సినిమా తీయడం కన్నా ఇప్పుడున్న పరిస్థితుల్లో దాన్ని మార్కెటింగ్ చేసుకుని ఓపెనింగ్స్ వచ్చేలా చేసుకోవడం పెద్ద సవాల్. దానికి చిన్నా పెద్ద నిర్మాణ సంస్థలనే భేదాలుండవు. కేవలం బ్యానర్లు చూసి వచ్చే రోజులు ఎప్పుడో పోయాయి. శాకుంతలంని అంతగా ప్రమోట్ చేసుకున్న దిల్ రాజుకి ఎలాంటి అనుభవం ఎదురయ్యిందో చూశాం. స్టార్లు ఉంటేనే ఈ పరిస్థితి ఉంటే ఇక వరస ఫ్లాపుల యూత్ హీరోల గురించి చెప్పేదేముంది. ఈ నెల 18న అన్నీ మంచి శకునములే విడుదల కాబోతోంది. సీతారామం బ్లాక్ బస్టర్ తర్వాత స్వప్న సినిమా నుంచి వస్తున్న చిత్రమిది.
సంతోష్ శోభన్ హీరో కావడంతో దీని మీద బజ్ లేదు. గత డిజాస్టర్లు అతని మార్కెట్ మీద బాగా ప్రభావం చూపించాయి. ఓ బేబీ రూపంలో నందిని రెడ్డికి హిట్టు ఉన్నా కేవలం ఆ పేరు మీదే భారీగా టికెట్లు తెగడం కష్టం. అందుకే నిర్మాతలు స్వప్నదత్, ప్రియాంకదత్ బృందాలు అన్నీ తామై తమ ఎఫర్ట్స్ అన్నీ సర్వం దీని కోసమే పెడుతున్నారు. వరుసగా మీడియా మీట్లు, బంతి భోజనాలు, పాటలు, టీజర్ లాంచులు ఒకటేమిటి అన్నీ వేడుకలా చేస్తున్నారు. గత నెల ఈ టీమ్ ప్రముఖ కాలేజీలు ఒక రౌండ్ వేసొచ్చి పబ్లిసిటీ చేసుకుంది. రాబోయే పది రోజుల్లో దీన్ని నెక్స్ట్ లెవెల్ కు తీసుకెళ్లాలి.
ఇన్ని తిప్పలు ఎందుకంటే కంటెంట్ ఎంత మంచిగా ఉన్నా క్యాస్టింగ్ అట్రాక్షన్ లేని సినిమాల కోసం జనం థియేటర్లకు రావాలంటే ఆ సంథింగ్ స్పెషల్ ఏంటనేది ముందే చెప్పాలి. ఏదో ఒక ప్రత్యేకత లేనిదే జనాలు హాళ్లకు రావడం లేదు. అలాంటిది సీనియర్లు ఎందరు ఉన్నా సరే ప్రచారం కోసం చెమట చిందించాల్సిందే. బిజినెస్ పరంగా దీనికి ఇబ్బంది లేదు. తర్వాత సినిమా ప్రాజెక్ట్ కె కావడం, అశ్వినిదత్ పెద్దరికం, సీతారామం ఎఫెక్ట్ ఇవన్నీ థియేట్రికల్ హక్కులకు సానుకూలంగా పని చేశాయి. టైటిల్ లో ఉన్న శకునములు బాక్సాఫీస్ దగ్గరా మంచిగా పనిచేస్తే చాలు.
This post was last modified on May 8, 2023 9:13 pm
అధికారంలో ఉన్నాం. అయినా మాకు పనులు జరగడం లేదు. అనే వ్యాఖ్యను అనంతపురం జిల్లాకు చెందిన ఒక సీనియర్ నాయకుడు…
డాలర్లు, మంచి లైఫ్ స్టైల్ కోసం విదేశాలకు వెళ్లాలని ప్రతి ఒక్కరూ కలలు కంటారు. కానీ అక్కడ కొన్నాళ్లు గడిపాక…
వైసీపీ అధినేత జగన్ ఇలానే ఉండాలి అంటూ టీడీపీ నాయకులు వ్యాఖ్యానిస్తున్నారు. దీనికి కారణం రాజకీలంలో ఎవరూ ఎవరినీ దెబ్బతీయరు.…
రాయ్పూర్ వన్డేలో 359 పరుగులు చేసినా టీమిండియా ఓడిపోవడం బిగ్ షాక్ అనే చెప్పాలి. బ్యాటర్లు అదరగొట్టినా, బౌలర్లు చేతులెత్తేయడంతో…
కాసేపు అఖండ 2 విషయం పక్కనపెట్టి నిజంగా ఇలాంటి పరిస్థితి టాలీవుడ్ లో మొదటిసారి చూస్తున్నామా అనే ప్రశ్న వేసుకుంటే…
ఉండవల్లిలోని చంద్రబాబు క్యాంపు కార్యాలయానికి తెలంగాణ సినిమాటోగ్రఫీ మంత్రి కోమటిరెడ్డి వెంకట్రెడ్డి ఈ రోజు వెళ్లారు. తెలంగాణ రైజింగ్ సమిట్కు…