బాలీవుడ్ హీరో విక్కీ కౌశల్ అన్నంతనే కొందరికి గుర్తుకు రాకపోవచ్చు. ప్రముఖ నటి కత్రినా కైఫ్ భర్త అన్నంతనే మాత్రం అందరికి గుర్తుకు వచ్చేస్తాడు ఈ యువకుడు. సినీ బ్యాక్ గ్రౌండ్ లేకుండా స్వశక్తితో పైకొచ్చిన విక్కీ కౌశల్ ప్రత్యేకత ఏమంటే.. సినిమాల్లోకి రాక ముందు ప్రముఖ నటి కత్రినాను విపరీతంగా అభిమానించి.. ఆరాధించాడు. చివరకు ఆమెనే పెళ్లి చేసుకోవటం చూసినప్పుడు అతడి స్టోరీ రీల్ కథకు ఏ మాత్రం తీసిపోని రీతిలో ఉంటుంది. తనకంటే వయసులో చిన్నవాడైన విక్కీ కౌశల్ ను ప్రేమించి పెళ్లాడారు కత్రినా.
వీరి అన్యోన్య దాంపత్యానికి నిదర్శనంగా అప్పుడప్పుడు రీల్స్ ను సోషల్ మీడియాలో షేర్ చేసుకుంటారు ఈ జంట. ఇదిలా ఉంటే.. తాజాగా దుబాయ్ లో జరిగిన ఇంటర్నేషనల్ ఇండియన్ ఫిలిం అకాడమీ అవార్డులు (ఐఫా) 2023కు సంబంధించిన మీడియా సమావేశం దుబాయ్ లో జరిగింది. ఈ సందర్భంగా చోటు చేసుకున్న పరిణామం ఇప్పుడు వైరల్ గా మారటమే కాదు.. బాలీవుడ్ కండల వీరుడు సల్మాన్ ఖాన్ తీరును అందరూ తప్పు పడుతున్నారు.
తోటి నటుడి విషయంలో మరీ ఇంత అమానుషంగా వ్యవహరించాలా? అన్నది ప్రశ్నగా మారింది. బాలీవుడ్ కు చెందిన సినీ సెలబ్రిటీలు పాల్గొన్న ఈ కార్యక్రమంలో.. చోటు చేసుకున్న అనూహ్య ఉదంతానికి సంబంధించిన చిట్టి వీడియో ఇప్పుడు వైరల్ గా మారింది. దీన్ని చూసిన వారంతా సల్మాన్ బలుపుతో వ్యవహరించారంటూ తిట్ల దండకాన్ని అందుకుంటున్నారు. ఈ ఈవెంట్ లో పాల్గొన్న బాలీవుడ్ నటుడు కమ్ కత్రినా భర్త విక్కీ కౌశల్ తన అభిమానులతో సెల్ఫీ ఫోటోలు దిగుతున్నారు. అటుగా సల్మాన్ వచ్చారు.
ఆయనతో పాటు ఉన్న సెక్యురిటీ.. ఆయన్ను ఫోటోలు తీసే ఫోటో గ్రాఫర్ తో సహా ఆయన టీం ముందకు వస్తూ.. విక్కీ కౌశల్ ను పక్కకు నెట్టేసింనత పని చేశారు. సల్మాన్ ను చూసిన విక్కీ కౌశల్.. ఏదో మాట్లాడుతున్నప్పటికి సల్మాన్ మాత్రం అతడి వంక కనీసం చూడకుండా వెళ్లిపోయారు. తోటి నటుడి విషయంలో సల్మాన్ తో పాటు.. సల్మాన్ సెక్యూరిటీ సిబ్బంది ఇంత అమర్యాదకరంగా వ్యవహరించటం ఏమిటి? అంటూ ప్రశ్నిస్తున్నారు. తోటి నటుడితో ఎలా వ్యవహరించాలో సల్మాన్ కు తెలీదా? అని ప్రశ్నిస్తున్నారు. విక్కీకి కనీసం సారీ అయినా చెప్పాల్సిందే అన్న మాట పలువురి నోట వస్తోంది. అయితే.. కత్రినా.. సల్మాన్ మధ్య చాలాకాలం ఎఫైర్ ఉందన్న వార్తలు రావటం.. ఆ తర్వాత విడిపోవటం తెలిసిందే. మనసులో ఉన్న ఈ కోపాన్ని సల్మాన్ ఈ తీరులో ప్రదర్శించారా? అన్న భావన వీడియో చూసినంతనే కలుగక మానదు.
This post was last modified on May 27, 2023 11:19 am
చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డికి పెద్ద చిక్కొచ్చి పడింది. ఈవీఎంలో ఆయన గుర్తు 2వ నెంబర్…
దర్శకుడు ఎస్వీ కృష్ణారెడ్డి తీసిన ఓ సినిమాలో నటించిన రోజా.. రంగుపడుద్ది అనే డైలాగుతో అలరించారు. అయితే..ఇప్పుడు ఆమెకు నిజంగానే…
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…