నియోజకవర్గాలకు నాయకులను ఎంపిక చేస్తున్న జగన్పై అదే నాయకుల నుంచి అనేక అనుమానాలు వ్యక్తమవుతున్నాయి. తమ ఒత్తిడితోనే జగన్ ఈ నిర్ణయాలు తీసుకుంటున్నారా ? లేక.. పార్టీ కోణంలో తీసుకుంటున్నారో అర్ధం కావడం లేదని అంటున్నారు. ప్రస్తుతం కొందరు నాయకులను నియోజకవర్గాలకు ఇంచార్జ్లుగా నియమించారు. వీరే పార్టీని ముందుకు నడిపించాలని కూడా తేల్చి చెప్పారు. పార్టీ కార్యక్రమాలు చేపట్టాలన్నారు.
ఇంత వరకు బాగానే ఉన్నా.. వచ్చే ఎన్నికల నాటికి.. అంటే మూడేళ్లపాటు పార్టీని నడిపించినా.. చివరకు టికెట్ విషయంలో పేచీ పెడితే.. తమ పరిస్థితి ఏంటన్నది నాయకుల మధ్య జరుగుతున్న చర్చ. గతంలో ఇలాంటి అనుభవాలు చాలా మందికి ఉన్నాయి. చిలకలూరిపేట నియోజకవర్గంలో పార్టీని ముందుండి నడిపించిన రాజశేఖర్కు చివరి నిమిషంలో టికెట్ లేకుండా చేశారు. చీరాలలో పార్టీకి సహకరించిన ఆమంచి కృష్ణమోహన్ పరిస్థితి కూడా అలానే ఉంది.
ఈ రెండు చోట్లే కాదు.. రాష్ట్ర వ్యాప్తంగా అనేక నియోజకవర్గాల్లో పరిస్థితి ఇలానే మారింది. దీంతో అప్పట్లో నాయకులు పార్టీ అధిష్టానంపై తీవ్రస్థాయిలో రగిలిపోయారు. కానీ, ఆల్టర్నేట్ లేకపోవడంతో సర్దుకున్నారు. కానీ, ఇప్పుడు ఆల్టర్నేట్ పార్టీలు ఉన్నాయి. అవి కూడా నాయకులను చేర్చుకునేందుకు ప్రయత్నిస్తున్నాయి. ఈ నేపథ్యంలో ఇప్పుడు తీసుకునే ప్రతి స్టెప్లోనూ జాగ్రత్తలు పాటించాలన్నది సీనియర్లు చెబుతున్న మాట. నియోజకవర్గం బాధ్యతలు ఇస్తే.. ఆయనకే టికెట్ కూడా ఇవ్వాలని కోరుతున్నారు.
ఉదాహరణకు .. వెంకటగిరి నియోజకవర్గంలో మాజీ సీఎం జనార్దన్రెడ్డికుమారుడు రాంకుమార్రెడ్డికి పార్టీ పగ్గాలు ఇచ్చారు. కానీ, ఎన్నికల వరకు ఈయనను కొనసాగిస్తారా? అనేది మిలియన్ డాలర్ల ప్రశ్నగా మారింది. గుంటూరు బాధ్యతలను పోతిన మహేష్కు ఇచ్చారు. ఈయన పరిస్థితి కూడా ఇలానే ఉంది.
సో.. దీంతో వీరు నియోజకవర్గాల్లో అంటీముట్టనట్టే వ్యవహరిస్తున్నారు. పార్టీ తమకు బలమైన భరోసా ఇస్తే తప్ప.. రూపాయి ఖర్చు విషయంలో కానీ.. పార్టీ కార్యక్రమాల విషయంలో కానీ.. దూకుడు చూపించలేమని అంతర్గతంగా చెబుతున్నారు. ఈ విషయంపైనా జగన్ దృష్టి పెట్టాల్సి ఉంది.
This post was last modified on March 14, 2026 4:25 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…