ఈ శుక్రవారం రిలీజ్ కాబోతున్న తమిళ అనువాద చిత్రం ‘భారతీయుడు-2’కు తెలంగాణ ప్రభుత్వం టికెట్ రేట్లు పెంచుకునే అవకాశం కల్పించడం చర్చనీయాంశం అవుతోంది. కమల్ హాసన్, శంకర్లకు తెలుగులో కూడా మంచి క్రేజ్ ఉన్న మాట వాస్తవం. ‘భారతీయుడు’ లాంటి సెన్సేషనల్ మూవీకి సీక్వెల్ కాబట్టి ‘భారతీయుడు-2’ మీద ప్రేక్షకుల్లో అంచనాలుంటాయన్నది వాస్తవం. కానీ ఎంతైనా ఇది ఒక డబ్బింగ్ మూవీ అనే విషయం మరిచిపోకూడదు.
తెలుగు సినిమా కాదు. పర భాష నుంచి వచ్చిన చిత్రానికి కూడా రేట్లు పెంచాలా అన్నది ఇప్పుడు చర్చనీయాంశం అవుతున్న పాయింట్. ఇక్కడ ప్రస్తావించాల్సిన ముఖ్యమైన పాయింట్ ఏంటంటే.. ఇండియన్-2 ఒరిజినల్గా తెరకెక్కింది తమిళంలో అయితే.. తమిళనాట ఆ సినిమాకు పెట్టిన రేట్లతో పోలిస్తే తెలంగాణలో 80 శాతం అధిక ధరలు ఉన్నాయి.
తమిళనాట మల్టీప్లెక్సుల్లో కూడా టికెట్ ధర రూ.190 మాత్రమే. నార్మల్ సింగిల్ స్క్రీన్లలో రేటు రూ.150. ప్రీమియం సింగిల్ స్క్రీన్లలో మల్టీప్లెక్సులతో సమానంగా ధర ఉంది. అక్కడ తెలుగు రాష్ట్రాల్లో మాదిరి పెద్ద సినిమాలకు రేటు పెంచుకునే సంప్రదాయం లేదు. నార్మల్ రేట్లతోనే రిలీజ్ చేస్తారు. ‘ఇండియన్-2’ భారీ బడ్జెట్ మూవీ అయినా రూ.190, రూ.150 రేట్లతోనే రిలీజవుతోంది. కానీ తెలంగాణలోని మల్టీప్లెక్సుల్లో రూ.350, సింగిల్ స్క్రీన్లలో రూ.225 రేటుతో చూడాల్సిన పరిస్థితి.
మామూలుగానే ఇక్కడ తమిళనాడుతో పోలిస్తే రేట్లు ఎక్కువ. మల్టీప్లెక్సుల్లో రూ.295, సింగిల్ స్క్రీన్లలో 175 పెట్టాలి. అవే ఎక్కువ రేట్లు అంటే.. వాటి మీద అదనపు రేట్లు ఇచ్చారు. ఒక తమిళ సినిమాను తమిళులు రూ.200 లోపు రేటుతో చూస్తుంటే మనం మాత్రం రూ.350 పెట్టాల్సి రావడం విడ్డూరం. మన ప్రేక్షకుల సినిమా పిచ్చిన క్యాష్ చేసుకోవడం కాక ఇది మరేంటి అనే ప్రశ్నలు తలెత్తుతున్నాయి.
This post was last modified on July 11, 2024 6:21 pm
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…