పవర్ స్టార్ పవన్ కళ్యాణ్ దర్శకుడు హరీష్ శంకర్ కాంబోలో తెరకెక్కుతున్న ఉస్తాద్ భగత్ సింగ్ నుంచి కొత్త టీజర్ రానుందనే వార్త నిన్నటి నుంచే ఫ్యాన్స్ లో కొత్త ఉద్వేగాన్ని నింపింది. ప్రైమ్ లాంచ్ ఈవెంట్ సందర్భంగా దీన్ని ప్లాన్ చేశారనే టాక్ వచ్చినా మొత్తానికి అభిమానులు కోరుకోని స్పెషల్ సర్ప్రైజ్ దక్కింది. ఎన్నికలు, జనసేన కార్యకలాపాల కోసం షూటింగ్ నుంచి పవన్ బ్రేక్ తీసుకున్నా తీసిన కొంత భాగంలోనే ఊర మాస్ కంటెంట్ రాబట్టుకున్నాడు హరీష్. గతంలో వదిలిన దానికి ఎక్స్ టెన్షన్ లా అనిపించినా అంతకు మించిన మసాలా అయితే దీంట్లోనే కనిపించింది.
కథకు సంబంధించిన క్లూస్ పెద్దగా ఇవ్వలేదు. లక్ష్మి నరసింహస్వామి రథం లాగుతుండగా కొందరు విద్రోహ శక్తులు అరాచకం చేయాలని చూడటం, వాటిని భగత్ సింగ్ అడ్డుకునే వైనం, పాతబస్తీ లాంటి ప్రాంతంలో ముస్లింల మధ్య కొందరు చిచ్చు పెట్టేందుకు ప్రయత్నిస్తే వాళ్ళను కత్తి పట్టుకుని వేటాడ్డం ఇలా పవర్ ఫుల్ విజువల్స్ తో నింపేశారు. గాజు గ్లాసుని చులకనగా మాట్లాడిన గుండాకు వార్నింగ్ ఇస్తూ గాజు పగిలేకొద్దీ పదునెక్కుద్ది, గ్లాస్ అంటే కనిపించని సైన్యం అంటూ చెప్పే డైలాగుల్లో పొలిటికల్ కౌంటర్లు కూడా ఉన్నాయి. ఖాకీ, పంచె రెండు గెటప్స్ లో పవన్ ని చూపించాడు.
ఈ లెక్కన తేరి రీమేక్ అయినా సరే గబ్బర్ సింగ్ తరహాలో ఒరిజినల్ ని మించేలా హరీష్ శంకర్ చాలా కీలకమైన మార్పులు చేసినట్టు టీజర్ చూస్తేనే అర్థమైపోతుంది. ఈ వీడియోలో చూపించిన ఫైట్ ఎపిసోడ్స్ విజయ్ వెర్షన్ లో లేవు. కొత్తగా రాసుకున్నాడు. ఇదే తరహాలో కేవలం మెయిన్ పాయింట్ ని మాత్రమే తీసుకుని కొత్త ఫీల్ ఇస్తానని హరీష్ ముందు నుంచి చెబుతూనే వచ్చారు. దేవిశ్రీ ప్రసాద్ సంగీతం సమకూరుస్తున్న ఉస్తాద్ భగత్ సింగ్ లో శ్రీలీల హీరోయిన్ గా నటిస్తోంది. ఒక ఫ్రేమ్ లో ఆమెనీ రివీల్ చేశారు. విడుదల తేదీ తేలాలంటే ఎలక్షన్లు అయ్యాకే ఆశించవచ్చు.
This post was last modified on March 19, 2024 5:48 pm
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…