Gulte Telugu Telugu Political and Movie News Updates
ప్రస్తుతం ‘ఏజెంట్’ సినిమాతో థియేటర్స్ లో ఉన్న అఖిల్ నెక్స్ట్ సినిమాకి రెడీ అవుతున్నాడు. యూవీ క్రియేషన్స్ లో అఖిల్ తదుపరి సినిమా ఉండబోతుంది. ఈ సినిమాతో అనీల్ అనే కొత్త దర్శకుడు ఇండస్ట్రీకి పరిచయమవుతున్నాడు. ప్రస్తుతం ప్రీ ప్రొడక్షన్ వర్క్ జరుపుకుంటున్న ఈ సినిమా జూన్ నుండి రెగ్యులర్ షూటింగ్ మొదలు కానుంది.
ఈ సినిమాతో దర్శకుడిగా మెగా ఫోన్ పట్టబోతున్న అనీల్ గతంలో ప్రభాస్ కి ఓ కథ చెప్పాడని టాక్ ఉంది. సాహో , రాదేశ్యామ్ సినిమాలకు దర్శకత్వ శాఖలో పనిచేశాడు అనీల్. సాహో టైమ్ లోనే యూవీ నిర్మాతలకు ఓ ఐడియా చెప్పి వాళ్ళ మెప్పు పొందాడు. ఆ కథను ప్రభాస్ తో చేయించాలని భావించారట నిర్మాతలు. కానీ సాహో , రాధే శ్యామ్ ఎఫెక్ట్ తో అనీల్ ను ప్రభాస్ కి జత చేయడం కరెక్ట్ కాదని భావించి అతనికి ఇప్పుడు అఖిల్ సినిమా అప్పగించారని ఇన్ సైడ్ టాక్.
ప్రభాస్ కోసం రెడీ చేసిన ఆ కథతోనే అనీల్ ఇప్పుడు అఖిల్ సినిమా చేస్తున్నాడా ? అనేది తెలియాల్సి ఉంది. అఖిల్ సరైన హిట్ కోసం చాలా ఏళ్లుగా ఎదురుచూస్తున్నాడు. తాజాగా వచ్చిన ‘ఏజెంట్’ భారీ డిజాస్టర్ అనిపించుకుంది. దీంతో నెక్స్ట్ సినిమాపై అఖిల్ చాలా కేర్ తీసుకొనున్నాడు. ఈ సినిమాతో అక్కినేని హీరో కోరుకున్న సాలిడ్ హిట్ పడుతుందని యూవీ నిర్మాతలు అనీల్ మీద గట్టి నమ్మకం పెట్టుకున్నారట.
