తెలుగులో సినిమాలకు షార్ట్ సీజన్లలో బెస్ట్ అంటే.. సంక్రాంతినే. వారం పది రోజుల పాటు ఆ టైంలో సినిమాలకు భారీ వసూళ్లు వస్తాయి. ఇక ఎక్కువ రోజుల పాటు మంచి వసూళ్లతో సినిమాలకు కలిసొచ్చే సీజన్ అంటే వేసవినే. విద్యార్థులు అందరికీ ఈ టైంలో సెలవులు ఉంటాయి కాబట్టి వాళ్లతో పాటు ఫ్యామిలీస్ కూడా థియేటర్లకు పెద్ద ఎత్తున కదిలి వస్తాయి. అందుకే ఈ టైంలో పాజిటివ్ టాక్ తెచ్చుకున్న సినిమాలకు మంచి వసళ్లు వస్తాయి.
అలాగే లాంగ్ రన్ కూడా ఉంటుంది. ప్రతి వేసవిలోనూ టాప్ స్టార్లు నటించిన కొన్ని భారీ చిత్రాలు రిలీజవడం మామూలే. కానీ ఈసారి మాత్రం చిత్రంగా అలాంటి సినిమా ఒక్కటీ లేదు. అలా అని వినోదానికేమీ ఢోకా లేదు. మిడ్ రేంజ్లో క్రేజీ సినిమాలు వేసవికి షెడ్యూల్ అయ్యాయి. అందులో తొలి సినిమా ‘దసరా’ నిన్ననే మంచి అంచనాల మధ్య ప్రేక్షకుల ముందుకు వచ్చింది. ఈ సినిమాకు వస్తున్న స్పందన చూస్తుంటే పెద్ద సినిమాలు లేవనే లోటే కనిపించేలా లేదు.
పెద్ద హీరోల సినిమాలకు దీటుగా ‘దసరా’కు ఓపెనింగ్స్ వచ్చాయి. ఈ సినిమా రిలీజ్ కూడా భారీగానే చేశారు. గురువారం అంతా థియేటర్లు కళకళళాడిపోయాయి. శుక్రవారం కూడా సందడి కొనసాగుతోంది. శని, ఆదివారాల్లో సైతం ‘దసరా’ ప్యాక్డ్ హౌస్లతో సందడి చేసేలా కనిపిస్తోంది. ‘దసరా’ ఊపు టాలీవుడ్లో హుషారు పుట్టిస్తోంది. వేసవికి రానున్న సినిమాలకు ఇది శుభ సంకేతమే.
ఈ ఉత్సాహంలో రవితేజ సినిమా ‘రావణాసుర’ టీం కూడా భారీ రిలీజ్కు రంగం సిద్ధం చేసుకుంటోంది. ‘ధమాకా’; ‘వాల్తేరు వీరయ్య’ లాంటి సూపర్ సక్సెస్ల తర్వాత మాస్ రాజా నుంచి రానున్న సినిమా కావడంతో ఆయన కెరీర్లోనే అత్యధిక థియేటర్లలో సినిమాను రిలీజ్ చేయబోతున్నారు. అంతే కాక రెండు తెలుగు రాష్ట్రాల్లో దీనికి అదనపు షోలు కూడా ప్లాన్ చేస్తున్నారు. ఓపెనింగ్స్ పరంగా రవితేజ కెరీర్లో ఇది రికార్డు నెలకొల్పడం ఖాయంగా కనిపిస్తోంది. దీని తర్వాత శాకుంతలం, విరూపాక్ష, ఏజెంట్, రామబాణం లాంటి క్రేజీ సినిమాలు వేసవిలో వరుసకట్టబోతున్నాయి.
This post was last modified on April 1, 2023 8:35 am
ఏపీ సీఎం చంద్రబాబు అధ్యక్షతన రేపు ఏపీ కేబినెట్ భేటీ కానుంది. అసెంబ్లీ సమావేశాల నిర్వహణ, టీచర్, గ్రాడ్యుయేట్ ఎమ్మెల్సీ…
వైసీపీ నాయకురాలు, మాజీ మంత్రి విడదల రజనీపై కేసు నమోదు చేయాలని రాష్ట్ర హైకోర్టు గుంటూరు పోలీసులను ఆదేశించింది. ఆమెతోపాటు..…
తెలంగాణ కాంగ్రెస్ పార్టీ ఎమ్మెల్సీ, యువ నాయకుడు తీన్మార్ మల్లన్నకు ఆ పార్టీ రాష్ట్ర కమిటీ నోటీసులు జారీ చేసింది.…
అధికారం ఉన్నప్పుడు అతి విశ్వాసం చాలామంది రాజకీయ నేతలకు ఆటోమేటిక్ గా వచ్చేస్తుంది. మరీ ముఖ్యంగా ఏపీ మాజీ సీఎం,…
మాచో స్టార్ గోపీచంద్ బలమైన కంబ్యాక్ కోసం అభిమానులు ఎదురు చూస్తూనే ఉన్నారు. దర్శకుడు శ్రీను వైట్ల విశ్వంతో బ్రేక్…
‘ఆర్ఆర్ఆర్’ సినిమాతో గ్లోబల్ స్టార్లుగా ఎదిగిపోయారు జూనియర్ ఎన్టీఆర్, రామ్ చరణ్. ఆ చిత్రం అంతర్జాతీయ స్థాయిలో ప్రేక్షకులను ఉర్రూతూలగించింది.…