ప్రభాస్ ఊరిస్తోంది దేని గురించంటే

ఒక్క చిన్న ఇన్స్ టా పోస్ట్ తో ప్రభాస్ సోషల్ మీడియాని ఊపేస్తున్నాడు. హలో డార్లింగ్స్ చివరికి చాలా ప్రత్యేకం అనిపించే ఒకరు మన జీవితాల్లోకి అడుగు పెట్టబోతున్నారు, వెయిట్ చేయండని పెట్టిన కొన్ని నిమిషాలకే విపరీతంగా వైరల్ కావడం మొదలయ్యింది. కొన్ని న్యూస్ ఛానల్స్ ఏకంగా ఇది తన పెళ్లి గురించేనని అతి త్వరలో జీవిత భాగస్వామిని పరిచయం చేయబోతున్నాడంటూ చిత్ర విచిత్రమైన విశ్లేషణలతో లైవ్ షోలు షురూ చేశారు. నిజానికి ప్రభాస్ అందులో పెళ్లికి సంబంధించిన క్లూ ఇచ్చినట్టు అనిపిస్తున్నా విశ్వసనీయ సమాచారం మేరకు అదేమీ కాదని తెలిసింది.

అసలు విషయం ఏంటంటే కల్కి 2898 ఎడి ప్రమోషన్లకు టైం వచ్చింది. ఇంకో నలభై రోజులు మాత్రమే ఉన్న నేపథ్యంలో రోజుకో అప్డేట్ లేదా పబ్లిసిటీ కంటెంట్ తో ప్రేక్షకులకు రెగ్యులర్ టచ్ లో ఉంటేనే ఓపెనింగ్స్ కి చాలా బూస్ట్ అవుతుంది. ప్రభాస్ ప్రత్యేకంగా ఎలాంటి హడావిడి చేయకపోయినా రికార్డులు బద్దలవుతాయి కానీ కల్కి విషయంలో కొంత ప్రత్యేక శ్రద్ధ అవసరం. అందుకే పక్కా ప్లాన్ ప్రకారం వెళ్తున్నారు. ఇక్కడో లాజిక్ మిస్ కాకూడదు. ప్రభాస్ నిజంగా పెళ్లి గురించి కబురు చెప్పాలంటే ఇన్స్ టా ద్వారా కాదు, మరో రూపంలో మరో సందర్భం చూసి గుడ్ న్యూస్ చెబుతాడు.

సో కల్కి వేడిలో ఎలాంటి వ్యక్తిగత ముచ్చట్లు ఉండవని మర్చిపోకూడదు. ప్రభాస్ చెప్పబోయేది సినిమాకు సంబంధించిన కీలక అప్డేట్ లేదా మెయిన్ టీజర్ గురించని ఇన్ సైడ్ టాక్. ఇది కాసేపు పక్కనపెడితే సిరివెన్నెల సీతారామశాస్త్రి గారి మీద ఈటీవీ రూపొందించిన ప్రత్యేక కార్యక్రమంలో ప్రభాస్ ఒక ఇంటర్వ్యూకు అతిధిగా వెళ్ళాడు. చక్రంలో పాటతో పాటు సాహిత్యానికి సంబంధించిన కబుర్లు పంచుకున్నాడు. ఈ ఎపిసోడ్ త్వరలో ప్రసారం కానుంది. ఇన్స్ టా కన్నా ఇది ఆసక్తికరంగా ఉండేలా ఉంది. ఏదైతేనేం మొత్తానికి ప్రభాస్ ఈ రోజు హాట్ టాపిక్ అఫ్ ది సోషల్ మీడియాగా మారిపోయింది నిజం.