తిగా ఎదురు చూస్తున్నాయి. అమెరికా ప్రీమియర్ల నుంచే పాజిటివ్ రిపోర్ట్స్ రావడం శుభ సంకేతం. ఇక్కడ కూడా అదే తరహా స్పందన దక్కితే నానికి మరో బ్లాక్ బస్టర్ పడ్డట్టే. దసరా, హాయ్ నాన్న తర్వాత హ్యాట్రిక్ హిట్ కోసం ఫ్యాన్స్ గట్టి నమ్మకం పెట్టుకున్నారు. మొదటి రోజు అడ్వాన్స్ బుకింగ్స్ చాలా ఆశాజనకంగా ఉండటమే కాక ప్రీమియం స్క్రీన్లన్నీ ముందస్తుగానే హౌస్ ఫుల్ కావడం విశేషం.
సుమారు నలభై కోట్లకు పైగా బ్రేక్ ఈవెన్ టార్గెట్ పెట్టుకున్న సరిపోదా శనివారంకు హిట్ టాక్ వస్తే దాన్ని అందుకోవడం కష్టమేమీ కాదు. పైగా మొన్న ఆగస్ట్ 15 వచ్చిన మిస్టర్ బచ్చన్, డబుల్ ఇస్మార్ట్ లాంటి పెద్ద సినిమాలు నిరాశ పరచడంతో మాస్ ఆడియన్స్ చూపంతా నాని మూవీ మీదే ఉంది. యుఎస్ మొదటి రోజే అర మిలియన్ దాటే అవకాశాలు పుష్కలంగా ఉన్నాయి. ఈ చిత్రం గురించి ఇంత చర్చ జరిగేందుకు మరో కారణం ఉంది. ఇది కనక అంచనాలు అందుకోగలిగితే నాని టయర్ 1 హీరోలకు దగ్గరవుతాడు. నిర్మాణంలో ఉన్న వాటి బడ్జెట్ మీద మరింత భరోసా దక్కుతుంది.
ఊపిరి తీసుకుంటున్నాడా లేడా అనిపించే రేంజ్ లో నాని చేసిన విస్తృత్ర ప్రమోషన్లు సరిపోదా శనివారంకు ఉపయోగపడుతున్నాయి. మన సినిమాలను అంతగా పట్టించుకోని తమిళనాడులో సైతం ఈసారి పాజిటివ్ వైబ్స్ తెలుస్తున్నాయి. కోలీవుడ్ దత్త పుత్రుడు అంటూ నానిని ఓన్ చేసుకునే ప్రయత్నం సోషల్ మీడియాలో కనిపిస్తోంది. తనతో పాటు ప్రియాంక మోహన్, ఎస్జె సూర్యల ఇమేజ్ మార్కెట్ పరంగా ఉపయోగపడుతోంది. ఇన్ని సానుకూలతలు మధ్య సరిపోదా శనివారం కనక హిట్ టాక్ అందుకునే టాలీవుడ్ బాక్సాఫీస్ భారంగా ఎదురు చూస్తున్న మాస్ బొమ్మ కరువు తీరిపోయినట్టే. చూద్దాం.
This post was last modified on August 29, 2024 10:00 am
ఒకప్పుడు వేసవి సీజన్ అంటే పెద్ద హీరోల సినిమాలతో కళకళలాడిపోయేది. కానీ గత కొన్నేళ్లుగా పరిస్థితులు మారిపోయాయి. ముందు పెద్ద…
బాలీవుడ్ సూపర్ స్టార్లలో ఇప్పుడు అత్యంత గడ్డు పరిస్థితులు ఎదుర్కొంటున్నది సల్మాన్ ఖానే. ఆయన నిఖార్సయిన బ్లాక్బస్టర్ కొట్టి దశాబ్దం…
త్రివిక్రమ్ శ్రీనివాస్ దర్శకత్వంలో వెంకటేష్ హీరోగా రూపొందుతున్న 'ఆదర్శ కుటుంబం' షూటింగ్ మంచి స్వింగ్ లో ఉంది. ముందుగా తీసుకున్న…
మరీ డెడ్ డ్రైగా మారిపోయిన తెలుగు రాష్ట్రాల థియేటర్లు పెద్ద సినిమాలు లేక అల్లాడిపోతున్నాయి. రెండు మూడు రోజులు ప్రమోషన్లతో…
తెలంగాణను ప్రత్యేక రాష్ట్రంగా సాధించుకునేందుకు కొనసాగిన ఉద్యమం కొత్త పుంతలు తొక్కింది. యావత్తు తెలంగాణ వేదికగా సాగిన ఈ ఉద్యమంలో…
``రాజకీయ నేతలు.. ప్రజల కోసం పనిచేసేది తక్కువ.. సెక్స్ వీడియోలు చూసేది ఎక్కువ. కావాలంటే.. నా ఫోన్ సహా.. రాష్ట్రంలోని…