ఈ ఏడాది దసరా రూపంలో అతి పెద్ద మాస్ బ్లాక్ బస్టర్ అందుకున్న న్యాచురల్ స్టార్ నాని డిసెంబర్ 7న హాయ్ నాన్నగా రాబోతున్నాడు. ప్రమోషన్లు మొత్తం అంతా తానై సోలోగా నడిపిస్తూ ప్రేక్షకులకు చేరువయ్యే ప్రయత్నం చేస్తున్నాడు. వెరైటీ వీడియోలు ఇప్పటికే ఆకట్టుకోగా ట్రైలర్ మీద మంచి అంచనాలున్నాయి. అందులోనూ అనిమల్ వచ్చిన కేవలం ఆరు రోజులకే రిలీజ్ ప్లాన్ చేసుకోవడంతో పోటీ పరంగా నాన్నకు సవాల్ ఎదురు కాబోతోంది. శౌర్యువ్ దర్శకత్వం వహించిన హాయ్ నాన్న ట్రైలర్ లాంచ్ ఈవెంట్ లో నాని కాన్ఫిడెన్స్ ఈ రోజు మరోసారి బయట పడింది.
కూతురు తార(బేబీ కియారా) లోకంగా బ్రతికే నాన్న(నాని)తనకు ఏ లోటు రాకుండా ప్రాణంగా పెంచుకుంటూ ఉంటాడు. ఓసారి రోడ్డు ప్రమాదంలో పాపను ఓ అమ్మాయి(మృణాల్ ఠాకూర్)కాపాడి వీళ్లకు దగ్గరవుతుంది. రోజుకో కథ చెప్పి నిద్రపుచ్చే తండ్రిని పాప అమ్మ గురించి చెప్పమని అడుగుతుంది. అందులో భాగంగా అతని గతం మొదలవుతుంది. ప్రేమించి పెళ్లి చేసుకున్న భార్య ఇంటికి వచ్చాక జరిగిన సంఘటనలు, వచ్చిన మనస్పర్థలు, అసలు ఎలా దూరమయ్యింది లాంటి ప్రశ్నలకు సమాధానం చెప్పడం మొదలు పెడతాడు. ఈ ముగ్గురి ప్రయాణం ఏ తీరానికి చేరుకుందో కొద్దిరోజులు ఆగి చూడాలి.
దర్శకుడు శౌర్యువ్ భావోద్వేగాలను చాలా బలంగా తాకేలా హాయ్ నాన్నను రూపొందించినట్టు కనిపిస్తోంది. నాని, బేబీ కియారా, మృణాల్ మధ్య కెమిస్ట్రీ క్యూట్ గా ఉంది. వర్తమానం, గతం రెండు ఎపిసోడ్లలోనూ ఒకే హీరోయిన్ ని పెట్టడం ద్వారా చేసిన ప్రయోగం బాగుంది. హేశం అబ్దుల్ వహాబ్ బ్యాక్ గ్రౌండ్ స్కోర్ కంటెంట్ కు తగ్గట్టు ఫీల్ గుడ్ గా సాగింది. క్వాలిటీ, ఎమోషన్ ఆణువణువూ తొణికిసలాడుతున్న హాయ్ నాన్న తాను టార్గెట్ గా పెట్టుకున్న ఫ్యామిలీ ఆడియన్స్ ని బాగా కనెక్ట్ అయ్యేలా ఉన్నాడు. అంచనాలు అందుకోగలిగితే నిన్ను కోరి, జెర్సీలను మించి మరో మెమొరబుల్ మూవీ నానికి దక్కినట్టే.
This post was last modified on November 24, 2023 7:39 pm
ఏపీలో సార్వత్రిక ఎన్నికల పోలింగ్ ఉవ్వెత్తున సాగుతున్న నేపథ్యంలో టీడీపీ అధినేత చంద్రబాబు నాయుడు హర్షం వ్యక్తం చేశారు. రాష్ట్రానికి…
ఏపీలో జరిగిన సార్వత్రిక ఎన్నికలు(అసెంబ్లీ+పార్లమెంటు) ప్రశాంతంగా జరిగాయని ఎన్నికలు సంఘం చెబుతోంది. అయితే.. ప్రశాంతత కొన్ని నియోజకవర్గాలకు.. జిల్లాలకు మాత్రమే…
ఐకాన్ స్టార్ అల్లు అర్జున్ ఇటీవల ఆంధ్రప్రదేశ్లోని నంద్యాలకు వెళ్లి వైఎస్సార్ కాంగ్రెస్ అభ్యర్థి అయిన శిల్పా రవికి ప్రచారం…
ఆంధ్రప్రదేశ్ అసెంబ్లీ ఎన్నికల సందర్భంగా పలు చోట్ల అధికార వైఎస్సార్ పార్టీ నేతలు, కార్యకర్తలు దాడులకు పాల్పడ్డ ఉదంతాలు మీడియాలో…
ఎన్నికల అంకం ముగింపుకొస్తున్న తరుణంలో అందరి దృష్టి క్రమంగా సినిమాల వైపు మళ్లుతోంది. ముఖ్యంగా పవన్ కళ్యాణ్ ప్లానింగ్ ఎలా…
కీలకమైన నాలుగోదశ ఎన్నికల పోలింగ్ సమయంలో ఢిల్లీ ముఖ్యమంత్రి, ఆప్ అధినేత అరవింద్ కేజ్రీవా ల్.. సంచలన ప్రకటన చేశారు.…