ఎట్టి పరిస్థితుల్లో సంక్రాంతికి విడుదల చేయాలని నిర్మాత దిల్ రాజు కంకణం కట్టుకున్న ఫ్యామిలీ స్టార్ కి ఆ టార్గెట్ ని చేరుకోవడంలో గట్టి చిక్కులే ఎదురవుతున్నాయి. కీలకమైన ఫారిన్ షెడ్యూల్ ఒకటి పెండింగ్ ఉండిపోవడంతో దానికి సంబంధించిన పనులు వేగంగా జరగడం లేదని ఇన్ సైడ్ టాక్. ముందు బ్యాంకాక్ ప్లాన్ చేసుకున్నారు. కానీ ఇంతలో వీసాల సమస్య వచ్చిందట. అందుకే అమెరికా వెళ్లాలని చూస్తున్నారట. అయితే ఇదీ అంత తేలిగ్గా జరిగే వ్యవహారం కాదు కాబట్టి దర్శకుడు పరశురామ్ బృందం అన్ని రకాలుగా ప్రయత్నాలు చేస్తోందని వినికిడి. ఖచ్చితంగా తెలియాల్సి ఉంది.
ఒకవేళ ఈ జాప్యం ఇంకాస్త ఎక్కువైతే జనవరిలో రావడం కష్టమవుతుంది. ఫ్యామిలీ స్టార్ టీజర్ ఆ మధ్య పబ్లిక్ లోకి బాగానే వెళ్ళింది. రౌడీ హీరో మీద వచ్చిన నెగటివ్ ట్రోల్స్ కాస్తా ఐరన్ వంచాలా ఏంటి ట్రెండ్ తో పాజిటివ్ గా మారిపోయాయి. ఈ నేపథ్యంలో వీలైనంత హైప్ ని నిర్మించే క్రమంలో ఎస్విసి టీమ్ కొత్త తరహా ప్రమోషన్లు ప్లాన్ చేస్తోంది. చేతిలో కేవలం రెండు నెలల సమయం ఉంది. లక్ష్యాన్ని మిస్ కాకూడదనే ఉద్దేశంతో పరశురామ్ ప్రత్యేకంగా ఒక ఎడిటింగ్ రూమ్ ని సిద్ధం చేయించి మరీ పనులు వేగవంతం చేశాడు. ఇంకా బాలన్స్ ఉన్న షూట్ తాలూకు వర్క్ విడిగా చేయాల్సి ఉంటుంది.
ఇంత ఒత్తిడి మధ్య బిజినెస్ వ్యవహారాలు, థియేటర్ అగ్రిమెంట్లు, స్క్రీన్ల పంపకాలు, ప్రమోషన్ స్ట్రాటజీలు, ట్రైలర్ ఈవెంట్లు, ప్రీ రిలీజ్ వేడుకలు ఇలా బోలెడు వ్యవహారాలు పెండింగ్ ఉంటాయి. గుంటూరు కారం కూడా ఇంచుమిందు ఇదే స్టేజిలో ఉంది కాబట్టి వాళ్లే పూర్తి చేయగలమని అంత కాన్ఫిడెంట్ గా ఉన్నప్పుడు తామెందుకు టెన్షన్ పడాలన్నది ఫ్యామిలీ స్టార్ ఆలోచన కావొచ్చు. ఏది ఏమైనా సంక్రాంతికి విజయ్ దేవరకొండ ఖచ్చితంగా వస్తాడా రాడా అనేది పైన చెప్పిన వాటి మీద ఆధారపడేలా ఉంది. యూనిట్ సభ్యులు మాత్రం వెనక్కు తగ్గేది ఉండదనే అంటున్నారు. చూడాలి మరి.
This post was last modified on November 14, 2023 6:46 pm
యూత్ హీరో రాజ్ తరుణ్ కు మంచి హిట్టు దక్కి ఎంత కాలమయ్యిందో చెప్పడం కష్టం. సీనియర్ హీరోలతో సపోర్టింగ్…
ఎన్నికలు అయిపోయాయి. ఫలితాలు ఇంకో పద్దెనిమిది రోజుల్లో రాబోతున్నాయి. ఎవరికి వారు విజయం పట్ల ధీమాగా ఉన్నారు. అధికార పార్టీ,…
మొన్నటిదాకా టాలీవుడ్ టాప్ హీరోయిన్ గా అత్యధిక డిమాండ్ అనుభవించిన పూజా హెగ్డే కెరీర్ ప్రారంభంలో వచ్చిన ఐరన్ లెగ్…
ప్రకాశం జిల్లాలో ఆమంచి కృష్ణమోహన్ రాజకీయంగా ఒక బలమైన నాయకుడే అని చెప్పాలి. అయితే తన రాజకీయ భవిష్యత్తు కోసం…
తెలంగాణలో సికింద్రాబాద్ కంటోన్మెంట్ ఎమ్మెల్యే లాస్యనందిత రెండు ప్రమాదాలు తప్పించుకుని మూడో ప్రమాదంలో మరణించిన విషయం తెలిసిందే. నెలల వ్యవధిలో…
ప్రముఖ హీరో జూనియర్ ఎన్టీఆర్ 2003లో జూబ్లీహిల్స్ హౌసింగ్ సొసైటీలో 681 చదరపు గజాల స్థలం సుంకు గీత అనే…