ప్రస్తుతం తెలుగు సినిమాల్లో కామెడీ రూపు రేఖలే మారిపోయాయి. బ్రహ్మానందం తరం కమెడియన్లు.. ఆ తరహా కామెడీ ఇప్పుడు వర్కవుట్ కావడం లేదు. కామెడీని కొత్తతరం ఆర్టిస్టులు టేకోవర్ చేశారు. వెన్నెల కిషోర్, రాహుల్ రామకృష్ణ, సత్య లాంటి ఆర్టిస్టులు చేసే సటిల్ కామెడీనే ఈ తరం ప్రేక్షకులు ఎక్కువ ఇష్టపడుతున్నారు.
ఈ వరుసలో చెప్పుకోదగ్గ మరో పేరు.. అభినవ్ గోమఠం. ఈ యువ నటుడి ప్రస్తావన తేగానే అందరికీ గుర్తుకొచ్చే సినిమా పేరు.. ఈ నగరానికి ఏమైంది? అందులో మేజర్ హైలైట్ అభినవ్ కామెడీనే. అతను చెప్పిన డైలాగులు, తన హావభావాలు.. మీమ్ మెటీరియల్స్గా మారిపోయి.. సోషల్ మీడియాలో తిరుగుతూనే ఉంటాయి.
అభినవ్ డైలాగుల్లో అత్యంత పాపులర్ అయింది.. ‘మస్ట్ షేడ్స్ ఉన్నాయిరా’ అనే మాటే. ఎవరైనా ఒక్కోసారి ఒక్కో మాట మాట్లాడుతుంటే.. ‘మస్త్ షేడ్స్ ఉన్నాయిరా’ అనే మీమ్ వేస్తుంటారు సోషల్ మీడియా జనాలు. ఇప్పుడు ఈ మాటే సినిమా టైటిల్గా మారిపోయింది. ఆ పేరుతో రాబోతున్న సినిమాలో అభినవ్ గోమఠంయే హీరో కావడం విశేషం. ఈ రోజే ఒక ఇంట్రెస్టింగ్ పోస్టర్తో ఈ సినిమాను అనౌన్స్ చేశారు.
తిరుపతి రావు అనే కొత్త దర్శకుడు ఈ చిత్రాన్ని రూపొందించనున్నాడు. ఆరెం రెడ్డి, ప్రశాంత్, భవాని కాసుల నిర్మాతలు. సంజీవ్ సంగీతం అందిస్తున్నాడు. త్వరలోనే టీజర్ రిలీజ్ కాబోతోంది. దీని గురించి హింట్ ఇస్తూ.. ‘ఫస్ట్ షేడ్ రిలీజింగ్ సూన్’ అని పోస్టర్ మీద వేశారు. గత ఏడాది ‘సేవ్ ద టైగర్స్’ వెబ్ సిరీస్తో కడుపుబ్బ నవ్వించిన అభినవ్.. హీరోగా పరిచయం కాబోతున్న తొలి చిత్రమిదే. మరి లీడ్ రోల్లో అతను ఏమేర మెప్పిస్తాడో చూడాలి.
పిల్లలు సంపద అని సీఎం చంద్రబాబు మరోసారి స్పష్టం చేశారు. తాను చెప్పిన మాటకే కట్టుబడి ఉన్నానని తెలిపారు. దీనిని…
వియత్నాంలో విహార యాత్రకు వెళ్లిన భారతీయుల కుటుంబాల్లో విషాదం నెలకొంది. ఊహించని ప్రమాదంలో చిక్కుకుని 15 మంది భారతీయులు మృతి…
తన సినిమాకు పని చేసిన టెక్నీషియన్ను ఒక నిర్మాత సైకోగా అభివర్ణించడం ఎప్పుడైనా చూశారా? సితార ఎంటర్టైన్మెంట్స్ అధినేత నాగవంశీ…
శుక్రవారం విడుదలైన లెనిన్ దూకుడు బాక్సాఫీస్ వద్ద కొనసాగుతోంది. తొలి రోజు పదమూడు కోట్లకు పైగా వసూలు చేసి శని…
ఏపీ రాజధాని అమరావతిలో శనివారం తెల్లవారు జాము నుంచి పోలీసులు అధికారులు పెద్ద ఎత్తున మోహరించారు. ఈ ప్రాంతంలో రాజధాని…
సంగీత ప్రపంచాన్ని దిగ్భ్రాంతికి గురి చేస్తూ గాన కోకిల ఎస్ జానకి చివరి శ్వాస తీసుకున్నారు. గత కొంత కాలంగా…