నాలుగు దశాబ్దాలుగా హిందీ సినిమాల్లో అద్భుతమైన పాత్రలతో అలరిస్తూ వస్తున్నారు లెజెండరీ నటుడు అనిల్ కపూర్. ఒకప్పుడు ‘మిస్టర్ ఇండియా’ లాంటి చిత్రాలతో యువతను ఒక ఊపు ఊపిన ఆయన.. ఇప్పుడు క్యారెక్టర్, నెగెటివ్ రోల్స్తో అదరగొడుతున్నారు. ‘నైట్ మేనేజర్’ వెబ్ సిరీస్లో అనిల్ విలనీకి.. ‘యానిమల్’లో తండ్రి పాత్రలో ఆయన చూపించిన అభినయానికి ఫిదా అవ్వని వారుండరు.
లేటు వయసులో అదిరిపోయే పాత్రలతో సాగిపోతున్న అనిల్ కపూర్.. ఇండియన్ సినిమా అంతా ఒక్కటే అని.. ఇక బాలీవుడ్, టాలీవుడ్, కోలీవుడ్ అని సంబోధించడం మానేయాలని అంటున్నారు. దక్షిణాది సినిమాలపై ఆయన ఒక ఇంటర్వ్యూలో ప్రశంసల జల్లు కురిపించారు. తన ఎదుగుదల సౌత్ సినిమాల నుంచే మొదలైందని ఆయన అన్నారు.
తెలుగులో బాపు దర్శకత్వంలో ‘వంశవృక్షం’, కన్నడలో మణిరత్నం డైరెక్షన్లో ‘పల్లవి అనుపల్లవి’ లాంటి సినిమాలు చేసి మంచి గుర్తింపు సంపాదించాడు అనిల్. ఆ తర్వాత ఆయన బాలీవుడ్లో హీరోగా మంచి స్థాయికి ఎదిగారు. ఈ నేపథ్యంలో సౌత్ ఇండస్ట్రీని అనిల్ కొనియాడాడు.
“నాకు దక్షిణాది సినిమాలంటే చాలా ఇష్టం. నేను అక్కడి నుంచే నటుడిగా ఎదిగాను. ఆ తర్వాత దక్షిణాది చిత్రాల రీమేక్ల్లో నటించి బాలీవుడ్లో నిలదొక్కుకున్నాను. సౌత్లో అద్భుతమైన కథలు వస్తుంటాయి. ఇప్పుడు బాహుబలి, ఆర్ఆర్ఆర్, కేజీఎఫ్, పుష్ప లాంటి దక్షిణాది సినిమాలు దేశవ్యాప్తంగా అద్భుత విజయం సాధించాయి. అవి దేశాన్ని ఏకం చేశాయి. ఇక బాలీవుడ్ వెర్సస్ టాలీవుడ్ లాంటి మాటలు సరికాదు. భారతీయ సినిమాలను వేరు చేయకండి. అన్ని సినిమాలనూ కలిపి ఇండియన్ సినిమాగా చూడండి” అని అనిల్ స్పష్టం చేశాడు.
మా ఇంటి బంగారం కథ ముందుగా సాయిపల్లవి దగ్గరికి వెళ్లిన సంగతి సమంత స్వయంగా ఇంటర్వ్యూలో చెప్పాక బయటికి వచ్చింది.…
స్టార్ అన్న గుర్తింపు తెచ్చుకోలేకపోయి ఉండొచ్చు కానీ.. తమిళ, తెలుగు భాషల్లో సీనియర్ నటుడు ఆనంద్కు మంచి గుర్తింపే ఉంది.…
తప్పు చేసింది కేంద్ర ప్రభుత్వం. తన తప్పును ఏమాత్రం పట్టించుకోని కేంద్రం… విద్యార్థులు చేసిన చిన్నపాటి తప్పులకూ పెద్ద శిక్షలేసింది.…
ఇటీవలే విడుదలైన బాలీవుడ్ మూవీ 'మై వాపస్ ఆవుంగా'కు తొలి రోజు రివ్యూలు ఏమంత ఆశాజనకంగా లేవు. పబ్లిక్ టాక్…
సాయిధరమ్ తేజ్ హీరోగా రెండేళ్ల ముందు మొదలైన సినిమా.. సంబరాల యేటిగట్టు. తన మార్కెట్ స్థాయికి మించి పెద్ద బడ్జెట్లో…
పెద్ది మొదటి రెండు వారాలు బాగా సందడి చేసి కలెక్షన్ల వర్షం కురిపించాక మళ్ళీ దాన్ని కొనసాగించే సినిమా ఏది…