RRR: 80 కోట్లు కాదు 8 కోట్లు

రాజమౌళి RRRను ఆస్కార్ వరకూ తీసుకెళ్లడం కోసం యాబై కోట్లు ఖర్చు పెట్టారని , లేదు లేదు అంతకంటే ఎక్కువే అంటూ పలు వార్తలు చక్కర్లు కొట్టాయి. ఆస్కార్ రేస్ లో “నాటు నాటు” ఉన్నప్పటి నుంచే ఈ బడ్జెట్ పై ఇండస్ట్రీలో రకరకాల గాసిప్స్ వినిపించాయి. అయితే ఆస్కార్ కోసం రాజమౌళి భారీగా ఖర్చు పెట్టేస్తున్నాడని అంత అవసరం లేదని కొందరు ప్రముఖులు కూడా కామెంట్ చేశారు.

కానీ ఆస్కార్ ప్రమోషన్స్ కోసం రాజమౌళి పెట్టిన అసలు ఖర్చు విని ఇప్పుడు అలా కామెంట్ చేసిన అందరూ షాక్ అవుతున్నారు. RRR ఆస్కార్ కోసం జక్కన్న ఖర్చు పెట్టింది కేవలం 8 కోట్ల 50 లక్షలు మాత్రమే. ఈ విషయాన్ని స్వయంగా రాజమౌళి కొడుకు కార్తికేయనే చెప్పాడు. ఇటీవలే ఓ మీడియా ఇంటర్వ్యూలో పాల్గొన్న కార్తికేయ ఆస్కార్ కోసం మూడు విడతలుగా రెండున్న నుండి మూడు కోట్లు ఖర్చు చేశామని అన్నాడు.

కార్తికేయ చెప్పిన ఈ బడ్జెట్ వీడియో ఇప్పుడు సోషల్ మీడియాలో వైరల్ అవుతుంది. రాజమౌళి తన తెలివితేటలతో హాలీవుడ్ లో తక్కువ ఖర్చుతోనే ఎక్కువ ప్రమోట్ చేసుకున్నాడు అంటూ నెటిజన్లు చెప్పుకుంటున్నాడు. ఏదేమైనా రాజమౌళి మాస్టర్ ప్లాన్ ఇంప్లిమెంట్ వెనుక ఉన్న కార్తికేయ అసలు బడ్జెట్ చెప్పడంతో ఇప్పుటి వరకూ చక్కర్లు కొట్టిన అన్ని రూమర్స్ కి ఫులి స్టాప్ పడినట్టయింది.