Movie News

బన్నీ లైనప్.. ది బెస్ట్

టాలీవుడ్ స్టార్ హీరోల్లో మంచి సక్సెస్ రేట్ ఉన్న వాళ్లలో అల్లు అర్జున్ ఒకడు. గత కొన్నేళ్లలో అతను ఇంతింతై అన్నట్లుగా ఎలా ఎదిగాడో తెలిసిందే. తండ్రి అల్లు అరవింద్ అనుభవం, ఆయన సలహాలు, అభిరుచి కూడా తోడవడం వల్లో ఏమో.. బన్నీకి భలే కాంబినేషన్లు సెట్ అవుతుంటాయి. కథల విషయంలోనూ అతను చాలా జాగ్రత్తగా ఉంటుంటాడు.

కొత్త దర్శకుడు వక్కంతం వంశీని నమ్మి ‘నా పేరు సూర్య’తో ఓ ప్రయోగం చేసి చూశాడు బన్నీ. అది తేడా కొట్టింది. అయినా కుంగిపోకుండా.. ఈసారి జాగ్రత్తగా ఆచితూచి త్రివిక్రమ్ శ్రీనివాస్‌తో కలిసి తనకు బాగా నప్పే కథతో ‘అల వైకుంఠపురములో’ చేశాడు.

బాక్సాఫీస్ బద్దలైపోయే విజయం దక్కింది. దీని తర్వాత బన్నీ మరింత అలెర్టయ్యాడు. త్రివిక్రమ్ లాంటి అగ్ర దర్శకుడితో సినిమా చేసి భారీ విజయాన్నందుకున్నాక దానికి ఏమాత్రం తగ్గని రీతిలో ‘రంగస్థలం’తో మెగా హిట్ కొట్టిన సుకుమార్‌‌తో చిత్రాన్ని లైన్లో పెట్టాడు.

వీళ్ల కలయిక అంటేనే అంచనాలు భారీగా ఉంటాయి. పైగా ఇప్పుడు ఈ ఇద్దరూ ఎవరికి వాళ్లు ఇండస్ట్రీ హిట్ కొట్టాక జత కడుతున్నారు. దీంతో సినిమాపై అంచనాలు ఇంకా పెరిగిపోయాయి. ఈ సినిమా తర్వాత బన్నీ లైన్లో పెట్టింది కూడా క్రేజీ ప్రాజెక్టే. కొరటాల శివతో బన్నీ కొత్త సినిమాను అనౌన్స్ చేసిన సంగతి తెలిసిందే.

కొరటాల చేసిన నాలుగు సినిమాలూ ఘనవిజయం సాధించాయి. ఇప్పుడు మెగాస్టార్‌తో ‘ఆచార్య’ చేస్తున్నాడు. దాని తర్వాత బన్నీతో కొరటాల సినిమా అనేసరికి అందరిలోనూ ప్రత్యేక ఆసక్తి ఏర్పడింది. అన్నీ కలిసొస్తే పుష్ప, ఆచార్య కూడా రికార్డ్ బ్రేకింగ్ హిట్లు కావచ్చేమో.

ఆ తర్వాత బన్నీ, కొరటాల కలిస్తే ఆ సినిమా రేంజే వేరుగా ఉంటుంది. ఇలా వరుసగా బన్నీ టాలీవుడ్ టాప్-4 దర్శకుల్లో ముగ్గురితో సినిమాలు లైన్లో పెట్టడం విశేషమే. ఇక నంబర్ వన్ డైరెక్ట్రర్ రాజమౌళితో కూడా ఓ సినిమా చేసేస్తే ఇక అతడికి తిరుగులేనట్లే.

This post was last modified on August 2, 2020 6:59 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

8 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

8 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

9 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

9 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

9 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

9 hours ago